Home တၢ်ကစီၣ် ပိာ်မုၣ်တဖၣ်စ့တၢ်ဟဲနုာ်ကအါထီၣ်အဂီၢ် တၢ်ပာ်လီၤ၀ဲတၢ်ထ့ချီၣ်နိၤဘိတၢ်မၤ

ပိာ်မုၣ်တဖၣ်စ့တၢ်ဟဲနုာ်ကအါထီၣ်အဂီၢ် တၢ်ပာ်လီၤ၀ဲတၢ်ထ့ချီၣ်နိၤဘိတၢ်မၤ

400
0

လါစဲးပထ့ဘၢၣ် ၁၄သီ, ၂၀၁၈နံၣ်, နၣ်ဘွါချ့

ဧရၣ်၀တံၣ်ကီၢ်ခိၣ်ဒိၣ်ပါတနီၣ်ကီၢ်ဆၣ်သ၀ီတဖၣ်အပူၤတၢ်ပညိၣ်လၢပိာ်မုၣ်ပိာ်မၢၤတဖၣ်ကျိၣ်စ့တၢ်ဟဲနုာ်ကအိၣ်ထီၣ်အဂီၢ်ဒီးတၢ်ဒုးအိၣ်ထီၣ်၀ဲတၢ်ထ့ချီၣ်နိၤဘိတၢ်တိာ်ကျဲၤတခါဒီးဘၣ်တၢ်ဟ့ၣ်လီၤစ့ကိၣ်လိၣ်လၢ(INGO)ကရူၢ်န့ၣ်လီၤ.

တၢ်ထ့၀ဲချီၣ်နိၤဘိတၢ်မၤတၢ်တိာ်ကျဲၤအံၤ ဒိးန့ၢ်ဘၣ်စ့ကိၣ်လိၣ်တၢ်မၤစၢၤလၢ (LIFT-Livelihoods and Food Security Trust Fund ) ၀ံၤ (GRET MYANMAR-INGO)ဒီး ပါတနီၣ်သးစၢ်(PKY)အရူၢ်စးထီၣ်မၤ၀ဲ လၢလါယူၤလံ (၁)သီအနံၤန့ၣ်လီၤ.

(PKY)ကရူၢ် စးရဲသူရ့ၣ်ဟဲၣ်တဲ၀ဲလၢ “ကတီၢ်အံၤအ၀ဲသ့ၣ်ထ့၀ဲချီၣ်ဒီးပဟ့ၣ်လီၤ တၢ်သိၣ်လိတဖၣ်ဒ်အမ့ၢ်လၢ ကသ့ပာ်ကီၤစ့တဖၣ်. နီၢ်ကစၢ်မၤလိသ့သးလၢစ့စရီ၊ အ၀ဲသ့ၣ်နီၢ်ကစၢ်စ့တၢ်ဟဲနုာ်ဒီးဆီတလဲမၤမုၢ်ကျိၤ၀ဲၤ ကွာ်အဂၤသ့ၣ်တဖၣ်အဂီၢ်” တဲဘၣ်၀ဲခ့ၣ်အဲးစံၣ်န့ၣ်လီၤ.

တၢ်တိာ်ကျဲၤလၢတၢ်ပာ်ပနီၣ်ဃာ်နံၤသီတုၤလၢလါဒံၣ်စ့ဘၢၣ်၃၁သီအံၤ တၢ်အိးထီၣ်န့ၢ်ဃာ်၀ဲ စ့တၢးလီၢ်တခါဒီး ပှၤပိာ်မုၣ်လၢအသးစဲ၀ဲတၢ်မၤအံၤလၢအအိၣ်၀ဲအဂၤ ၂၀ဒီး တလါအတီၢ်ပူၤ အ၀ဲသ့ၣ် ဘၣ်ဟဲ သွီနုာ်လီၤ၀ဲ ချီၣ်အဘ့ၣ်လၢအလီၤလၢ စ့အစှၤကတၢၢ်(၄၅‚၀၀၀)ကၠးအဂ့ၢ်န့ၣ်လီၤ.

တၢ်ထ့၀ဲချီၣ်နိၤဘိအံၤ မ့ၢ်၀ဲ တၢ်ဆါအီၤဒီးကဃုန့ၢ်၀ဲ စ့တၢ်ဟဲနုာ်ကျိၤကျဲဒီး လၢတၢ်မၤအံၤ ကကဲထီၣ်အဂီၢ် ပိာ်မုၣ် အဂၤ ၂၀အကျါ၅ဂၤန့ၣ်တၢ်ပာ်လီၤအီၤလၢပှၤတီခိၣ်ရိၢ်မဲတၢ်ဒ်အမ့ၢ်ပှၤပၢၤစ့, ပှၤဃုတၢ်ဆါတၢ်ပှ့ၤ, ပှၤထၢဖှိၣ် နိၤဘိအကဒိၣ်, ပှၤတူၢ်လိာ်နိၤဘိထူၣ်သ့ၣ်တဖၣ်အဂ့ၢ်တၢ်တိာ်ကျဲၤမူဒါခိၣ်တဖၣ်တဲ၀ဲန့ၣ်လီၤ.

နၣ်ကၠံၣ်ကၠံၣ်၀့လၢတၢ်ထ့ချီၣ်နိၤဘိအံၤတဲ၀ဲလၢ“မ့ၢ်တုၤ၂၈သီန့ၣ် ဘၣ်သွီနုာ်ချီၣ်လၢ အလီၤတဲာ်လၢစ့(၄၅‚၀၀၀)ကၠးလံ. မ့ၢ်န့ၢ်အါန့ၢ်ဒံးတၢ်ပာ်ပနီၣ်န့ၣ်န့ၢ်စ့ၢ်ကီးလီၤ. လၢညါတလါတၢ်စူးအဃိတၢ်မၤတဂ့ၤဘၣ်. တလါညါအံၤတၢ်ဟဲကိၢ်ထီၣ်အဃိ တၢ်မၤဂ့ၤအါထီၣ်ဒီးစ့ဟဲနုာ်အါထီၣ်တလိၣ်လဲၤဟံးန့ၢ်စ့ဟ့ၣ်လိၣ်လၢၤဘၣ်န့ၣ်လီၤ.”

လၢတၢ်မၤဒ်အံၤအဃိတၢ်လုၢ်အီၣ်သးသမူတကးဘၣ်တၢ်လဲၤမၤတၢ်လၢထံဂုၤကီၢ်ဂၤစှၤလီၤအဂီၢ်, တၢ်ဟံးလိၣ်စ့ကစှၤလီၤအဂီၢ်, လၢဟံၣ်ဃီစ့ဟဲနုာ်ဒီးကမၤစၢၤစ့ၢ်ကီးလၢတၢ်ကူၣ်ဘၣ်ကူၣ်သ့ဂီၢ်အဂ့ၢ်ပှၤဘၣ်မူဘၣ်ဒါတဖၣ်တဲ၀ဲန့ၣ်လီၤ.