Home တၢ်ကစီၣ် ၀့ၢ်ရၤမတံအပူၤ တၢ်ဖီၣ်န့ၢ်၀ဲ စ့ပယီၤအယီၤအဘျၣ် ၁ ကလးကၠး ၁၄၀ ဘ့ၣ်ႉ

၀့ၢ်ရၤမတံအပူၤ တၢ်ဖီၣ်န့ၢ်၀ဲ စ့ပယီၤအယီၤအဘျၣ် ၁ ကလးကၠး ၁၄၀ ဘ့ၣ်ႉ

14
0

လါစဲးပထ့ဘၢၣ် ၈ သီႇ၂၀၁၉နံၣ် ႇန့ၣ်နီၣ်ႉ

ကီၢ်ကၠီၣ်တဲၣ်-ကီၢ်ပယီၤကီၢ်ဆၢ ကညီကီၢ်စဲၣ် ၀့ၢ်ရၤမတံ၀့ၢ်အပူၤ ဖဲလါစဲးပထ့ဘၢၣ် ၆ သီအနံၤ တၢ်ဖီၣ်န့ၢ်၀ဲ ပိာ်ခွါတဂၤလၢ အစိာ်၀ဲ စ့ပယီၤအယီၤ တကလးအဘ့ၣ် ၁၄၀ဘ့ၣ် ဘျဲၣ်အဂ့ၢ် သ့ၣ်ညါဘၣ်လၢ ရၤမတံ ကီၢ်ဆၣ်ပၢကီၢ် တၢ်ပာ်ဖျါအပူၤန့ၣ်လီၤႉ

၀့ၢ်ရၤမတံ က၀ီၤဒ့နီၢ်ဂံၢ် ၁ သၤစ့ၣ်ကျဲအပူၤ ဖဲလါစဲးပထ့ဘၢၣ် ၆ သီႇ ဂီၤခီ ၁၁ နၣ်ရံၣ်ကတီၢ် ကီၢ်ဆၣ်ပၢၤကီၢ်ခိၣ် သဲစီၣ်၀့ တီခိၣ်ရိၣ်မဲကရူၢ်ဒီး ၦၤသ့ၣ်ညါထွဲတၢ်ဂ့ၢ်တဖၣ် အိၣ်ခိးကတီၢ် တၢ်သမံသမိး၀ဲ ပိာ်ခွါ၀ဲန့ၣ်ဒီး စ့ထၢၣ်အပူၤ တၢ်ထံၣ်န့ၢ်၀ဲ စ့ပယီၤအယီၤအဘျၣ် ၁ ကလးအဘ့ၣ် ၇၀ ဒီးတၢ်ဟံးကွံာ်အီၤန့ၣ်လီၤႉ

တၢ်ဆဲးသမံသမိးအီၤဒီး သ့ၣ်ညါဘၣ်လၢ အ၀ဲန့ၣ်လၢအပူၤကွံာ် ၃ သီကတီၢ် ဟဲအိၣ်လၢရၤမတံ ၦၤတမှံၤအိၣ်ကဒုလီၢ်အဃိ တၢ်လဲၤဃုကွၢ်ဖဲတၢ်လီၢ်၀ဲန့ၣ်အပူၤဒီး တၢ်ထံၣ်န့ၢ်ကဒီး စ့အယီၤအဘျၣ် ၁ ကလးအဘ့ၣ် ၇၀ ဒီးဖဲအ၀ဲၦ့ၤအီၣ် သဘျုၣ်ကျးအပူၤ တၢ်ထံၣ်န့ၢ်၀ဲ ၂ ဘ့ၣ် ခဲလၢာ် စ့အယီၤအဘျၣ်အဘ့ၣ် ၁၄၂ ဘ့ၣ်တၢ်ဖီၣ်န့ၢ်အဂ့ၢ် တၢ်ပာ်ဖျါဃာ်န့ၣ်လီၤႉ

ဘၣ်ထွဲတၢ်ဂ့ၢ်၀ဲန့ၣ် လၢၦၤလဲၤဖီၣ်တၢ်အကျါ ၦၤသ့ၣ်ညါထွဲတၢ်ဂ့ၢ်တဂၤ တဲ၀ဲအသိး ပိာ်ခွါ၀ဲန့ၣ် လဲၤလိာ်ကွဲလၢ တၢ်တၤကျိာ်တၤစ့အလီၢ်တတီၤကတီၢ် လိာ်ကွဲ၀ဲ သူ၀ဲစ့အယီၤအဘျၣ် ၂ ဘ့ၣ်အဃိ တၢ်တၤကျိာ်တၤစ့အလီၢ် ပိာ်မုၣ်တဂၤလၢ အလီးစ့တဂၤ သ့ၣ်ညါဒီး ဟ့ၣ်တၢ်ကစီၣ်အဃိ တၢ်ဖီၣ်န့ၢ်အီၤန့ၣ်လီၤႉ

ပိာ်ခွါလၢတၢ်ဖီၣ်န့ၢ် စ့အယီၤအဘျၣ်အံၤန့ၣ် အိၣ်ဆိးလၢ ရခၢၣ်ကီၢ်စဲၣ်ႇ ယသ့ၣ်တီၣ်ကီၢ်ဆၣ်ႇ မုၢ်ထီၣ်ကလံၤစိး က၀ီၤဒ့ႇ (ကါနါလဲ)လၢအမ့ၢ် ထိခဲၣ်အသးနံၣ် ၃၃ နံၣ်ဒီး ကတီၢ်အံၤ ရၤမတံပၢၤကီၢ် ဟံးအီၤအ&့ဒံး (ပ)၁၀၁၈⁄၂၀၁၉ ကီၢ်ပယီၤ ကီၢ်စၢဖှိၣ် တၢ်ဘျၢကွီၢ်မ့ၣ် ၁၀၅⁄၁၀၆ အသိးန့ၣ်လီၤႉ