Home တၢ်ကစီၣ် တၢ်ကဒီသဒၢန့ၢ်၀ဲၦၤထူလံၤဖိ ကွံကတီၤတဖၣ်အဂ့ၢ် ကညီဂ့ၢ်၀ီကိတိာ်စံး၀ဲ

တၢ်ကဒီသဒၢန့ၢ်၀ဲၦၤထူလံၤဖိ ကွံကတီၤတဖၣ်အဂ့ၢ် ကညီဂ့ၢ်၀ီကိတိာ်စံး၀ဲ

148
0
Photo: KIC

လါအိးကထိဘၢၣ် ၂၀ သီႇ၂၀၁၉ နံၣ်ႇ စီၤမၠၣ်အူသၣ်ႉ

တနီသရံၣ်ကီၢ်ခီဒိၣ် ဒ၀ဲၢ်ကီၢ်ဆၣ် ဘါခၠီ ပီၣ်ချၢၣ် ဟီၣ်က၀ီၤ သ၀ီတဖၣ်အပူၤ ဒ်မိၢ်လုၢ်ပၢ်လၢ်ပၢၤဃာ်၀ဲ ကွံကတီၤတဖၣ်န့ၣ် တၢ်ကဒီသဒၢန့ၢ်အ၀ဲသ့ၣ်အဂ့ၢ် တနီသရံၣ်ကီၢ်ခီဒိၣ် ကညီဂ့ၢ်၀ီကတိာ်ခိၣ် စီၤလူကၣ်စံး၀ဲန့ၣ်လီၤႉ

ဖဲလါအိးကထိဘၢၣ် ၁၇ သီအနံၤ တၢ်မၤ၀ဲ ၈ ဘျီတဘျီ ၦဲၤထီၣ် ဘါခၠီဟီၣ်က၀ီၤ ကံကွတီၤ တၢ်ဘူၣ်တၢ်ဘါ တၢ်ရဲၣ်တၢ်ကျဲၤအပူၤအကတီၢ် ကညီကလုာ်ဂ့ၢ်၀ီကိတိာ် စီၤလူကၣ် စံး၀ဲဒ်အံၤ န့ၣ်လီၤႉ

“ညၣ်အစၢၤတဖၣ်ဒီး န့ဆၢၣ်တၢ်အိၣ်ယၢၤတဖၣ် တၢ်မ့ၢ်တဒီသဒၢအီၤဘၣ်န့ၣ် အဟးဂီၤကွံာ် ခဲလၢာ်န့ၣ်လီၤႉ ပဟဲဟ့ၣ်ဂံၢ်ဟ့ၣ်ဘါ အ၀ဲသ့ၣ် အတၢ်ပၢၤဃာ်န့ၣ်လီၤႉ ပမ့ၢ်မၤသကိးအီၤ ကိးဂၤဒဲးမး တၢ်၀ဲအံၤ ကကဲထီၣ်လီၤႉ အ၀ဲသ့ၣ် ဒီးသဒၢ၀ဲ ဖဲအန့ၢ်လၢ အဟီၣ် က၀ီၤအပူၤလီၤႉ တၢ်မၤအံၤအဖီခိၣ် ပဟ့ၣ်ဂံၢ်ဟ့ၣ်ဘါအီၤလီၤႉ ပတြီအီၤတအိၣ်ဘၣ် မူဒါအိၣ်လၢ ပမၤစၢၤအီၤလီၤ တၢ်မ့ၢ်ဟဲမၤ တံာ်တာ်အီၤန့ၣ် ပကလဲၤအီၤဒ် တၢ်ဘျၢအသိးလီၤ”အဂ့ၢ် စံးဘၣ် ခ့ၣ်အဲးစံၣ်န့ၣ်လီၤႉ

ပီချိဟီၣ်က၀ီၤ လီၢ်က၀ီၤ ကညီကမျၢၢ်သ၀ီအဖျၢၣ် ၁၀ အပူၤ သ၀ီဖိတဖၣ်န့ၣ် ဒီသဒၢဃာ်၀ဲ ညၣ်တဖၣ်ဖဲ ဘါခၠီကျိအပူၤ ဟီၣ်က၀ီၤ အါတီၤဒီး ညၣ်ကလုာ်အိၣ်၀ဲ ၇၀ ဘျဲၣ်အဂ့ၢ် သ့ၣ်ညါဘၣ်လၢ လီၢ်က၀ီၤကမျၢၢ် တၢ်လီၤဃိထံသ့ၣ်ညါ အသိးန့ၣ်လီၤႉ

နီၢ်စ့အဲၣ်မူလၢအမ့ၢ် လီၢ်က၀ီၤကမျၢၢ်တဂၤ စံး၀ဲ“ပပာ်ဃာ် ညၣ်ကမါတဖၣ်လၢ ပီချိအပူၤလီၤႉ ဒ်သိးညၣ်အစၢၤ တလီၤတူာ် ဘၣ်အဂီၢ် ပဒီသဒၢဃာ်အီၤလၢ မိၢ်ပၢ်ဖံဖုစိၤလံၤလံၤလီၤႉ ညၣ်ကမါန့ၣ် အိၣ်ဒီး ညၣ်ကမါအသံဒီး အမူလီၤႉ ညၣ်ကမါတနီၤနီၤ အိၣ်တုၤလၢ အ့ကၢၣ် ၁၀ ဘျဲၣ်န့ၣ်လီၤႉ အခိၣ်သ့ၣ်န့ၣ် ဒ်သိးညၣ်တဟးဂီၤ တလီၤမၣ်ကွံာ်ဘၣ်အဂီၢ်ဒီး အီၣ်အီၤကန့ၢ်အဂီၢ် ၦၤလၢညါတစိၤ ပၢၤဃာ်၀ဲဒီး ပက့ၤပၢၤဃာ် ကဒါက့ၤအီၤလီၤ”အဂ့ၢ် စံးဘၣ် ခ့ၣ်အဲးစံၣ်န့ၣ်လီၤႉ

တၢ်မၤ၀ဲ ပီချိ ကံကွတီၤ တၢ်ဘူၣ်တၢ်ဘါ တၢ်ရဲၣ်တၢ်ကျဲၤအပူၤ တနီသရံၣ်ကီၢ်ခီဒိၣ် ကီၢ်ဆၣ်တဖၣ်အပူၤ ၦၤနီၢ်ဂံၢ် ၂၀၀ ဘျဲၣ် ဟဲထီၣ်၀ဲဒီး တၢ်ကွၢ်ထွဲထံကျိထံကွာ် ကရူၢ်တဖၣ် စံးဖျါလီၤ၀ဲ တၢ်သ့ၣ်ညါနၢ်ပၢၢ်တဖၣ် န့ၣ်လီၤႉ