လါအီကူာ် ၅ သီႇ ၂၀၁၉ နံၣ်ႇ စီၤထိလ့
(Global Glory -GG Co.,Ltd.)ၦၤနဲၣ်တၢ် နီၢ်ထါထါမၠ့ၣ်အံၤ ဘၣ်တၢ်ဃုထၢထီၣ်က့ၤအီၤလၢ ကညီ မုၢ်ကျိၤ၀ဲၤကွာ်တၢ်မၤကစၢ်ကရူၢ် ၦၤပၢၤလီၢ်ဆ့ၣ်နီၤတဂၤအသိး ဖဲလါအီကူာ် ၄ သီအနံၤ လၢကရူၢ်အ၀ဲန့ၣ် နံၣ်က တၢၢ်တၢ်အိၣ်ဖှိၣ်ႇဖဲတလၢၤကီၢ်စဲၣ် ၀့ၢ်သထူၣ်ႇ ကဘီယူၤပျီလီၢ်လံၤ (Second Café)ကရၢၢ်အပူၤန့ၣ်လီၤ.
နီၢ်ထါထါမၠ့ၣ် လၢအကဲထီၣ်ၦၤပၢၤလီၢ်ဆ့ၣ်နီၤအံၤ စံး၀ဲ လၢ“စံးဘျုးဘၣ်ၦၤဟ့ၣ်ကူၣ်ဟ့ၣ်ဖးတၢ် ဒီးၦၤကိးဂၤဒဲးလၢ အဟ့ၣ်လီၤၦၤပၢၤလီၢ်ဆ့ၣ်နီၤ မူဒါလၢတၢ်နာ်အပူၤန့ၣ်လီၤႉ လၢတၢ်တီခိၣ်ရိၣ်မဲလၢမၤတၢ်ကတီၢ် လိၣ်လၢၦၤကိးဂၤဒဲးကပၣ်ဃုၣ်လီၤႉ ယဲန့ၣ်တလၢၦဲၤဒံးဘၣ်အဃိ ခိၣ်နၢ်ဖဲအံၤတဖၣ် ကမၤစၢၤလၢတၢ်လဲၤခီဖျိမ့ၢ်ဂ့ၤႇ တၢ်ကူၣ်ဘၣ်ကူၣ်သ့တဖၣ်အဂ့ၢ် အဲၣ်ဒိးဃ့ ထီၣ်လီၤ”အဂ့ၢ် တဲ၀ဲန့ၣ်လီၤ.
ကညီမုၢ်ကျိၤ၀ဲၤကွာ် တၢ်မၤကစၢ်ကရူၢ် နံၣ်ကတၢၢ်တၢ်အိၣ်ဖှိၣ်အပူၤ ၦၤဟ့ၣ်ကူၣ်ဟ့ၣ်ဖးတၢ်တဖၣ်လၢအမ့ၢ် တလၢၤကီၢ်စဲၣ် ကညီ ကလုာ်ဂ့ၢ်၀ီကိတိာ် စီၤအီၣ်မၠ့ၣ်ခဲၣ်ႇ ၀့ၢ်တကူၣ်ကီၢ်ခီဒိၣ် ကညီကလုာ်ဂ့ၢ်၀ီကိတိာ် နီၢ်ပါသ့ၣ်စၣ်မၠိႇ အ့ယၣ်၀တံၣ်ကီၢ်ခီဒိၣ် ကညီက လုာ်ဂ့ၢ်၀ီကိတိာ် ဂၣ်မိမၠၣ်မၠၣ်သူၣ်ဒီး ကီၢ်ခီဘျီၣ်ဒိၣ်ခၢၣ်စး မါကၠီၣ်နံၣ် ကီၢ်ခီဒီး ကီၢ်စဲၣ် ၅ ဘ့ၣ်အပူၤခၢၣ်စးတဖၣ် ခဲလၢာ် ၅၀ ဂၤ ဃၣ်ဃၣ်ဟဲထီၣ်၀ဲန့ၣ်လီၤ.
တၢ်အိၣ်ဖှိၣ်တၢ်တဲသကိး၀ဲအပူၤ ကရူၢ်တၢ်သူၣ်ထီၣ်ဆီလီၤ ပတြီာ်တဖၣ် တၢ်က့ၤတဲသကိးပာ်ဂၢၢ်ပာ်ကျၢၤအီၤန့ၣ်လီၤႉ လၢန့ၢ် အမဲာ်ညါ ၦၤပၢၤလီၢ်ဆ့ၣ်နီၤ လီၢ်လံၤဃ့ဟးထီၣ်သးဒီး တၢ်က့ၤဃုထၢကဒါက့ၤ ၦၤပၢၤလီၢ်ဆ့ၣ်နီၤအသီႇ တၢ်ပာ်ပနီၣ်၀ဲကရူၢ်ဖိတဖၣ် နုာ်လီၤကရူၢ်ပူၤ စ့အလဲဒီးဆူမဲာ်ညါတၢ်မၤတဖၣ် တၢ်တဲသကိးအီၤန့ၣ်လီၤ.
ကရူၢ်ၦၤဟ့ၣ်ကူၣ်တၢ် ကညီဂ့ၢ်၀ီကိတိာ် နီၢ်ပါသ့ၣ်စၣ်မၠိတဲ၀ဲ“လၢဆူမဲာ်ညါတၢ်မၤအကျါ ကရူၢ်အံၤတၢ်ကထၢနုာ်လီၤအမံၤႇ ကမၤတၢ်တဲသကိးတခါႇ ကရူၢ်အံၤ ပအဲၣ်ဒိးတုၤလၢတၢ်အပတီၢ်အခါလီၤႉ”အဂ့ၢ် စံးဘၣ် ခ့ၣ်အဲးစံၣ် ကညီတၢ်ကစီၣ်န့ၣ်လီၤႉ
ကညီမုၢ်ကျိၤ၀ဲၤကွာ်တၢ်မၤကစၢ်ကရူၢ်အံၤ ဘၣ်တၢ်ဒုးအိၣ်ထီၣ်အီၤ ဖဲ၂၀၁၈နံၣ်ႇ လါအိးကထိဘၢၣ် ၂၂သီႇ ဖဲ၀့ၢ်တကူၣ်ကီၢ်ခီဒိၣ် ပဒိၣ်ရူအပူၤဒီး ၦၤပၢၤလီၢ်ဆ့ၣ်နီၤမ့ၢ်၀ဲ စီၤဘိၣ်ဘိၣ်၀့ၣ်မီၣ်န့ၣ်လီၤႉ
နီၢ်ထါထါမၠ့ၣ်လၢအကဲထီၣ်၀ဲ ကရူၢ်ၦၤပၢၤလီၢ်ဆ့ၣ်နီၤအံၤ လၢအပူၤကွံာ် မ့ၢ်၀ဲ ကရူၢ်နဲၣ်ရွဲၣ်န့ၣ်လီၤႉ ဖဲ ၂၀၁၉နံၣ်ႇ လါယနူၤအါရံၤ ၂၅ တုၤအသီ ၃၀ အနံၤ လၢ၀့ၢ်တကူၣ်ႇ ကၠဲၣ်ကစဲၣ်ပျီအပူၤန့ၣ် ကီၢ်ပယီၤကလုာ်ဒူၣ်တၢ်မၤကစၢ်ကရူၢ် တီခိၣ်ရိၣ်မဲ၀ဲဒီးမၤ၀ဲ (ေသြးခ်င္းတုိ႔ ပဲြေတာ္) အပူၤ အကတီၢ် အ၀ဲမ့ၢ်၀ဲ ၦၤတီခိၣ်ရိၣ်မဲ ဒုးနဲၣ်၀ဲ ကညီမုၢ်ကျိၤ၀ဲၤကွာ် တၢ်မၤကစၢ်ကရူၢ် တၢ်ဒုးနဲၣ်လီၢ်အံၤ န့ၣ်လီၤႉ
