တၢ်ကသူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အဂီၢ် တဘၣ်ထုးတၢ်ကဆၢကတီၢ်ဘၣ်န့ၣ် ခ့ၣ်အဲၣ်ယူၣ်စံး၀ဲ

လါဖ့ၤြဘူၤအါရံၤ ၁၂ သီႇ ၂၀၂၀ နံၣ်ႇ စီၤထိလ့

တၢ်မ့ၢ်အဲၣ်ဒိးသူၣ်ထီၣ် ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အံၤ နီၢ်နီၢ်ကီၢ်ကီၢ်န့ၣ်ႇ တဘၣ်ထုးတၢ်ဆၢကတီၢ်ဘၣ်အဂ့ၢ်န့ၣ် ခ့ၣ်အဲၣ်ယူၣ် =ကညီဒီကလုာ်စၢဖှိၣ်ကရၢ ထံဂုၤကီၢ်ဂၤ ၀ဲၤကျိၤခိၣ် ပဒိၣ် စီၤတီနံ စံးလီၤ၀ဲဒၣ် ဖဲလါဖ့ၤြဘူၤအါရံၤ ၁၁ သီအနံၤ ဖဲတၢ်မၤလၤကပီၤ ၇၂၀ီတ၀ီ ကညီဒီကလုာ်အမုၢ်နံၤအမူး လၢ မၠီမၠးကီၢ်ဆၣ်ႇ ပၠံၣ်သ၀ီတဲၣ်နဲၤႇ ကဒဲၣ်ကွ့သ၀ီအပူၤအံၤန့ၣ်လီၤႉ

ခ့ၣ်အဲၣ်ယူၣ်=ကညီဒီကလုာ်စၢဖှိၣ်ကရၢ ဖဲ ၁၉၅၄ နံၣ် လံၤလံၤန့ၣ်ႇ ကီၢ်ပယီၤအံၤ ကသူၣ်ထီၣ်သကိး၀ဲလၢ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ် အဂီၢ် ဆၢတဲာ်၀ဲ၀ံၤအလီၢ်ခံႇ ဘၣ်နုာ်လီၤပၢၢ်ဆၢတၢ်ယံာ်၀ဲ အနံၣ် ၆၀ ဘျဲၣ် သးသမူအါအါဂီၢ်ဂီၢ်ႇ တၢ်ထူးတၢ်တီၤတဖၣ်အါအါဂီၢ်ဂီၢ်ႇ ဘၣ်ဟ့ၣ်လီၤကံွာ် တၢ်မဲာ်ထံမဲာ်နိတဖၣ်အဂ့ၢ်န့ၣ် ပဒိၣ်စီၤတီနံ ဆှဲပၠးတဲ၀ဲဖဲတၢ်ရဲၣ်တၢ်ကျဲၤမူးအပူၤန့ၣ်လီၤႉ

ဒီး ၂၀၁၄ နံၣ် ကလုာ်ဒူၣ်ၦၤဖီၣ်စုက၀ဲၤတၢ်ပၢၢ်ဆၢကရူၢ်တဖၣ် ဒီး ပဒိၣ်ႇ သုးမုၢ်ဒိၣ်တဖၣ် တၢ်သးလီၤပလိာ်သကိး၀ဲဒၣ်လၢ ကသူၣ်ထီၣ်၀ဲ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ်အသိးႇ ဖဲ ၂၀၁၅ နံၣ် ထံကီၢ်ဒီဘ့ၣ်တၢ်ပတုာ်တၢ်ခးအလံာ်ဃံးဃာ် (NCA) အပူၤစ့ၢ်ကီး အိၣ်ဒီးတၢ်သးလီၤပလိာ်သ့ၣ်တဖၣ်အံၤန့ၣ်လီၤႉ

လၢ အနံၣ် ၆၀ ဘျဲၣ်အတီၢ်ပူၤ တၢ်လုၢ်ထီၣ်ကွံာ်သးသမူ ႇသွံၣ်ကပၢၤတဖၣ်၀ံၤမး လၢတၢ်ကကိး၀ဲ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖှိၣ် အံၤ ဒ်သိးတၢ်ကစူးကါက့ၤအီၤကသ့အဂီၢ်ႇ မ့ၢ်ကဘၣ်အိၣ်ခိးကဒီးဒံး ခါဆူညါ အနံၣ် ၇၀ ဘျဲၣ် ညါဧါန့ၣ် ယနီၢ်ကစၢ်ဒၣ်ယဲယထုးထီၣ်၀ဲတၢ်သံကွၢ်အဂ့ၢ်န့ၣ် ပဒိၣ်စီၤတီနံစံး၀ဲလီၤႉ

“တၢ်အဃိန့ၣ် ယအဲၣ်ဒိးတဲန့ၣ် ဘၣ်ထွဲဒီးၦၤဘၣ်မူဘၣ်ဒါတဖၣ်မ့ၢ်ဂ့ၤႇ ဘၣ်ထွဲဒီးပဒိၣ်ပၦၢ်တဖၣ်မ့ၢ်ဂ့ၤႇ ဒံၣ်မိၣ်ြခ့ၣ်စံၣ် ဖဲၣ်ြဒၢၣ်ကီၢ်စၢဖွိၣ်အံၤ မ့ၢ်သူၣ်ထီၣ်နီၢ်ကီၢ်န့ၣ် တဘၣ်လိၣ်ထုးတၢ်ဆၢကတီၢ်လၢၤဘၣ်န့ၣ် ယအဲၣ်ဒိးတဲယဲဖဲအံၤလီၤ” အဂ့ၢ်န့ၣ် ပဒိၣ်စီၤတီနံ စံး၀ဲလီၤႉ

မၠီမၠးကီၢ်ဆၣ် တၢ်မၤလၤကပီၤ၀ဲ ၇၂ ၀ီတ၀ီ ကညီဒီကလုာ်မုၢ်နံၤအတၢ်ရဲၣ်တၢ်ကျဲၤအံၤ ကညီသီခါတဖၣ်ႇ တၢ်ဘူၣ်တၢ်ဘါခိၣ်နၢ်တဖၣ်ႇ ခ့ၣ်အဲၣ်ယူၣ် ၦၤဘၣ်မူဘၣ်ဒါတဖၣ်ႇ ကညီထံရူၢ်ကီၢ်သဲးပၣ်တံၣ်တဖၣ်ႇ ကညီလံာ်လဲၢ်ဒီးတၢ်ဆဲးတၢ်လၤကမံးတံာ်ဖိတဖၣ်ႇ ဒီးလီၢ်က၀ီၤဖိတဖၣ် ပာ်ဖှိၣ်ခဲလၢာ် အဂၤ ၁ႇ၀၀၀ ဘျဲၣ် ဟဲထီၣ်၀ဲန့ၣ်လီၤႉ

တၢ်ရဲၣ်တၢ်ကျဲၤလၢဘျီ၀ဲအံၤ ခိၣ်နၢ်လၢညါတဖၣ် ဟံးထီၣ်ဖီၣ်ထီၣ်မၤ၀ဲ ကညီဒီကလုာ်မုုၢ်နံၤအံၤ ဒ်သိးတၢ်ကသ့ၣ်နီၣ်က့ၤ၀ဲအဂီၢ်ႇ ကညီကလုာ်တဖၣ် ဒ်သိးတၢ်ထံၣ်တၢ်သ့ၣ်ညါကဒိၣ်ထီၣ်ထီထီၣ်အဂီၢ်ႇ ကညီကလုာ်တဖၣ်တၢ်အိၣ်မူခါဆူညါအဂီၢ် ထံရူၢ်ကီၢ်သဲးႇ မုၢ်ကျိၤ၀ဲၤကွာ်ႇ ၦၤဂ့ၢ်၀ီႇ တၢ်ကူၣ်ဘၣ်ကူၣ်သ့ႇ ဒီးတၢ်အဂၤတဖၣ် ဒ်သိးကဖုသ့ၣ်နီၣ်ထီၣ်ဒီးကအိၣ်ဒီးတၢ်သးဂဲၤအဂီၢ် ပညိၣ်မၤ၀ဲလီၤႉ

တၢ်ရဲၣ်တၢ်ကျဲၤအဂီၢ် တၢ်လၢာ်ဘူၣ်လၢာ်စ့ ပာ်ဖှိၣ်ခဲလၢာ် အကလီၢ် ၇၀ ကၠး ဃၣ်ဃၣ်အံၤန့ၣ်ႇ ကညီကမျၢၢ်တဖၣ် ပာ်ဖှိၣ်ထၢနုာ်၀ဲဒၣ်ဒီး တၢ်မၤ၀ဲဒၣ်တၢ်ရဲၣ်တၢ်ကျဲၤအံၤလီၤ အဂ့ၢ်န့ၣ် မၠီမၠးကီၢ်ဆၣ်ႇ ကညီလံာ်လဲၢ်ဒီးတၢ်ဆဲးတၢ်လၤကမံးတံာ် ၦၤပၢၤလီၢ်ဆ့ၣ်နီၤ မါသ့ကၠီၤ စံး၀ဲလီၤႉ

မၠီမၠးကီၢ်ဆၣ် တၢ်မၤ၀ဲ ကညီဒီကလုာ်မုၢ်နံၤအတၢ်ရဲၣ်တၢ်ကျဲၤအံၤႇ တၢ်မၤ၀ဲန့့ၢ်သၢနံၣ်လံဒီး နံၣ်လၢကဟဲန့ၣ် မၠီမၠးကီၢ်ဆၣ်ႇ ကၣ်ကၠံတဲၣ်ကီၢ်ဆၣ်အပူၤ တၢ်ကဆဲးမၤ၀ဲဒၣ်လၢသ၀ီတဖျၢၣ်အပူၤတၢ်တိာ်ဃာ်၀ဲဒၣ်လီၤအဂ့ၢ်န့ၣ် သ့ၣ်ညါဘၣ်လၢ တၢ်ရဲၣ်တၢ်ကျဲၤကမံးတံာ် အအိၣ်လီၤႉ