Home တၢ်ကစီၣ် KNU ဟီၣ်က၀ီၤပူၤ သိလ့ၣ်တကျၢၢ်အဃိ သံ ၄ ဂၤႇ ဘၣ်ဒိ အဂၤ ၁၀ ဘျဲၣ်

KNU ဟီၣ်က၀ီၤပူၤ သိလ့ၣ်တကျၢၢ်အဃိ သံ ၄ ဂၤႇ ဘၣ်ဒိ အဂၤ ၁၀ ဘျဲၣ်

68
0

လါမးရှး ၂၆ႇ ၂၀၁၉ နံၣ်ႇ ခ့ၣ်အဲးစံၣ်

KNU ကညီဒီကလုာ်စၢဖှိၣ်ကရၢ သုးက့ (၇)ဟီၣ်က၀ီၤအပူၤ ဖဲ လါမးရှး ၂၆သီႇ မုၢ်ဃ့ၢ်လီၤ ၁ နၣ်ရံၣ်အဆၢကတီၢ် သိလ့ၣ်(ကါ) တခိၣ်လၢ အ့ၣ်ရၣ်၀တံၣ်ကညီသးစၢ်သ့ၣ်တဖၣ် ဟဲဒိး၀ဲန့ၣ် တကျၢၢ်၀ဲအဃိ ၦၤဒိးသိလ့ၣ်အကျါသံ ၄ဂၤဒီး ဘၣ်ဒိ၀ဲအဂၤ ၁၀ ဘျဲၣ်န့ၣ်လီၤႉ
ၦၤသ့ၣ်တဖၣ်န့ၣ် ခီဖျိလၢတၢ်ကိၢ်ခါကၠိပျၢ်အဃိ မ့ၢ်ဒ်သိး ကဟဲဃုသ့ၣ်ညါမၤလိန့ၢ်တၢ် လၢကညီတၢ်ပၢၢ်ဆၢဟီၣ် က၀ီၤဒီး ဖဲဟဲအဖၢမုၢ်ဘၣ်လၢကျဲအိၣ်ဒီးတၢ်လီၤဘံကၢၢ်တခါဒီးအ၀ဲသ့ၣ်သိလ့ၣ် ဘြ့ၣ်ဖျိအဃိ သိလ့ၣ် တကျၢၢ်၀ဲ အဂ့ၢ် ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)လီၢ်ခၢၣ်သးကသံၣ်၀ဲၤကျိၤမူဒါခိၣ် သုးခိၣ်ဒိၣ်စိ နီၢ်စ့ဒ့ကဲ စံး၀ဲဒၣ် န့ၣ်လီၤႉ
“ကါတကျၢၢ်ဖဲ ၦၤက၀ၣ်နုာ်လီၤလၢသုးက့နွံႇ တၢ်ဒီခိၣ်လၢအဘူးဒီးကီၢ်ကၠီၣ်တဲၣ်ကီၣ်ဆၢ, မဲၢ်သရံးန့ၣ်လီၤႉ ဖဲန့ၣ် ၦၤသံ၀ဲ, ပိာ်ခွါ ၃ဂၤဒီး ပိာ်မုၣ် ၁ ဂၤန့ၣ်လီၤႉ ခိၣ်သၣ်ဃံဒီး စုကၢ်ခီၣ်ကၢ်ဘၣ်ဒိဘၣ်ထံး ကအိၣ်၆ ဂၤႉ တုၤအခဲအံၤဒၣ်လဲာ်သးပ့ၤနီၣ်သး” အဂ့ၢ် အ၀ဲစံးတဲဘၣ် ခ့ၣ်အဲးစံၣ်န့ၣ်လီၤႉ
အခဲအံၤၦၤလၢအဘၣ်ဒိ ၁၁ ဂၤန့ၣ် KNLA လီၢ်ခၢၣ်သးကသံၣ်၀ဲၤကျိၤ ကသံၣ်သရၣ်မုၣ်သ့ၣ်တဖၣ် ကွၢ်ထွဲ၀ဲ၀ံၤအလီၢ်ခံ ကီၢ်ကၠီၣ်တဲၣ် ဂ့ၢ်ဂီၢ်အူၦၤမၤစၢၤတၢ်ဖိသ့ၣ်တဖၣ် ဟဲဟံးန့ၢ်၀ဲလၢကကူဆါယါဘျါန့ၢ်၀ဲအဂီၢ်အဂ့ၢ် သုးခိၣ်ဒိၣ်စိ နီၢ်စ့ဒ့ကဲ တဲအါထီၣ်၀ဲဒၣ်န့ၣ်လီၤႉ
ၦၤလၢအသွံၣ်ဟးထီၣ်အါဒီးဘၣ်ဒိလၢအခိၣ်သၣ်ဃံသ့ၣ်တဖၣ်အိၣ်လၢတၢ်လီၤဘၣ်ယိၣ်ပူၤအဖၢမုၢ်အဂ့ၢ်သ့ၣ်ညါဘၣ်န့ၣ်လီၤႉ