Home တၢ်ကစီၣ် ပဒိၣ်သုးဒီး(AA) တၢ်ဒုးကဲထီၣ်ဒီး ခးလီၤ၀ဲကျိဖးဒိၣ်လၢကမျၢၢ်အိၣ်တၢ်လီၢ်အဃိ ဘၣ်ဒိၦၤကၠိဖိ ၂၀ ဃၣ်ဃၣ်အဖီခိၣ် (KHRG) ထီဒါ၀ဲ

ပဒိၣ်သုးဒီး(AA) တၢ်ဒုးကဲထီၣ်ဒီး ခးလီၤ၀ဲကျိဖးဒိၣ်လၢကမျၢၢ်အိၣ်တၢ်လီၢ်အဃိ ဘၣ်ဒိၦၤကၠိဖိ ၂၀ ဃၣ်ဃၣ်အဖီခိၣ် (KHRG) ထီဒါ၀ဲ

1496
0

လါဖ့ၤြဘူၤအါရံၤ ၂၂သီႇ ၂၀၂၀နံၣ်ႇ ခ့ၣ်အဲးစံၣ်

ဖဲမဟါတနံၤ လါဖ့ၤြဘူၤအါရံၤ ၂၀ သီအနံၤ ကညီဂ့ၢ်၀ီခွဲးယာ်ကရူၢ် (KHRG) အံၤ ထုးထီၣ်၀ဲလံာ်ဘိးဘၣ်ရၤလီၤတဘ့ၣ်လၢ အဘၣ်ထွဲဒီး ဖီၣ်စုက၀ဲၤကရူၢ်ခးလီၤ၀ဲကျိဖးဒိၣ်လၢ ရခၢၣ်ကီၢ်စဲၣ်အဃိ ဖိသၣ်ဖဲဟီၣ်က၀ီၤ၀ဲန့ၣ်အပူၤ တစှၤန့ၢ်ဒံး အဂၤ ၂၀ ဘၣ်ဒိဘၣ်ထံံး၀ဲအဖီခိၣ် ပဲာ်အၢပဲာ်သီဒီး ထီဒါ၀ဲဒိၣ်ဒိၣ်မုၢ်မုၢ်န့ၣ်လီၤႉ

လါဖ့ၤြဘူၤအါရံၤ ၁၃ သီနံၤ ဂီၤခီကတီၢ် ကျိဖးဒိၣ်တဖျၢၣ်လဲၤဘၣ်၀ဲဘူသံတီၣ်ကီၢ်ဆၣ်ႇ ခမွ့ၣ်ခၠီသ၀ီ တီၤဖုၣ်တလၢကၠိတဖျၢၣ်ဒီး ဖဲန့ၣ်ကတီၢ် ဖိသၣ်အစှၤကတၢၢ် ၂၀ဂၤ ဘၣ်ဒိ၀ဲန့ၣ်လီၤႉ ဒီးၦၤကၠိဖိလၢအဘၣ်ဒိတဖၣ် ဒိးန့ၢ်ဘၣ်တၢ်ကူစါယါဘျါဖဲ သုးကလၢၤတဖျၢၣ်အပူၤဒီး မ့မ့ၢ်ဖိသၣ်လၢအဘၣ်ဒိးနးနးကျံးကျံး ၅ ဂၤတခီ ဘၣ်တၢ်ဆှၢဃီၤအ၀ဲသ့ၣ်လၢတၢ်ဆါဟံၣ် တဘျီဃီန့ၣ်လီၤႉ

(KHRG) ၦၤနဲၣ်တၢ် နီၢ်ထူထူစံး၀ဲလၢ “ဖီၣ်စုက၀ဲၤကရူၢ်တဖၣ်န့ၣ်ြကၢးသ့ၣ်ညါ၀ဲလၢ တဘၣ်ခးလီၤကျိဖးဒိၣ်လၢ ၦၤကမျၢၢ်အ ကျါဘၣ်ႉ ဖီၣ်စုက၀ဲၤကရူၢ်တဖၣ် ကဘၣ်ပဲာ်ထံနီၤဖး၀ဲကမျၢၢ်တၢ်လီၢ်ဒီး ဒုၣ်ဒါတၢ်လီၢ်ႉ အခဲအံၤန့ၣ် ၦၤတသ့ၣ်ညါလီၤတံၢ်လၢ (AA) ခးဧါႉ ကီၢ်ပဒိၣ်သုးခးဧါန့ၣ် တသ့ၣ်ညါလီၤတံၢ်ဒံးဘၣ်အဃိ ယတအဲၣ်ဒိးတဲလၢကီၢ်ပဒိၣ်ခးဘၣ်ႉ သနာ်က့ တဖုဂ့ၤ တဖုဂ့ၤမီၤနီၤ ကဘၣ်သ့ၣ်ညါ၀ဲကမျၢၢ်အိၣ်တၢ်လီၢ်ဒီး ဒုၣ်ဒါအိၣ်တၢ်အလီၢ်လီၤမီၤႉ” အဂ့ၢ် နီၢ်ထူထူတဲ၀ဲန့ၣ်လီၤႉ

ကီၢ်ပယီၤပဒိၣ်အံၤ ဆဲးလီၤဃာ်၀ဲထံဂုၤကီၢ်ဂၤ တၢ်ဒီသဒၢဖိသၣ်အခွဲးအယာ်အဖီခိၣ်ဒီး ဖိသၣ်တဖၣ်န့ၣ်မ့ၢ်ၦၤတဖၣ်လၢအဂံၢ်စၢ်လၢ တၢ်ဒုးတၢ်ယၤအပူၤႇ မ့ၢ်ၦၤတဖၣ်လၢဘၣ်ဒိဘၣ်ထံးညီလၢ နီၢ်ခိက့ၢ်ဂီၤမ့ၢ်ဂ့ၤ နီၢ်သးတကပၤမ့ၢ်ဂ့ၤအဃိ ကီၢ်ပဒိၣ်တကပၤ ြကၢးလူၤပိာ်မၤထဒွီသဒၢဖိသၣ်တဖၣ်အခွဲးအယာ်လၢလၢၦဲၤၦဲၤ အဂ့ၢ်(KHRG) ကညီဂ့ၢ်၀ီခွဲးယာ်အရူၢ် ဆီၣ်တခူထီၣ်၀ဲန့ၣ်လီၤႉ

လၢန့ၣ်အမဲာ်ညါ ဘၣ်ထွဲဒီးတၢ်ခးလီၤ၀ဲကျိဖးဒိၣ်လၢ ၦၤကမျၢၢ်အကျါဒ်အံၤန့ၣ်ရခၢၣ်ကလုာ်ဖီၣ်စုက၀ဲၤ (AA) မ့ၢ်ဂ့ၤ ကီၢ်ပဒိၣ်သုးတကပၤမ့ၢ်ဂ့ၤ တအၢၣ်လီၤသးနီတဖုဘၣ်ဒီး တၢ်အိၣ်သးအံၤအဖီခိၣ် အ၀ဲသ့ၣ်ကြၢးဟံးထီၣ်မူဒါဒီး ဃ့ကညးက့ၤကမျၢၢ်အဂ့ၢ်(KHRG) ၦၤနဲၣ်တၢ် နီၢ်ထူထူ စံးအါထီၣ်၀ဲဒ်အံၤန့ၣ်လီၤႉ

“တၢ်ကဲထီၣ်သးအဖီခိၣ်အံၤန့ၣ် အ၀ဲသ့ၣ်ကဘၣ်ဃ့ကညးက့ၤၦၤကမျၢၢ် ဘၣ်မနုၤဃိလဲၣ်န့ၣ် ၦၤကမျၢၢ်တဖၣ်န့ၣ်မ့ၢ်၀ဲၦၤတၢ်ကမၣ် တအိၣ်ဘၣ်ႉ ဒီးအ၀ဲသ့ၣ်ကဘၣ်ဟံးမူဒါလၢလၢၦဲၤၦဲၤ ၦၤဖိသၣ်လၢဘၣ်ထီၣ်တၢ်ဆါဟံၣ်တဖၣ်အဂီၢ် အဂၤတခါန့ၣ် (AA) မ့ၢ်ဂ့ၤ ကီၢ်ပဒိၣ်သုးမ့ၢ်ဂ့ၤ ကဘၣ်ဟံးန့ၢ်တၢ်မၤလိလၢ တၢ်အိၣ်သးကဲထီၣ်သးဒ်အံၤအဖီခိၣ် ခါဆူမဲာ်ညါသုတကဲထီၣ်သးလၢာ်တဂ့ၤန့ၣ် ကဘၣ်သ့ၣ်ညါ၀ဲ”အဂ့ၢ် စံး၀ဲန့ၣ်လီၤႉ

ဖီၣ်စုက၀ဲၤခံဖုလၢာ် ကဘၣ်အၢၣ်လီၤအသးလၢတၢ်ကဲထီၣ်သးလၢ တၢ်သတူၢ်ကလာ်ဒ်အံၤ ခါဆူမဲာ်ညါသုတကဲထီၣ်လၢၤဘၣ်ဒီး သုတမၤဘၣ်ဒိဖိသၣ်အခွဲးအယာ်တဂ့ၤႇ ဖိသၣ်သ့ၣ်တဖၣ်အံၤ မ့ၢ်ၦၤတဖၣ်လၢတသ့ၣ်ညါတၢ်နီတမံၤဒံးဘၣ်ႉ လၢအ၀ဲသ့ၣ် တၢ်သိၣ်လိမၤဒိးအပူၤ ကမၤလိဘၣ်တၢ်လဘံၣ်ဘံၣ်ဘၢဘၢအဂီၢ် ဖီၣ်စုက၀ဲၤကရူၢ်တဖၣ် ြကၢးအိၣ်ဒီးတၢ်သ့ဟံးမူဒါအဂ့ၢ်(KHRG) စံး၀ဲန့ၣ်လီၤႉ

ကညီဂ့ၢ်၀ီခွဲးယာ်အရူၢ် (KHRG) အံၤ ဘၣ်တၢ်ဒုးအိၣ်ထီၣ်အီၤလၢ ၁၉၉၂ နံၣ်ဒီး မ့ၢ်တၢ်ကရၢကရိတဖုလၢ မၤနီၣ်မၤဃါတၢ်မၤဘၣ်ဒိဘၣ်ထံးၦၤဂ့ၢ်၀ီခဲွးယာ်လၢကီၢ်ပယီၤမုၢ်ထီၣ်ကလံၤထံးတကပၤဒီး ထုးထီၣ်၀ဲလံာ်ဘိးဘၣ် ရၤလီၤ တဖၣ်န့ၣ်လီၤႉ