Home လုၢ်ဖိထါဖိ နၤဒီးယၤပမူဒါ၀ံၤ

နၤဒီးယၤပမူဒါ၀ံၤ

53
0

၁ႉကညီဟီၣ်ခိၣ်၀းတရံးႇ ပလီၤဖးယံၤတ့ၢ်မးလံ မံမီၢ်ဘၣ်ဒံးတဘျီဘျီႇ ထံၣ်လိာ်သးဖဲကီၢ်ကညီ ဘၣ်ဆၣ်ဖဲဖုးသ့ၣ်နီၣ်က့ၤႇ သယုၢ်က့ၤနၤလၢာ်တသ့ ဒ်မှံၤၦၢ်တၢ်ကတိၤဒိႇ ပလီၤဂာ်သပၢၤဒံၣ်ဖိ ကလံၤမုၢ်ထံဒိၣ်ဃိၣ်ယွၤႇ သပၢၤဟၢဖိဘၣ်သ့ၣ်ဖး မ့ၢ်တဃုထိးဖှိၣ်လိာ်က့ၤႇ ထီဘိမ့ၢ်ဒၣ်သပၢၤက့ႉ
၂ႉကညီဖိလၢဂုၢ်သီ၀ံႇ လူၤက့ၤထူလ့ၤက့ၤပထံး ဖုဆၣ်တူၢ်ဒီးဖံဖဲစ့ႇ ဃုထံၣ်န့ၢ်ပကီၢ်သူလ့ၤ ဆ့ပျိၢ်ဆ့ကံၣ်ဆ့ကညီႇ တၢ်ပနီၣ်လီၤစိၤလီၤထီ ပယိၤဒိၣ်ဟဲထီၣ်လၢထံႇ ဟဲထီၣ်ကွီၤဃာ်အမဲၢ်ခံ ပသံၣ်ပခုးဒ့ပီၤလီၢ်ႇ ဆဲးလီၤမဲလီၢ်၀းက၀ီၤ စဲထီၣ်ချံၣ်ကျ့ထီၣ်ပဒီႇ ဒိးလီၤထုဒိးလီၤ၀ၣ်ခီႉ
၃ႉယၦၤကလုာ်လၢယအဲၣ်ႇ ထဲတမံၤအဲၣ်ဒိးဃ့ယဲ ဃုကျဲဒီးသ့ၣ်နံၤဖးသီႇ က့ၤသကိးဖဲကီၢ်ကညီ လီၤဆီဒၣ်ကညီခိၣ်နၢ်ႇ ကွဲမုာ်က့ၤဖိလံၤကိးဂၤ ပအိၣ်ဟီၣ်ခိၣ်၀းတရံးႇ မ့ၢ်ဒၣ်ကီၢ်သူလ့ၤဖိလံၤ တၢ်ကလုၢ်လၢကလံၤကျါႇ တမ့ၢ်တၢ်ကတိၤတဲဆါ ခီဖိတၢ်သူၣ်ကိၢ်သးဂီၤႇ ကလုာ်တၢ်မၤအၢမၤသီႉ
၄ႉလၢခံကတၢၣ်ကစံးယဲႇ ခ့ၣ်ခဲလၢာ်ပာ်ဖှိၣ်ပ၀ဲ ခိၣ်နၢ်ႇသိၣ်ၦံၤဒီးသိၣ်ဒူႇ ကမျၢၢ်ကီၢ်ချၢဒီးကီၢ်ပူၤ ပမ့ၢ်ဒၣ်ၦၤတစၢၤဃီႇ ထိးဖှိၣ်က့ၤတမ့ၢ်တၢ်ကီ ထဲတမံၤပဆၢထံၣ်က့ၤႇ ကညီဖိပတၢ်သဘျ့ မၤထူရၤပတၢ်စံၣ်စိၤႇ မံၤခဲလၢာ်ကွဲးလီၤသကိး ဖဲတၢ်သဘျ့အမုၢ်နံၤႇ နၤဒီးယၤပမူဒါ၀ံၤႉ
အိၣ်တမှံၤကီၢ်အီစ်ထြ့လ်ယါႇႉႉႉႉႉသူလ့ၤနီၣ်မံၤဖိ