Home တၢ်ကစီၣ် တၢ်ထုးထီၣ်၀ဲလံာ်(Animal AR)အဆိကတၢၢ်လၢတၢ်ကမၤလိန့ၢ်၀ဲကညီလံာ်လဲၢ်

တၢ်ထုးထီၣ်၀ဲလံာ်(Animal AR)အဆိကတၢၢ်လၢတၢ်ကမၤလိန့ၢ်၀ဲကညီလံာ်လဲၢ်

1416
0

လါမ့ၤ၂၂သီႇ ၂၀၁၉ႇ စီၤထိလ့

လၢတၢ်ကဃုမၤလိ၀ဲကညီစှီၤကျိၤကန့ၢ်ညီအဂီၢ်ကညီသးစၢ် (IT)အၣ်တံၣ် အၦၤကူၣ်ဘၣ်ကူၣ်သ့ကရူၢ်(Blue Frog)စဲးဖီၣ်ကဟၣ်ခီပနံၣ်ဒုးအိၣ်ထီၣ်၀ဲ (Animal AR -Karen version)အလံာ်လၢတၢ်ကသူဃုာ်အီၤဒီး Application ဒီးမၤ၀ဲတၢ်ဟ့ၣ်ဒုးသ့ၣ်ညါ ဖဲလါမ့ၤ၂၂သီႇဂီၤခီအဆၢကတီၢ်လၢ( MICT Park)အရူ ၀့ၢ်တကူၣ်အပူၤန့ၣ်လီၤႉ

(Animal AR)လံာ်အံၤန့ၣ် လၢတၢ်ကစူးကါအီၤအဂီၢ် အဆိကတၢၢ်န့ၣ် တၢ်ကဘၣ်လဲၤ (Download)၀ဲတၢ်သိၣ်လိကညီလံာ် Application လၢ( Google play Store)အပူၤ လၢတၢ်ကသူဘျးစဲအီၤ ဒီးလံာ်လၢတၢ်ဖးအီၤကန့ၢ်အဂီၢ်န့ၣ်လီၤႉ လၢလံာ်(Animal AR)အိၣ်ဃုာ်ဒီး QR barcode)အံၤ တၢ်ဖးအီၤ လၢ(Screen) န့ၢ်၀ဲတုၤလၢသၢဂၤ န့ၣ်လီၤႉ လၢတၢ်ကစူးကါအီၤအဂီၢ် အိၣ်ဃုာ်၀ဲဒီးတၢ်နဲၣ်ကျဲအဂ့ၢ် ၦၤလၢအဒုးအိၣ်ထီၣ်(Blue Frog)စီၤလၢယဂီၢ် စံးဘၣ်ခ့ၣ်အဲးစံၣ်န့ၣ်လီၤႉ

၀့ၢ်တကူၣ်ကညီဂ့ၢ်၀ီကိတိာ်နီၢ်ပါသ့ၤစၤမၠိလၢအဟဲဖဲတၢ်ဒုးသ့ၣ်ညါမူးတဂၤအံၤစံး၀ဲလၢ“အခဲအံၤန့ၣ် ဟံၣ်တဖျၢၣ်န့ၣ် အိၣ်ဒီး Smart Phone အစှၤကတၢၢ်တဖျၢၣ်ကိးဖျၢၣ်ဒဲးလီၤႉ (Mobile ) မိၤဘဲလ်ဖိဒီး(Game ) ၊ Softwareစ့ၢ်ကီး ညီ၀ဲလၢဖိသၣ်အဂီၢ် လၢကမၤလိန့ၢ်၀ဲကညီအလံာ်ဒီးကလဲၤနုာ်၀ဲဆူအခိၣ်နူာ်ပူၤအဂီၢ်န့ၣ်လီၤႉ တၢ်အံၤမ့ၢ်၀ဲတၢ်မၤၦဲၤ၀ဲတၢ်လီၤဟိန့ၢ်တခါန့ၣ်လီၤႉ တၢ်ဒ်သိးအံၤတဖၣ် ကအိၣ်ထီၣ်အဂီၢ် ၦၤလၢအပာ်ဖှိၣ်မၤသကိး တၢ်ဒ်အမ့ၢ်ခီၣ်ဖၠူထၢၣ်သရၣ်မ့ၢ်ဂ့ၤႇ ၦၤဆီၣ်ထဲမွၤစၢၤတၢ်ဖိသ့ၣ်တဖၣ် စံးဘျုးဘၣ်အ၀ဲသ့ၣ်ဒိၣ်မးန့ၣ်လီၤႉ

ၦၤအဒုးအိၣ်ထီၣ်(Animal AR -Karen version)သ့ၣ်တဖၣ်အံၤ မ့ၢ်စ့ၢ်ကီး ၦၤသ့ၣ်တဖၣ်အပၣ်ဃုာ်၀ဲလၢအဒိးန့ၢ်ဘၣ် ခိၣ်ဖးဖဲလၢကီၢ်ပယီၤခီၣ်ဖၠူထၢၣ်အကရူၢ်ခိၣ်ဒီး ကီၢ်ပယီၤတၢ်ဆဲးကျိးတၢ်ဖံးတၢ်မၤ(MPT)သ့ၣ်တဖၣ် ပာ်ဖှိၣ်မၤသကိး၀ဲသးစၢ်အဆိကတၢၢ်တၢ်ဒုးအိၣ်ထီၣ် (Mobile Application )ၦၤန့ၢ်ခိၣ်ဖးသၢဖုအကျါအ၀ဲသ့ၣ်ပၣ်ဃုာ်၀ဲဒၣ်န့ၣ်လီၤႉ ကီၢ်ပယီၤခီၣ်ဖၠူ ထၢၣ်အရူၢ်ခိၣ်ႇ အနဲၣ်ရွဲၣ်ခိၣ်ကျၢၢ် အူသီစူၣ်ည့စံး၀ဲလၢ ၦၤန့ၢ်ခိၣ်ဖးသ့ၣ်တဖၣ်အကျါ အခဲအံၤပထံၣ်ဘၣ်လၢ အ၀ဲသ့ၣ်သူၣ်ထီၣ်၀ဲခီပနံၣ်ဒီး အတၢ်ဖိတၢ်လံၤသ့ၣ်တဖၣ်မၤ၀ဲတၢ်ဒုးသ့ၣ်ညါန့ၢ်အဃိ ပသးခုဒိၣ်မးန့ၣ်လီၤႉ

(AR -Augmented Reality)အံၤ မ့ၢ်တၢ်သူအီၤလၢတၢ်သူၣ်ထီၣ်ဘှီထီၣ်အဂီၢ် လၢတၢ်ထိၣ်တၢ်ဒွး၀ဲတၢ်သူၣ်ထီၣ်သ့ၣ် တဖၣ်န့ၣ်လီၤႉ အခဲအံၤ (Blue Frog) ဒ်သိးတၢ်ဃုသ့ၣ်ညါ၀ဲ ကလုာ်ဒူၣ်အလံာ်အလဲၢ်ကန့ၢ်အဂီၢ်မ့ၢ်၀ဲတၢ်အဆိက တၢၢ်တဘျီလၢတၢ်ဟ့ၣ်ဒုးသ့ၣ်ညါဒီးပာ်လီၤဆါအီၤန့ၣ်လီၤႉ ( Animal AR)လံာ်တဘ့ၣ်န့ၣ် ၇၀၀၀ကၠးဒီး စးထီၣ်လါ မ့ၤ၂၅သီအဆၢကတီၢ်န့ၣ်တၢ်ကစးထီၣ်ဆါအီၤလီၤအဂ့ၢ်ႇ မ့ၢ်ဘၣ်သးၦ့ၤတခီဆဲးကျိးဒီး Blue Frog Facebook)ဒီးလီတဲဆိနီၣ်ဂံၢ်တခီ (၀၉ ၉၇၅ ၈၀၆ ၄၇၁)စ့ၢ်ကီးသ့၀ဲဒၣ်န့ၣ်လီၤႉ

(Blue Frog)ခီပနံၣ် လၢအထုးထီၣ်၀ဲ(Animal AR (Karen version)အံၤ မ့ၢ်၀ဲကညီသးစၢ် (IT)အၦၤကူၣ်ဘၣ်ကူၣ် သ့လၢကဖျိထီၣ်၀ဲကၠိလၢဘျၢထံခရံာ်ဖိလီၢ်ခၢၣ်သးအိးထီၣ်ဃာ်၀ဲကၠိလၢအမ့ၢ်(KBTS Liberal Arts)န့ၣ်လီၤႉ ကညီကျိာ်လၢအဂၤဒီးကလုာ်ဒူၣ်အဂၤကျိာ်သ့ၣ်တဖၣ်စ့ၢ်ကီးလၢတၢ်မၤလိအီၤလၢ Mobile Application ကန့ၢ်အဂီၢ် ကဒုးအိၣ်ထီၣ်ဒံး၀ဲအဂ့ၢ် ခီပနံၣ် ၦၤဘၣ်မူဘၣ်ဒါသ့ၣ်တဖၣ်စံး၀ဲဒၣ်န့ၣ်လီၤႉ