Home တၢ်ကစီၣ် ကညီကီၢ်စဲၣ် ကိတိာ်အသီတဂၤ ဟးထီၣ်လၢ မူဒါပူၤ

ကညီကီၢ်စဲၣ် ကိတိာ်အသီတဂၤ ဟးထီၣ်လၢ မူဒါပူၤ

58
0

လါမ့ၤ ၂၄ သီႇ ၂၀၁၉နံၣ်ႇ ခ့ၣ်အဲးစံၣ်

ကညီကီၢ်စဲၣ် ကီၢ်ပဒိၣ်အပူၤ တလါအံၤအပူၤ ကိတိာ်အသီတဂၤလၢအမ့ၢ် ပယီၤကလုာ်ဂ့ၢ်၀ီကိတိာ်ခိၣ် အူတ့ၣ်စးထိၣ်လဲၣ်ထွ့အံၤဃ့ဟးထီၣ်အသးလၢ မူဒါတၢ်မၤအပူၤ အဂ့ၢ်သ့ၣ်ညါဘၣ်လီၤႉ

ဖဲ လါမ့ၤ ၂၃သီအနံၤ ထံကီၢ်ႇကီၢ်ခိၣ်အရူ ဘိးဘၣ်ရၤလီၤ၀ဲ တၢ်ကစီၣ်လၢ ကညီကီၢ်စဲၣ် ပယီၤကလုာ်ဒူၣ်ကိတိာ်ဂ့ၢ်၀ီခိၣ် အူတ့ၣ်စးထိၣ်လဲၣ်ထွ့ အံၤ ပျဲဟးထီၣ်ကွံာ်လၢ ကိတိာ် အလီၢ်လၤလံအဂ့ၢ်န့ၣ်လီၤႉ

ဖဲအပူၤကွံာ် လါမ့ၤ ၁၆သီအနံၤစ့ၢ်ကီး ကညီကီၢ်စဲၣ်ပဒိၣ်ကရူၢ်ကိတိာ်တဂၤလၢအမ့ၢ် ၦၤဂ့ၢ်၀ီကိတိာ်၀ဲၤကျိၤခိၣ် ဒီကထၢၣ်တ့ၣ်၀့ကၠီၣ် စ့ၢ်ကီး ခီဖျိတၢ်အိၣ်ဆူၣ်အိၣ်ချ့အဃိ ဃ့ဟးထီၣ်အသးအဃိ ကညီကီၢ်စဲၣ်အပူၤ တလါအံၤအတီၢ်ပူၤ ကိတိာ်၂ ဂၤဃ့ဟးထီၣ်သးအဂ့ၢ်သ့ၣ်ညါဘၣ်န့ၣ်လီၤႉ

အူတ့ၤစၣ်ထိၣ်လဲၤထွ့အံၤ အဟံးတ့ၢ် မူဒါဘၣ်ဃးပယီၤကလုာ်ဒူၣ်ဂ့ၢ်၀ီတကးဘၣ် ၦၤဂ့ၢ်၀ီ၀ဲၤကျိၤႇတၢ်ကရၢကရိဒီးတၢ်ရ့လိာ်မုာ်လိာ်၀ဲၤ ကျိၤႇတၢ်လိာ်ကွဲ၀ဲၤကျိၤႇၦၤနဲၣ် လီၤၦၤမၤတၢ်ဖိတဖၣ်၀ဲၤကျိၤႇၦၤလီၢ်အိၣ်ကမှံအဂီၢ်၀ဲၤကျိၤသ့ၣ်တဖၣ်န့ၣ်လီၤႉ