Home လုၢ်ဖိထါဖိ “တ့ၢ်ဂၢၢ်ဂၢၢ်ဒ်ဘျၢၣ်ကဆီႇ ကဒံးဘၣ်ဖီဘီတဘျီ”

“တ့ၢ်ဂၢၢ်ဂၢၢ်ဒ်ဘျၢၣ်ကဆီႇ ကဒံးဘၣ်ဖီဘီတဘျီ”

929
0

၁.မိၢ်ထံးပၢ်ထံးလၢကီၢ်စဲၣ်
အဲၣ်မၤလိနလံ၁်နလဲၢ်
ၦၤတကလု၁်အသွံၣ်ထံ
လံ၁်လဲၢ်မ့ၢ်ဝဲနီၣ်ဝံ၁်ခံ

၂.ကညီဖိလၢကီၢ်ခီဒိၣ်
မၤလိက့ၤလံ၁်ညိၣ်သိၣ်ဒိၣ်
အိၣ်ဆိးလၢထံဆၢႇ ကီၢ်သီ
ဟံးဃ၁်မၤလိလံ၁်ကညီ

၃.ထံကီၢ်လၢလဲၤထီၣ်လဲၤထီ
အလံ၁်အလဲၢ်အိၣ်ထီၣ်ဖီ
ကီၢ်ဒိၣ်ထံဂ့ၤလၢပစိၤ
တစူးကါၦၤကျိ၁်နါစိၤ

၄.တၢ်ကိၢ်ခါနံၤဖုၣ်ကတီၢ်
ကီၢ်ရ့ၣ်ကီၢ်ဆၣ်မၤနီၢ်နီၢ်
ဒ်ဖိလံၤကကူၣ်ဖးသ့
ဟံးမၤလိ၁်လံ၁်ထူလံ၁်စ့

၅.ဖိလံၤခဲအံၤစံးသါသ့
မိၢ်ပၢ်ကျိ၁်တအဲၣ်ဒိးသ့
ဖိၣ်သၣ်ခဲအံၤတကသုၣ်
မဲးအ့ၣ် ပျ့ၤသွဲးကဲၦၤကုၢ်

၆.ယွၤဟ့ၣ်ယုၢ်ပလံ၁်တၢ်ဖံး
တမၤလိပမဲ၁်ပၢၢ်သံး
ထူဟ့ၣ်သါလံ၁်ထူလံ၁်စ့
ကညီဖိဧၢ မၤလိသ့

၇.ပလံ၁်ပလဲၢ်မ့ၢ်ဟါမၢ်
ပၦၤကလု၁်ကလီၤမၢ်
ကျိ၁်ဂ့ၢ်ပီညါတသ့ၣ်ညါ
စၢၤလီၤတူ၁်အိၣ်တ့ၢ်ဒ်ချါ

၈.ပတသ့ၦၤကျိ၁်အဃိ
ဂု၁်ကျဲးစၢးဟံးန့ၢ်မၤလိ
ကွၢ်ကပ၁်နကျိ၁်တဂ့ၤ
ကဲဘၣ်နဲနီၢ်ႇ စီၤဒိဂ့ၤ

၉.ပလံ၁်လဲၢ်ပတီၢ်မ့ၢ်ထီ
ပၦၤကလု၁်ကထီၣ်ဖီ
မၤလိလံ၁်တမ့ၢ်တၢ်ကီ
ပမ့ၢ်ကျဲးစၢးမ့ၢ်တၢ်ညီ

၁ဝ.စိ၁်ကဖီက့ၤကျိ၁်ကညီ
“တ့ၢ်ဂၢၢ်ဂၢၢ်ဒ်ဘျၢၣ်ကဆီ
ကဒံးဘၣ်ဖီဘီတဘျီ”
ဆၢထံၣ်နၤထံဆဲးမဲးဘီ.

လၢ – တၢ်အဲၣ်ကကွဲၢ်ကဘီ

စီၤကီၢ်ဖျါစ့ (တီနီၢ်ဖိ)
ထါလံ၁်ဒိးသန့ၤ- ကညီတၢ်ဆဲးတၢ်လၤအလံ၁်ဟံးဃ၁်
(သရၣ်မုၣ်အဲလ်ထၣ်လၤဘၣ်)