Home လုၢ်ဖိထါဖိ ကီၢ်ပူၤ, ကီၢ်ချၢဒီးကီၢ်ဆၢ

ကီၢ်ပူၤ, ကီၢ်ချၢဒီးကီၢ်ဆၢ

584
0

ကီၢ်ပူၤ

မၤတၢ်လၢဒီကလုာ်ဂီၢ်
ဒုၣ်ဒါမဲာ်ချံအါပလီၢ်
ကူကၤဆ့ကညီအိၣ်အါ
တဲဖးကွဲးက့ၤကျိာ်တအါ

ဒုၣ်ဒါရ့တသ့သကိး
ဒုၣ်တမ့ၢ်ဒ်တံၤသကိး
သကိးတနီၤကဲဒုၣ်ဒါ
သကိးဒုၣ်ဒါဃုသ့ၣ်ညါ

ကီၢ်ဆၢ

ဒုးဒုၣ်ဒါဘၣ်သ့အကျိာ်
တဲဖးကွဲးအါဒုၣ်ဒါကျိာ်
ကျဲအါဘိအိၣ်ဒုၣ်ဒါကူၣ်
ပလူၤတချုးပဘၣ်တူၢ်

တူၢ်တကဲဃိဒုးပၢၢ်ဆၢ
ဘၣ်အိၣ်ယံၤကီၢ်ပူၤကီၢ်ချၢ
ပၢၢ်ဆၢတလၢပှဲၤကီၢ်ဆၢ
ဖဲအိၣ်တၢ်လီၢ်ဒုးပၢၢ်ဆၢ

ကီၢ်ချၢ

ပၢၢ်ဆၢလိၣ်ဘၣ်တၢ်ကူၣ်သ့
ဃုာ်ဒီးကီၢ်ချၢတၢ်ကူၣ်သ့
သးစဲခဲလၢာ်ဃုကူၣ်သ့
ဖဲအိၣ်ကီၢ်ချၢဃုကူၣ်သ့

မ့ၢ်အိၣ်ဘီၣ်ညီလၢကီၢ်ချၢ
သ့ၣ်နီၣ်ကီၢ်ပူၤတၢ်ပၢၢ်ဆၢ
ပတြၢၤအိၣ်ပှၤကီၢ်တဂ့ၤ
ဟဲက့ၤသ့ၣ်ထီၣ်ကီၢ်သူလ့ၤ

မ့မၢ၊ မၤ၊ ဟ့ၣ်ဟံးန့ၢ်ကုၢ်
ကညီ၊ ကလုာ်၊ တမ့ၢ်ကုၢ်
ဖီၣ်လိာ်စု၊ ဒုး၊ ဃူ၊ ပၢၢ်ဆၢ
ကီၢ်ပူၤ၊ ကီၢ်ဆၢဒီးကီၢ်ချၢ
ပှၤအဲၣ်စ့ ဘၣ်ကီဘၣ်ခဲဒဲက၀ီၤ (တၢ်လီၢ်သီ)