Home တၢ်ကစီၣ် ပှၤကီၢ်ပယီၤလၢအလဲၤတုၤကီၢ်အမဲရကၤ ၅၀၀ဂၤဃၣ်ဃၣ်ဘၣ်သုးကွံာ်အလီၢ်တစိၣ်တလီၢ်

ပှၤကီၢ်ပယီၤလၢအလဲၤတုၤကီၢ်အမဲရကၤ ၅၀၀ဂၤဃၣ်ဃၣ်ဘၣ်သုးကွံာ်အလီၢ်တစိၣ်တလီၢ်

212
0

လါစဲးပထ့ဘၢၣ်၂၅ သီ, ၂၀၁၈နံၣ်, စီၤမၠၣ်အူသၣ်

ပှၤကီၢ်ပယီၤဖိ ဟံၣ်ဒူၣ် ၉၈ ဒူၣ်,ပှၤနီၣ်ဂံၢ် ၅၀၀ဂၤဃၣ်ဃၣ် လၢအအိၣ်ဆိးဖဲကီၢ်အမဲရကၤ (Nebraska) ကီၢ်ဆၣ်(Omaha)၀့ၢ်အပူၤ(Yale Park)ဟံၣ်ဒၢးဖှိၣ်လီၢ်အံၤ ကီၢ်ပဒိၣ်စံးလၢဟံၣ်ဒၢးဖှိၣ်တၢ်သူၣ်ထီၣ်အံၤ တၢ်ဘၣ်ယိၣ်အိၣ်အဃိ အ၀ဲသ့ၣ်ဘၣ်သုးကွံာ်အလီၢ်တစိၣ်တလီၢ်အဂ့ၢ် သ့ၣ်ညါဘၣ်န့ၣ်လီၤ.

ဟံၣ်ဒၢးဖှိၣ်လီၢ်သ့ၣ်တဖၣ်အံၤ ပှၤကအိၣ်အဂီၢ် အပတီၢ်တထီၣ်ဘးဒံးဘၣ်ဒီး ဂာ်သ၀ံလၢတၢ်သူအီၤတဖၣ် တၢ်ဘံၣ်တၢ်ဘၢတအိၣ်ဘၣ်အဃိ လၢတၢ်ကက့ၤဘှီဘၣ်က့ၤအီၤအဂီၢ် ပဒိၣ်ပှၤဘၣ်မူဘၣ်ဒါတဖၣ် မၢပှၤသုးဆိအလီၢ်ကျဲအဂ့ၢ် စီၤအဲၣ်မူလၢဘၣ်သုးကွံာ်အလီၢ်အကျဲတဂၤ စံးဘၣ်ခ့ၣ်အဲးစံၣ်န့ၣ်လီၤ.

“ပၢၤကီၢ်သ့ၣ်တဖၣ်ဟဲတုၤဒီးမၢပှၤစံၣ်လီၤ.မၢဟံးန့ၢ်၀ဲတၢ်ကူတၢ်သိး (၃)သီဂီၢ်, ၀ံၤမးမၢဟဲက့ၤဟံး တၢ်ဖိတၢ် လံၤကတီၢ်အံၤဟံၣ်လီၢ်တဖၣ်အပူၤပှၤအိၣ်တသ့နီတဂၤဘၣ်.ယမါခီအိၣ်ဖျဲၣ်ဖိတယံာ်ဒံးဘၣ်.အခဲအံၤဘၣ်လဲၤအိၣ်လၢပှၤဟံၣ်,တဲ၀ဲလၢတၢ်သူဂာ်သ၀ံအံၤတၢ်ဘံၣ်တၢ်ဘၢတအိၣ်ဘၣ်န့ၣ်လီၤ”အဂ့ၢ်စီၤအဲၣ်မူစံး၀ဲန့ၣ်လီၤ.

ကညီဖိဒီးကလုာ်ဒူၣ်အဂၤအိၣ်ဆိး၀ဲ(Yale Park )ဟံၣ်ဒၢးဖှိၣ်လီၢ်အံၤ လၢအပူၤကွံာ်၃ နံၣ်ကတီၢ် ဂာ်သ ၀ံဒၢပိၢ်ဖးထီၣ်တ့ၢ်တဘျီဒီးတၢ်ဘၣ်ယိၣ်အိၣ်အဃိ ဟံၣ်ကစၢ်တဖၣ် ကက့ၤဘှီဘၣ်က့ၤ၀ဲ ဟံၣ်လီၢ်အံၤဒီးဒုး သ့ၣ်ညါဃာ်၀ဲလၢအပူၤကွံာ် (၃)လါကတီၢ်အဂ့ၢ် သ့ၣ်ညါဘၣ်လၢပှၤအိၣ် ဟံၣ်တဖၣ်အအိၣ်န့ၣ်လီၤ.

ပှၤဘၣ်သုးသးအကျါ ဖိသၣ်ထီၣ်ကၠိတဖၣ်ခဲလၢာ်ပၣ်ဃုာ်(၁၇၅)ဂၤ,ဖိသၣ်အိၣ်ဖျဲၣ်သီပၣ်ဃုာ်ဒီး(Hartland Family Service )ပှၤမၤစၢၤတၢ်ကရူၢ်မၤစၢၤဃာ်ပှၤသ့ၣ်တဖၣ်ဒီး ပှၤကီၢ်ပယီၤဖိသ့ၣ်တဖၣ်န့ၣ်အါဒၣ်တၢ်တ က့ၢ်မ့ၢ်၀ဲပှၤအအိၣ်ဟဲလၢအဟဲခီဖျိလၢကၠီၣ်တဲၣ်ဒီးကီၢ်မလ့ရှါသ့ၣ်တဖၣ်န့ၣ်လီၤ.