Home တၢ်ကစီၣ် ကီၢ်ပဒိၣ် ကူၣ်သ့၀ဲၤကျိၤကပာ်ပနီၣ်န့ၢ်၀ဲ ကညီလံာ်ညိၣ်သိၣ်ဒိၣ်အံၤအဂီၢ် တၢ်ကဆဲးမၤအီၤ

ကီၢ်ပဒိၣ် ကူၣ်သ့၀ဲၤကျိၤကပာ်ပနီၣ်န့ၢ်၀ဲ ကညီလံာ်ညိၣ်သိၣ်ဒိၣ်အံၤအဂီၢ် တၢ်ကဆဲးမၤအီၤ

14
0

လါအ့ဖြ့ၣ် ၂၁သီႇ ၂၀၁၉နံၣ်ႇ စီၤထိလ့

တၢ်ဒုးလိၣ်ထီၣ်ဖးထီၣ်ကညီလံာ်ညိၣ်သိၣ်ဒိၣ်ကမံးတံာ်တီခိၣ်ရိၣ်မဲကွဲးပာ်လီၤ၀ဲ ကညီစှီၤကျိာ် တတီၤအလံာ်ဖးအံၤ၀ံၤလံဒီး ဒ်သိးကီၢ်ပဒိၣ်ကူၣ်သ့၀ဲၤကျိၤ ကပာ်ပနီၣ်န့ၢ်အီၤအဂီၢ် တၢ်ကရဲၣ်ကျဲၤမၤအီၤအဂ့ၢ် ကမံးတံာ်နဲၣ်ရွဲၣ် မါသၣ်၀့အူစံးဘၣ်ခ့ၣ်အဲးစံၣ်လီၤ.

အ၀ဲစံး၀ဲ “လံာ်ညိၣ်သိၣ်ဒိၣ်အဂီၢ် ကညီစှီၤဒီးၦိၢ်တတီၤလံာ်ဖးန့ၣ်၀ံၤလံႉ မ့မ့ၢ်လၢကညီပှိၢ်မုၢ်နုာ်အဂီၢ် ကတီၣ်ဖျါထီၣ် လၢအ့ရၣ်၀ တံၣ်ဒီ၀့ၢ်တကူၣ်ကီၢ်ခီဒိၣ်ၦၤဂ့ၢ်၀ီကိတိာ်အအိၣ်ႇ မ့မ့ၢ်ကညီစှီၤတခီကတီၣ်ဖျါထီၣ်လၢ ကညီကီၢ်စဲၣ်ၦၤဘၣ်မူဘၣ်ဒါႇ ၀့ၢ်တကူၣ်ႇအ့ရၣ်၀တံၣ်ႇ ပကိႇ တလၢၤႇ တနီသရံၣ် ၦၤဂ့ၢ်၀ီကိတိာ် သ့ၣ်တဖၣ်အအိၣ်န့ၣ်လီၤႉ ကလဲၤဒ်န့ၣ်တဆီဘၣ်တဆီတုၤ လၢကူၣ်သ့ကိ တိာ်၀ဲၤကျိၤပာ်ပနီၣ်န့ၢ်န့ၣ်လီၤႉ”အဂ့ၢ် စံး၀ဲဒၣ်ဖဲလါအ့ဖြ့ၣ် ၁၉သီအနံၤန့ၣ်လီၤ.

တၢ်ဒုးအိၣ်ထီၣ်၀ဲ တၢ်ဒုးလိၣ်ထီၣ်ဖးထီၣ် ကညီလံာ်ညိၣ်သိၣ်ဒိၣ်ကမံးတံာ်အံၤ ဖဲ၂၀၁၈နံၣ်ႇ လါယူၤလံအပူၤ လၢ ၦၤကူၣ်ဘၣ်ကူၣ်သ့ဖိတဖၣ် လၢကီၢ်စဲၣ်ဒီးကီၢ်ခီဒိၣ်တဖၣ်ဒီး ကညီလံာ်လဲၢ်ဒီး တၢ်ဆဲးတၢ်လၤကမံးတံာ်ခၢၣ်စးတဖၣ်၀ံၤ ကမံးတံာ်အ၀ဲန့ၣ်ကွဲးပာ်လီၤ၀ဲ ကညီၦိၢ်ဒီးစှီၤတတီၤလံာ်ဖး၀ံၤပာ်ဂၢၢ်ပာ်ကျၢၤ၀ဲန့ၣ်လီၤ.

လံာ်ညိၣ်သိၣ်ဒိၣ်အ၀ဲန့ၣ် တၢ်သိၣ်လိနံၣ်လၢကဟဲအံၤ ဒ်သိးတၢ်သိၣ်လိဘၣ်အီၤလၢကီၢ်ပဒိၣ်တီၤဖုၣ်ကၠိသ့ၣ်တဖၣ်အဂီၢ် ကမံးတံာ်အံၤ ဟ့ၣ်လီၤ၀ဲကၠိသရၣ်, သရၣ်မုၣ်တဖၣ်တၢ်သိၣ်လိ ဖဲအ့ဖြ့ၣ် ၅သီတုၤ ၉သီလၢ၀့ၢ်ပသံၣ်အပူၤ၀ံၤ မ့မ့ၢ်ကညီစှီၤ လံာ်အဂီၢ်ဟ့ၣ်လီၤ၀ဲကၠိသရၣ်, သရၣ်မုၣ်တၢ်သိၣ်လိဖဲ လါအ့ဖြ့ၣ် ၉သီတုၤ ၁၉သီအနံၤဖဲ၀့ၢ်တကူၣ်အပူၤန့ၣ်လီၤ.

သရၣ်မုၣ်နီၢ်ကပီၤမူလၢအဟဲလၢသၣ်တီၣ်ကၠံအံၤ စံး၀ဲ“ဒ်လံာ်ညိၣ်သိၣ်ဒိၣ်အပူၤ ပမၤလိန့ၢ်ဘၣ်ခဲလၢာ်န့ၣ်လီၤႉ တၢ်ဃဲၤပူသ့ၣ်တဖၣ် ဖိသၣ်ကနၢ်ပၢၢ်အဂီၢ် ဘၣ်သိၣ်လိဒ်လဲၣ်ႉ ထါႇ တၢ်သး၀ံၣ်သ့ၣ်တဖၣ် အ၀ဲသ့ၣ်ကနၢ်ပၢၢ်အဂီၢ် ကဘၣ်သိၣ်လိဒ်လဲၣ်န့ၣ်လီၤႉ မ့ၢ်က့ၤသိၣ် လိတခီကကဲထီၣ်သးဒ်လဲၣ်ဒု တသ့ၣ်ညါဘၣ်ႉ ကသိၣ်လိ လၢအဂ့ၤကတၢၢ်လီၤႉ”အဂ့ၢ် စံးဘၣ် ခ့ၣ်အဲးစံၣ်န့ၣ်လီၤ.

ဒ်တၢ်ကွဲးလီၤ၀ဲကညီလံာ်ညိၣ်သိၣ်ဒိၣ်တတီၤလံာ်ဖးအံၤ၀ံၤဒီးတၢ်ပာ်ဂၢၢ်ပာ်ကျၢၤအီၤ၀ံၤႇ တၢ်ဟ့ၣ်လီၤ၀ဲတၢ်သိၣ်လိတဖၣ်ဘၣ်ဆၣ် လၢကီၢ်ပဒိၣ်တၢ်ကူၣ်ဘၣ်ကူၣ်သ့၀ဲၤကျိၤတကပၤ ကပာ်ဂၢၢ်ပာ်ကျၢၤအီၤအိၣ်တအိၣ်န့ၣ် တၢ်လီၢ်တံၢ်လီၤဆဲးတအိၣ်ဒံးဘၣ်အသိး တၢ်သိၣ်လိနံၣ်လၢကဟဲအဂီၢ် ကီၢ်ပဒိၣ်တကပၤကရၤလီၤ၀ဲလံာ်မိၢ်ၦၢ်အံၤ တၢ်ဘၣ်သးအိၣ်တအိၣ်စ့ၢ်ကီးတၢ်တသ့ၣ်ညါဒံးအီၤအဂ့ၢ် မါသါ၀့အူတဲအါထီၣ်၀ဲလီၤ.

ကညီစှီၤကညီၦိၢ်လံာ်ညိၣ်သိၣ်ဒိၣ်တၢ်မၤတဖၣ်ႇတၢ်မၤ၀ဲတၢ်ပာ်ဂၢၢ်ပာ်ကျၢၤအမူးႇ တၢ်ကိး၀ဲကီၢ်စဲၣ်ဒီးကီၢ်ခီဒိၣ်ကၠိသရၣ်တဖၣ် လၢကက့ၤသိၣ်လိဖိသၣ် အဂီၢ် တၢ်ဟ့ၣ်လီၤတၢ်သိၣ်လိတဖၣ်အံၤ ကမံးတံာ်အ၀ဲန့ၣ် သူတ့ၢ်ဃာ်၀ဲ စ့မၤဘူၣ်လၢအဒိးန့ၢ်ဘၣ်၀ဲ က့ၤသူ၀ဲလၢာ်အကလီၢ်၂၀၀ဘျဲၣ်န့ၣ်လီၤႉ လၢ ကကွဲးပာ်လီၤကဒီးခံတီၤလံာ်မိၢ်ၦၢ်အဂီၢ် ဃုစ့မၤဘူၣ်မ့ၢ်၀ံၤမး ကဆဲးကွဲး၀ဲအဂ့ၢ် သ့ၣ်ညါဘၣ်လၢကမံးတံာ်အအိၣ်န့ၣ်လီၤ.