Home တၢ်ကစီၣ် ကီၢ်ကၠီၣ်တဲၣ်အပူၤ ၦၤမၤတၢ်ဖိ ခီကီၢ်လံာ်အုၣ်သးအမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်ပျဲ မၤအါထီၣ်တၢ်ဆၢကတီၢ် ၉ လါ

ကီၢ်ကၠီၣ်တဲၣ်အပူၤ ၦၤမၤတၢ်ဖိ ခီကီၢ်လံာ်အုၣ်သးအမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်ပျဲ မၤအါထီၣ်တၢ်ဆၢကတီၢ် ၉ လါ

239
0

လါမ့ၤ ၁၄သီ ႇ၂၀၁၉နံၣ် ႇစးအဲၣ်စူ

ဒ်ကီၢ်ကၠီၣ်တဲၣ်-ကီၢ်ပယီၤထံကီၢ်ခံဘ့ၣ် တၢ်တဲသကိးဒီး တူၢ်လိာ်သကိး၀ဲအသိးန့ၣ် နံၣ် လၢကဟဲ ၂၀၂၀နံၣ်ဒီး တနံၣ်အံၤ ၂၀၁၉ နံၣ် လါနိၣ်၀့ဘၢၣ်အပူၤ ၦၤမၤတၢ်ဖိလၢအခီကီၢ်လံာ်အုၣ်ကီၤသးမုၢ်နံၤမုၢ်သီကလၢာ်တဖၣ်အဂီၢ် တၢ်ကဟ့ၣ်အါထီၣ် လံာ်အုၣ်ကီၤသးကတီၢ် တုၤ ၉လါအဂ့ၢ်ကီၢ်ကၠီၣ်တဲၣ် ႇကီၢ်ပယီၤၦၤမၤတၢ်ဖိမီၢ်သီ&ူပာ်ဖျါထီၣ်၀ဲ ဖဲလါမ့ၤ၁၃သီအနံၤန့ၣ်လီၤ.

ဖဲလါမ့ၤ ၁၃ သီန့ၣ် ကီၢ်ကၠီၣ်တဲၣ် ၦၤမၤတၢ်ဖိ ကိတိာ်၀ဲၤကျိၤဒီး ကီၢ်ပယီၤ တၢ်နဲၣ်လီၤ ၦၤမၤတၢ်ဖိ၀ဲၤကျိၤ ဘၣ်မူဘၣ်ဒါတဖၣ် မၤ၀ဲတၢ်ထံၣ်လိာ်တခါ ဖဲကီၢ်ကၠီၣ်တဲၣ် ႇဖုခဲး၀့ၢ်ဒီး အၢၣ်လီၤတူၢ်လိာ်၀ဲ ဘၣ်ဃးၦၤဟဲမၤတၢ်ဖိသ့ၣ်တဖၣ်အဂီၢ် လၢထံကီၢ်ခံဘ့ၣ်ခီကီၢ်အ လံာ်အုၣ်သးအဖီခိၣ် တၢ်ကတူၢ်လိာ်အီၤဒီး ၦၤလၢအခီကီၢ်လံာ်အုၣ်သး ကလၢာ် ဖဲ၂၀၁၉ နံၣ်ဒီး ၂၀၂၀ နံၣ်တဖၣ်အဂီၢ် တၢ်ကဟ့ၣ်အါထီၣ် တၢ်ဆၢကတီၢ်တုၤ ၂၀၂၀ နံၣ်ႇ လါဒံၣ်စ့ဘၢၣ် ၃၁သီ လၢကတီၢ်ယံာ် ၉လါ အဂ့ၢ်န့ၣ် တူၢ်လိာ်၀ဲ န့ၣ်လီၤ.

ၦၤကီၢ်ပယီၤဖိတဖၣ်အဂီၢ် ဟူးဂဲၤသကိးကမံးတံာ် (JACBA) ၦၤပၢၤလီၢ်ဆ့ၣ်နီၤ အူမိကၠိစံး၀ဲလၢ“ၦၤလၢအစိာ်ဃာ်၀ဲ ၦၤမၤတၢ်ဖိ အလံာ် (IC) န့ၣ် ခဲလၢာ်အိၣ် ၆ကလီၢ် ဃၣ်ဃၣ်န့ၣ်လီၤႉ တၢ်ဂ့ၢ်ဟဲထီၣ်လၢတၢ်ချၢအဃိ အ၀ဲသ့ၣ်ဘၣ်ယိၣ်၀ဲဒိၣ်မး တၢ်ဆၢကတီၢ် လၢာ် ႇစ့လၢာ် ႇဘၣ်လီၤဘှံး တၢ်သ့ၣ်တဖၣ်အံၤ လၢကီၢ်ပယီၤတကပၤ ပာ်ဖျါထီၣ်အဖီခိၣ် ကီၢ်ကၠီၣ်တဲၣ်တကပၤ မၤစှၤလီၤန့ၢ်၀ဲ ဒ်အံၤလီၤႉ” အဂ့ၢ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.

လၢန့ၢ်အမဲာ်ညါ ၦၤလၢအစိာ်ဃာ်(CI) အလံာ်အုၣ်သး အသးနံၣ် ဖဲ ၂၀၁၉နံၣ် လါနိၣ်၀့ဘၢၣ်အပူၤတဖၣ် အဂီၢ်ဒီး ၦၤလၢအမၤဃာ် (Data Collection Center – ME Bangkok)လံာ်တဖၣ်အဂီၢ် တလိၣ်မၤ၀ဲ (MOU-U Turn Process) အံၤလၢၤဘၣ်ဒီး က့ၤမၤအါထီၣ်အလံာ်အုၣ်သး အသးနံၣ်န့ၢ်၀ဲအဂ့ၢ် အူမိကၠိစံးအါထီၣ်၀ဲန့ၣ်လီၤ.

ကတီၢ်အံၤ မ့ၢ်၀ဲကီၢ်ကၠီၣ်တဲၣ်တၢ်ဃုထၢကတီၢ်အဃိ တၢ်ဃုထၢထီၣ် ပဒိၣ်လၢအသီတဖုမ့ၢ်၀ံၤန့ၣ် ၦၤမၤတၢ်ဖိလၢအခီကီၢ်လံာ်အုၣ်သး က လၢာ်တဖၣ်န့ၣ် ဒ်သိးဆဲးမၤတၢ်ဖံးတၢ်မၤလၢ ကၠီၣ်တဲၣ်ပူၤကန့ၢ်အဂီၢ် ကအိၣ်ဒီးတၢ်ထိၣ်ဃူထိၣ်ဖိးဒီး ကၠီၣ်တဲၣ်ၦၤဘၣ်မူဘၣ်ဒါ တဖၣ်အဂ့ၢ်န့ၣ် ကီၢ်ပယီၤၦၤမၤတၢ်ဖိအမီၢ်သီ၀ဲၤဒၢး ပာ်ဖျါထီၣ်ဃာ် တၢ်ကစီၣ်န့ၣ်လီၤႉ