Home လုၢ်ဖိထါဖိ ကူၣ်သ့မ့ၢ်အိၣ်ကဲၦၤခိၣ်ႇ ဖဲပအိၣ်မူလၢဟီၣ်ခိၣ်.

ကူၣ်သ့မ့ၢ်အိၣ်ကဲၦၤခိၣ်ႇ ဖဲပအိၣ်မူလၢဟီၣ်ခိၣ်.

267
0

ဒ်သိးပဒိၣ်ထီၣ်က ချ့
ပ၁်ဒိၣ်တၢ်ကူၣ်ဘၣ်ကူၣ်သ့
ဆဲးလၤသနူဟံးန့ၢ်သါ
မ့ၢ်ဒၣ်လၢယွၤဂ့ၢ်ပီညါ

နီၢ်သကဲ၁်ခွါလၢပီညါ
ပီညါကနၣ်အ့ၣ်န့ၢ်ထး
ဒိးတၢ်ကူၣ်သ့ကဟၣ်ထူ
အိၣ်တီလိၤဒီးမၤဃူဃူ

အီၣ်တသ့ကဲတၢ်ဆူးဆါ
အီၣ်မ့ၢ်သ့ကဲထီၣ်ဂံၢ်ဘါ
တၢ်လဲၢ်ဟီၣ်ခိၣ်ဆှါဟံၣ်လီၢ်
ကူၣ်ဆးအါစှၤတီၤပတီၢ်

နီၢ်တမၤလံ၁်တမၤလဲၢ်
ကဲကုၢ်ခ့ၦၤဒ်ၦၤပျဲၢ်
စီမၤလံ၁်မၤလဲၢ်တမု၁်
ဒိးလဲသးဒီးကဲၦၤကုၢ်

နီၢ်အိၣ်ကၢၣ်မံဆူၣ်အီၣ်ဃး
ကူၣ်တဘၣ်ဒီးသးတဆး
စီအိၣ်ဝံမံဆူးမံခ့
ကဲခ့ၦၤအ့စိၢ်အ့န့

ဝံသးစူၤကဲဘၣ်မိၢ်စၢၤ
ဝံသးကၢၣ်သံဘျၢတလၢၤ
ခိၣ်ထံဘီၣ်သးနါၦၢ်ဘူ
ထိၣ်ကိးလံၣ်ကိးတနၢ်ဟူ

စုနၢဖုၣ်ထီဂံၢ်မ့ၢ်သ့
ကဲဘၣ်နဲၦၤကူၣ်ဖးသ့
တၢ်လိၣ်ဘၣ်ဒီးတၢ်အဲၣ်ဒိး
နီၤဖးဒူၣ်ဆၢၦဲၤသိးသိး

တၢ်ကူၣ်သ့ပစိ၁်အီၤညီ
ပဃုပ၁်ဖှိၣ်အဂီၢ်ကီ
မ့တမ့ၢ်လၢတၢ်ကူၣ်သ့
တၢ်အိၣ်မူထီၣ်ဘးတ့သ

ဒိးကူၣ်သ့ၣ်ချံလၢအဖှံ
မ်တမ့ၢ်ၦၤမၢဆီၣ်ခံ
ဃုတၢ်ကူၣ်သ့တၢ်သးဆး
သ့ၣ်ညါနဲထံသးကီၢ်သး

ကူၣ်သ့မ့ၢ်စှၤကဲခ့ၦၤ
ဒီပုၢ်ဝဲၢ်ဟ့ၣ်ပလီၢ်နၤ
““ကူၣ်သ့မ့ၢ်အိၣ်ကဲၦၤခိၣ်
ဖဲပအိၣ်မူလၢဟီၣ်ခိၣ်””.

လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၂၇.၈.၂ ဝ၁၉

ဝီၢ်သြဲတဖၣ်
၁.ဆဲးလၤသနူ -ဘာရိုးရာဓလေ့ (Traditional)
၂.ထူယွၤပီညါ – ပီညါ -တၢ်ကူၣ်တၢ်ဆးႇ တၢ်ကူၣ်ဘၣ်ဖးသ့. ဘာသာရေးဆိုင်ရာအတတ်ပညာ (Theological)
၃.ကုၢ် – ကျွန်(Slave)
၄.ဒိးလဲ – ငှားရမ်းသူ၊နေ့စားလုပ်သား (Day-labour)
၅.အိၣ်ဝံမံဆူးမံခ့ – အချိန်ရှိတိုင်းကျောင်းခင်း (Waste)
၆.ဝံသးကၢၣ် – ပျင်းရိခြင်း (bone-lazy)
၇. ဆှါ – ရှားပါး (Rare)
၈.ကူၣ်ဆးႇ တၢ်ကူၣ်တၢ်ဆး – ဥာဏ်ပညာ( Wisdom)
၉.သကဲ၁် -ကိုယ်ကျင့်တရား (Morality)
၁ဝ.တၢ်လိၣ်ဘၣ် – လိုအပ်ချက် (Need modal)
၁၁.တၢ်အဲၣ်ဒိး – လိုချင်စိတ် ( Want)
၁၂.ခ့ၦၤ -အစေခံ၊အိမ်ဖော် (Servant)
၁၃.ထံသးကီၢ်သး -ကမာအနှံဖြစ်စဥ် (Globalization)