Home တၢ်ကစီၣ် ကညီကီၢ်စဲၣ်ကိတိာ်တဲဘၣ် လိညၣ်သ၀ီဖိလၢတဘၣ်ဟးနာ်နါစိၤၦၤခိၣ်ၦၤဃၢၤတၢ်ကတိၤတဂ့ၤ

ကညီကီၢ်စဲၣ်ကိတိာ်တဲဘၣ် လိညၣ်သ၀ီဖိလၢတဘၣ်ဟးနာ်နါစိၤၦၤခိၣ်ၦၤဃၢၤတၢ်ကတိၤတဂ့ၤ

653
0

လါနိၣ်၀့ဘၢၣ် ၇ သီ၊ ၂၀၁၈နံၣ်။ နါ၀့ၣ်ဖၠိစၣ်

ခီဖျိလီၢ်က၀ီၤဖိတြီ၀ဲအဃိ တၢ်ထုးထီၣ်လၢၢ်တၢ်တိာ်ကျဲၤလၢတၢ်ဘၣ်ပတုာ်ဃာ်တၢ်ဂ့ၢ်အံၤ သုတဘၣ်နာ်နါစိၤၦၤတၢ်ခိၣ်တၢ်ဃၢၤအတၢ်တဲတဂ့ၤအဂ့ၢ်န့ၣ် ကညီကီၢ်စဲၣ်ကိတိာ်ခိၣ်ကျၢၢ် နါခ့ၣ်ထွ့ၣ်မၠ့ၣ်တဲဟ့ၣ်ပလီၢ်၀ဲဖဲ လါနိၣ်၀့ဘၢၣ် ၁ သီအနံၤန့ၣ်လီၤႉ

ကညီကီၢ်စဲၣ်ကိတိာ်ခိၣ်ကျၢၢ် နါခ့ၣ်ထွ့ၣ်မၠ့ၣ် မၤ၀ဲတၢ်ထံၣ်လိာ်သးဒီး ကမျၢၢ်ဖိလၢကမၤ လၢၦဲၤန့ၢ်၀ဲၦၤလီၢ်က၀ီၤဖိတဖၣ်အတၢ်လိၣ်ဘၣ်ဖဲ လါနိၣ်၀့ဘၢၣ် ၁ သီဒီးအ၀ဲတဲလီၤ၀ဲဒ်န့ၢ်န့ၣ်လီၤႉ
ကိတိာ်ခိၣ်တဲ၀ဲလၢ “တၢ်လီၢ်အ၀ဲအံၤန့ၣ်မ့ၢ်၀ဲယတၢ်ဖးအလီၢ်၊ အခဲအံၤၦၤဟဲမၤအ့ရှၢၣ်ကျဲမုၢ် နာ်က့တၢ်လီၢ်အ၀ဲအံၤလီၤႉ ယတဲတၢ်ၦၤတနာ်ဘၣ် ၦၤဟဲဖဲမဟါတဟါတဂၤတဲတၢ်နာ်၀ဲအဃိ ၦၤသ့ၣ်တဖၣ်န့ၣ်ဘၣ်တူၢ်လီၤႉ အဃိန့ၣ်ယသးတမုာ်ဘၣ်ႉ အခဲအံၤယဟဲလံ လၢသုတၢ်လိၣ်အိၣ်န့ၣ်တဲ မၤလၢၦဲၤန့ၣ်သုမ့တန့ၢ်ဘၣ်ဆၣ်သနာ်က့ ကဃုန့ၢ်သုၦၤလၢကမၤစၢၤသုႉ မၤလၢၦဲၤမ့န့ၢ်တခီကမၤလၢၦဲၤႉ ကဘၣ်မၤန့ၢ်သုအလီၢ်အိၣ်ဒီဒူၣ်လီၤႉ ဆိမိၣ်တဆဲးဖိဘၣ်လံ၊ သုတဘၣ်နာ်နါစိၤၦၤဂၤအတၢ်ကတိၤတဂ့ၤ ဃုထၢတၢ်လၢအကဲထီၣ်သးသ့”အဂ့ၢ်န့ၣ်တဲ၀ဲန့ၣ်လီၤႉ

လၢန့ၢ်အမဲာ်ညါ လၢတၢ်ဘၣ်ပတုာ်ကွံာ်လိညၣ်တၢ်ထုးထီၣ်လၢၢ်တၢ်တိာ်ကျဲၤ၀ံၤအလီၢ်ခံ လၢအ့ရှၢၣ်ကျဲမုၢ် အဂီၢ် ဒိးန့ၢ်ဘၣ်တၢ်ပျဲလၢအဖိးသဲစးလၢတၢ်လီၢ်လၢအသီတခါဘၣ်ဆၣ် ခီဖျိလၢတၢ်ဒ့ၣ်စၢၤ ယံာ်ဒီးတၢ် လၢာ်ဘူၣ်လၢာ်စ့ၤအါ၀ဲအဃိ ကူၣ်ပနံၣ်လၢအဟံးမူဒါလၢကထုးလၢၢ်သ့ၣ်ဖၣ် တဘၣ်လီၢ်ဘၣ်ဆး လၢအ၀ဲသ့ၣ်အဂီၢ်ဘၣ်ဒီး ကျဲက၀ံၤအဂီၢ်တကြၢးယံာ်၀ဲဘၣ် ဆၣ်ယံာ်၀ဲအဂ့ၢ်န့ၣ်ကိတိာ်တဲကဒီး၀ဲဒၣ်န့ၣ်လီၤႉ

China Road and Bridge Corporation (CRBC) ကူၣ်ပနံၣ်ဟံးမူဒါဒီးအ့ရှၢၣ်ကျဲမုၢ်တၢ်တိာ်ကျဲၤအဂီၢ် လၢၢ်လၢအလိၣ်သ့ၣ်တဖၣ် တၢ်န့ၢ်ဘၣ်အခွဲးလၢထံကီၢ်ပဒိၣ်အိၣ်လၢတၢ်ကထုးထီၣ်န့ၢ်အီၤလၢလိညၣ်ကစၢၢ် လၢၢ်အပူၤခဲလၢာ် ၁၃၀၀၀၀ (တကလီၢ်လွံၢ်ကလး)လၢ(၃)နံၣ်တၢ်တိာ်ကျဲၤအပူၤဘၣ်ဆၣ် လီၢ်က၀ီၤဖိတဖၣ်တြီ၀ဲအဃိ အ့ရှၢၣ်တၢ်ဂုၤထီၣ်ပသီထီၣ်အစ့တၢးတထုးထီၣ်န့ၢ်၀ဲစ့လၢၤဘၣ်အဃိ လိညၣ်ကစၢၢ် တၢ်ထုးထီၣ်လၢၢ်တၢ်တိာ်ကျဲၤ ဘၣ်ပတုာ်ကွံာ်၀ဲဒၣ်န့ၣ်လီၤႉ

လိညၣ်သ၀ီဖိလၢအမ့ၢ်နါခ့ၣ်ခၠိၣ်ခၠိၣ်သါစံး၀ဲ “တၢ်ထုးထီၣ်လၢၢ်လၢအ့ရှၢၣ်ကျဲမုၢ် အဂီၢ်န့ၣ်မ့ၢ်၀ဲ တၢ်တိာ်ကျဲၤတခါအဃိ လိၣ်လၢကဘၣ် ဘၣ်လိာ်ဖိးဒ့ဒီးပသ၀ီဖိန့ၣ်လီၤႉ တၢ်လိၣ်ဘၣ် လၢသ၀ီဖိဃ့ ထီၣ်တဖၣ်မၤလၢၦဲၤန့ၢ်၀ဲမ့န့ၢ်သၢပျၢၤဒီးပကဟ့ၣ်ခွဲးလၢကထုးထီၣ်၀ဲဒံး၀ဲန့ၣ်လီၤႉ ၦၤအါဂၤတၢ်ဘၣ်သး တခီဒုတသ့ၣ်ညါဘၣ်ဒံးဘၣ်ႉ ပမ့ၢ်ဃ့ထီၣ်တၢ် လၢပလိၣ်တဖၣ်န့ၣ်ကိတိာ်ခိၣ် ကျၢၢ်တခီကမၤလၢၦဲၤန့ၢ်၀ဲဒုတဲ၀ဲလီၤႉ တၢ်ဂ့ၢ်ကီမ့ၢ်တကဲထီၣ်တခီဒုပဘၣ်သးလၢ ကမၤ၀ဲတၢ်တိာ်ကျဲၤအံၤလီၤႉ ”အဂ့ၢ်န့ၣ်အ၀ဲတဲဘၣ်ခ့ၣ်အဲးစံၣ်ကညီတၢ်ကစီၣ်န့ၣ်လီၤႉ

ဖဲတၢ်ထံၣ်လိာ်သးဒီး ကိတိာ်ခိၣ်ဘျီ၀ဲအံၤန့ၣ် လၢလီၢ်က၀ီၤဖိအဂီၢ်ကဘၣ်ဟ့ၣ်ဒုသူဆိစ့လၢ တအိၣ်ဒီးစ့ အအ့ၣ်၊ ကမီပိၣ်သ၀ီကန့ၢ်ဘၣ်မ့ၣ်အူအဂီၢ်၊ ကဟ့ၣ်လီၤဟီၣ်ခိၣ်လီၢ် လၢလိညၣ်တၢ်ဟ့ၣ် ကသံၣ်ဒၢးအဂီၢ်၊ လိညၣ်သ၀ီဖိလၢတၢ်ဟံးန့ၢ်ဃာ်အရ့ ၅ ဂၤစ့ၢ်ကီး တၢ်ကဘၣ်ထုးကွံာ်အတၢ်ကမၣ် ဒီး ခၣ်န့ၣ်ဒိၣ်ကၠိ အလီၢ်ခံကျဲတၢ်ကဘၣ်ဒါလီၤန့ၢ်အ၀ဲသ့ၣ်ဒီး ကၣ်ထရၣ် အဂ့ၢ်န့ၣ်တၢ်ဂ့ၢ်သ့ၣ်တဖၣ်အံၤ ပသ့ၣ်ညါဘၣ် လၢသ၀ီဖိတဖၣ်ဃ့ထီၣ်၀ဲဒၣ်န့ၣ်လီၤႉ