Home တၢ်ကစီၣ် လၢတၢ်ကိး၀ဲ ကလုာ်အမံၤတၢ်ပနီၣ်အဖီခိၣ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ထုးထီၣ်လံာ်ပာ်ဖျါ

လၢတၢ်ကိး၀ဲ ကလုာ်အမံၤတၢ်ပနီၣ်အဖီခိၣ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ထုးထီၣ်လံာ်ပာ်ဖျါ

112
0

လါစဲးပထ့ဘၢၣ် ၄ သီႇ ၂၀၁၉ နံၣ်ႇ စီၤရှါႉ

ကလုာ်ဒူၣ်တဖၣ်အမံၤႇ မံၤကယၢဒီး ကလုာ်တဒူၣ်တၢ်ပနီၣ်တဖၣ် သုတလီၤမၢ်ဘၣ်အဂီၢ် ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ၀ီၢ်ရီကီၢ်ဆၣ်အပူၤ ဒ်သိးဒူသ၀ီ ၦၤပၢဆှၢရဲၣ်ကျဲၤတၢ်ဒီး သ၀ီဖိတဖၣ် ကသ့ၣ်ညါအဂီၢ် ထုးထီၣ်၀ဲလံာ်တၢ်ပာ်ဖျါ တဘ့ၣ်ဖဲ လါစဲပထ့ဘၢၣ် ၁ သီအနံၤန့ၣ်လီၤႉ

ခ့ၣ်အဲၣ်ယူၣ် သုးရ့ၣ် ၁၆ႇ ၀ီၢ်ရီကီၢ်ဆၣ် လံာ်တၢ်ပာ်ဖျါနီၢ်ဂံၢ် ၁⁄၂၀၁၉ အပူၤ မ့မ့ၢ်ကညီကလုာ်န့ၣ် “စီၤႇ မါႇ စး ႇနါႇ နီၢ်” မ့မ့ၢ်တလၢၤတခီ “နဲၣ်ႇ မ့ႇ မံၣ်” မ့မ့ၢ်ပယီၤတခီ “အူႇ မီၣ်ႇ ဒီၣ်ႇ မ” သ့ၣ်တဖၣ်လီၤအဂ့ၢ် ဒ်သိးတၢ်ကကိးအီၤ ကွဲးအီၤရှဲရှဲပျီပျီအဂ့ၢ် လံာ်တၢ်ပာ်ဖျါအပူၤ ပညိၣ်ဃာ်၀ဲန့ၣ်လီၤႉ

ဘၣ်ဃးတၢ်ပာ်ဖျါ၀ဲအံၤအဖီခိၣ် ခ့ၣ်အဲၣ်ယူၣ် ၀ီၢ်ရီကီၢ်ဆၣ် ကီၢ်ဆၣ်ခိၣ် ပဒိၣ်စီၤမီၣ်ရွ့ၣ်တဲ၀ဲ“သးနံၣ် ၁၈ နံၣ်အဖီလာ် မံၤတဖၣ်အမဲာ်ညါန့ၣ် တၢ်ကိး၀ဲ မီၣ်ႇ မး ၁၈ နံၣ်အဖီခိၣ် တၢ်ကိး၀ဲ အူႇဒီၣ် သ့ၣ်တဖၣ်အံၤ ပတူၢ်ဘၣ်ဒ်သိး တၢ်ယုၢ်လီၤအီၣ်ကွံာ်ၦၤလီၤႉ ကညီဖိလၢ ပာ်လီၤသးလၢကညီဖိတဖၣ် ကသ့ၣ်ညါ၀ဲတၢ်အံၤဒီး ဒ်သိးလၢခံအမံၤတဖၣ် သုတကမၣ်အဂီၢ်န့ၣ်လီၤ”အဂ့ၢ် တဲဘၣ်ခ့ၣ်အဲးစံၣ် န့ၣ်လီၤႉ

၂၀၂၀ နံၣ်အပူၤ တၢ်မၤ၀ဲ ပၣ်တံၣ်ခဲလၢာ် တၢ်ဃုထၢအပူၤ ဒ်သိးတၢ်ဟ့ၣ်၀ဲတၢ်ဖး(မဲ)ကန့ၢ်အဂီၢ် လၢတၢ်လီၤထၢ၀ဲ ၦၤဟ့ၣ်တၢ်ဖးအမံၤစရီအပူၤ လီၢ်က၀ီၤ ကလုာ်ဒူၣ်တဖၣ်အမံၤ အမဲာ်ညါအပူၤ တၢ်ထၢနုာ်လီၤ၀ဲ “အူႇ ဒီၣ်” မံၤကယၢ တဖၣ်အံၤအဖီခိၣ် တၢ်ပဲာ်ထံနီၤဖးအိၣ်ထီၣ်၀ဲန့ၣ်လီၤႉ

လၢတၢ်ထၢ၀ဲ ၦၤဟ့ၣ်တၢ်ဖးအမံၤစရီ မံၤအမဲာ်ညါ တၢ်ထၢနုာ်လီၤ၀ဲ မံၤကယၢ အူ⁄ဒီၣ်အံၤန့ၣ် မ့ၢ်၀ဲတၢ်နီၤဖး၀ဲ မုၣ်⁄ခွါ ကသ့အဂီၢ်ဒီး လၢတၢ်သ့တၢ်ဘၣ် တကပၤ တၢ်ဆီတလဲ၀ဲ(Software)တန့ၢ်ဒံးဘၣ်အဃိ တၢ်ဘၣ်ထၢနုာ်လီၤ၀ဲဒ်အံၤအဂ့ၢ် ကညီကီၢ်စဲၣ် တၢ်ဃုထၢခီမံရှၢၣ် ၦၤဘၣ်မူဘၣ်ဒါတဖၣ် စံး၀ဲန့ၣ်လီၤႉ

လၢတၢ်ထၢ၀ဲမံၤစရီ ဒ်အံၤအဖီခိၣ် ၀ီၢ်ရီကီၢ်ဆၣ်ရူအပူၤ တၢ်မၤ၀ဲ တၢ်ထံၣ်လိာ်တဲသကိးအိၣ်၀ဲဒီး ကီၢ်ပဒိၣ်တကပၤ ကၠၤအ့ဆ့ၣ်ကၠံကီၢ်ဆၣ် ၦၤပၢဆှၢရဲၣ်ကျဲၤတၢ်ခိၣ်အံၤ ကထၢက့ၤ၀ဲၦၤမံၤစရီ ဒ်ကညီအမံၤ “မါႇ စီၤႇ စးႇ နါႇ နီၢ် ”သ့ၣ်တဖၣ်လီၤအဂ့ၢ် ထုးထီၣ်၀ဲလံာ်တၢ်ပာ်ဖျါ ဖဲလါအီဂူး ၈ သီအနံၤ န့ၣ်လီၤႉ

ကၠၤအ့ဆ့ၣ်ကၠံကီၢ်ဆၣ် ကညီလံာ်လဲၢ်ဒီး တၢ်ဆဲးတၢ်လၤ ၦၤနဲၣ်တၢ် စီၤယီၣ်သးအဲဆၤတဲ၀ဲ“၀ီၢ်ရီကီၢ်ဆၣ်တကပၤ ထုးထီၣ်၀ဲလံာ်တၢ်ပာ်ဖျါဒ်အံၤ ကြၢး၀ဲလီၤႉ ကြၢးဒုးသ့ၣ်ညါကမျၢၢ်တဖၣ်န့ၣ်လီၤႉ ဘၣ်ဆၣ်သနာ်က့ ကဲထီၣ်တၢ်ဆိမိၣ်တခါန့ၣ် တၢ်ဃုထၢကမံးတံာ်အံၤ ဘၣ်မနုၤဃိ လၢတၢ်သ့တၢ်ဘၣ်တကပၤ နီၤဖး၀ဲ ကလုာ်ဒူၣ်တဖၣ်အမံၤ မုၣ်§ခွါ ကီခဲ၀ဲန့ၣ်လဲၣ်ႇ ဒ်သိးကလုာ်ဒူၣ်တဖၣ် တူၢ်လိာ်ကန့ၢ်အဂီၢ် လိၣ်လၢကဒုးနဲၣ်၀ဲဒီး တၢ်အုၣ်ကီၤတခါခါန့ၣ်လီၤႉ”အဂ့ၢ် တဲဘၣ်ခ့ၣ်အဲးစံၣ်န့ၣ်လီၤႉ

ခ့ၣ်အဲၣ်ယူၣ်=ကညီဒီကလုာ်စၢဖှိၣ်က&ၢ ၀ီၢ်&ီကီၢ်ဆၣ်တကပၤ ဘၣ်ထုးလံာ်တၢ်ပာ်ဖျါအံၤ ခီဖျိတၢ်သ့ၣ်ညါလၢ ဒီကလုာ်အဂံၢ်စၢ်အဃိ ၦၤကဟဲကူၣ်တ&ံးၦၤအပူၤ ပကထူၣ်ဖျဲးထီၣ်အဂီၢ် မ့ၢ်တၢ်ဟ့ၣ်ပလီၢ်တခါဒီး လၢတၢ်သူ၀ဲကလုာ်မံၤတဖၣ် အဖီခိၣ် လံာ်တၢ်ပာ်ဖျါ၀ဲအံၤ တၢ်ကဆှၢအီၤလၢ ၀ီၢ်&ီကီၢ်ဆၣ် သ၀ီသ့ၣ်တဖၣ်အပူၤအဂ့ၢ် ပဒိၣ်စီၤမီၣ်&ွ့ၣ်တဲ၀ဲန့ၣ်လီၤႉ

ကညီကီၢ်စဲၣ်အပူၤ ၂၀၂၀ တၢ်ဃုထၢအဂီၢ် လၢတၢ်&ဲၣ်ကျဲၤကတီၤဆိတကပၤ တနံၣ်အံၤ လါမး&ှးထီၣ်ကတီၢ် တၢ်ကလီၤထၢ၀ဲ ၦၤကဟ့ၣ်တၢ်ဖးအမံၤစ&ီတဖၣ် လၢက၀ီၤဒ့ဘၣ်ထွဲဒီး ခီဖျိဒူသ၀ီ ၦၤပၢဆှၢ&ဲၣ်ကျဲၤတၢ် အိၣ်တဆီအဂ့ၢ် န့ၣ်လီၤႉ