Home တၢ်ကစီၣ် KNU သုးက့ ၅ ဟီၣ်က၀ီၤပူၤ ပယီၤသုး သုးရ့ၣ်ခိၣ်တဂၤဘၣ်သံဒီးမ့ၣ်ပိၢ်

KNU သုးက့ ၅ ဟီၣ်က၀ီၤပူၤ ပယီၤသုး သုးရ့ၣ်ခိၣ်တဂၤဘၣ်သံဒီးမ့ၣ်ပိၢ်

616
0

လါယနူၤအါရံၤ ၂၉ သီႇ ၂၀၂၀ နံၣ်ႇ ခ့ၣ်အဲးစံၣ်

ဖဲအပူၤကွံာ် လါယနူၤအါရံၤ ၂၇ သီအနံၤန့ၣ် ပယီၤသုးခိၣ်တဂၤဘၣ်သံ၀ဲဒၣ်ဒီးမ့ၣ်ပိၢ် ခီဖျိလၢအဟဲနုာ်လီၤ၀ဲဆူ ကညီဒီကလုာ်စၢဖှိၣ်ကရ KNU သုးက့ ၅ တၢ်ြတီဃာ်ဟီၣ်က၀ီၤအပူၤအဃိအဂ့ၢ်န့ၣ် ခ့ၣ်အဲၣ်ယူၣ်တပၤစံး၀ဲလီၤႉ

တၢ်ကဲထီၣ်သးအံၤ KNU ဟီၣ်က၀ီၤလၢမ့ၢ် သုးက့ ၂ ဒီး သုးက့ ၅ ဟီၣ်က၀ီၤအပူၤဒီး ပယီၤသုးအံၤ ဖဲအလဲၤမၤဆှဲလဲ၀ဲ KNU ဒိးလီၤဃာ်၀ဲမ့ၣ်ပိၢ်အဆၢကတီၢ် တၢ်ကဲထီၣ်သးဒ်န့ၣ်လီၤအဂ့ၢ်န့ၣ် သုးက့ ၅ ၦၤတဲတၢ်ပၢတဂၤလၢအမ့ၢ် သုးခိၣ်ဒိၣ်ဖိ စီၤကျၢၤဒိၣ် စံး၀ဲဒ်အံၤလီၤႉ

အ၀ဲစံး၀ဲလၢ “သုးက့ ၅ တပၤန့ၣ် တဲဃာ်၀ဲလံ ဘၣ်တၢ်တြီဃာ်၀ဲလံအဃိ တၢ်ပံးဃာ်ကျဲဒီးတၢ်ဒိး လီၤဃာ်၀ဲမ့ၣ်ပိၢ်အံၤလီၤႉ တၢ်ဒိးလီၤဃာ်၀ဲမ့ၣ်ပိၢ်အံၤ အ၀ဲသ့ၣ်တပာ်အ&့ဘၣ်ဟဲထီၣ်၀ဲလီၤႉ အ၀ဲသ့ၣ်ထံၣ်မ့ၣ်ပိၢ်န့ၣ် လဲၤမၤပိၢ်ဖး၀ဲလီၤႉ ခီဖျိလၢမၤပိၢ်ဖးမ့ၣ်ပိၢ်အဃိ ပိၢ်ဖးထီၣ်၀ဲဒၣ်ဒီးက့ၤဘၣ်ကဒါက့ၤအ၀ဲသ့ၣ်အၦၤလီၤ” အဂ့ၢ်န့ၣ်စံးဘၣ်ခ့ၣ်အဲးစံၣ်လီၤႉ

ဒ် KNU သုးက့ ၅ တပၤ စံး၀ဲအသိးန့ၣ် ပယီၤသုးအံၤန့ၣ် တၢ်ပျဲဟးအီၤဒီးသိလ့ၣ်န့ၣ်တုၤ၀ဲဒၣ်ဖဲ သုးက့ ၂ ဒီး သုးက့ ၅ အဆၢန့ၣ်လီၤဒီး မ့ၢ်ဘၣ်ဆှၢတၢ်အီၣ်တၢ်အီစ့ၢ်ကီးန့ၣ် တၢ်ဟ့ၣ်အခွဲးလၢ ကဘၣ်လဲၤတုၤ၀ဲဒၣ် လၢတၢ်ပာ်ပနီၣ်ဃာ်တၢ်လီၢ်လီၤအဂ့ၢ်န့ၣ် ဖဲခံကပၤလၢာ်တၢ်ထံၣ်လိာ်တၢၣ်ပီၣ်တဲသကိးအပူၤ တၢ်တဲဃာ်အိၣ်၀ဲအဂ့ၢ်န့ၣ် သုးက့ ၅ ၦၤဘၣ်မူဘၣ်ဒါတဖၣ်စံး၀ဲလီၤႉ

ဒ် DVB တၢ်ကစီၣ်သန့ပာ်ဖျါထီၣ်၀ဲအသိးန့ၣ် ပယီၤသုးတပၤ ၦၤလၢအသံန့ၣ်မ့ၢ်၀ဲဒၣ် ခမရ ၇၀၉ အသုး&့ၣ်ခိၣ် ဒုးခိၣ်ဒိၣ်ဂီၢ်ဂ့ၢ် အီၤကၠီၤစိဒီးႇ မ့မ့ၢ်လၢ KNU သုးက့ ၅ တပၤ ၦၤဘၣ်မူဘၣ်ဒါတဖၣ်စံး၀ဲဒၣ်အသိးန့ၣ် တၢ်ကဲထီၣ်သးန့ၣ် ပယီၤသုးတပၤသံ၀ဲ ၂ ဂၤ ဒီး ဘၣ်ဒိ၀ဲ ၁ ဂၤန့ၣ်လီၤႉ

ဒ်န့ၣ်အသိး ဘၣ်ထဲဒွီးတၢ်ကဲထီၣ်သးန့ၣ် ပယီၤသုး ကလံၤထံးကီၢ်ခီသုး၀ဲၤလီၢ်ခိၣ်သ့ၣ် ၦၤတဲတၢ်ပၢ သုးခိၣ်ဒိၣ်စိ ကၠီၤစိမိ စံးဘၣ်ဒံၣ်၀ံၣ်ဘံၣ် တၢ်ကစီၣ်သန့လၢ မ့ၢ်၀ဲတၢ်ထုးအ၀ဲသ့ၣ်ဒီးမ့ၣ်ပိၢ်န့ၣ် အတမ့ၢ်၀ဲဘၣ်န့ၣ် ခ့ၣ်အဲၣ်ယူၣ် သုးက့ ၅ တပၤ သမၢ၀ဲဒၣ်အသိး မ့ၢ်ဆဲးမၤကဒီးန့ၣ် တၢ်သဘံၣ်သဘုၣ်ကဟဲအိၣ်ထီၣ်၀ဲလီၤအဂ့ၢ်န့ၣ် KNU သုးက့ ၅ စံး၀ဲလီၤႉ

ဘၣ်ထဲဒွီးတၢ်ကဲထီၣ်သးအံၤန့ၣ် တၢ်ကပာ်ဂၢၢ်ပာ်ကျၢၤအီၤအဂီၢ် တနံၤအံၤ စးထီၣ် လၢမုၢ်ထူၣ် ၁၂ နၣ်ရံၣ် တုၤလၢ ၇ နၣ်ရံၣ် ၃၀ မံးနံးန့ၣ် ခ့ၣ်အဲးစံၣ်ဂုာ်ကျဲးစၢးဆဲးကျိး၀ဲ သုးခိၣ်ဒိၣ်စိ ကၠီၤစိမိ အံၤ ဒီးလီတဲစိအဘျီဘၣ်အဘျီဘၣ်ဆၣ် တဖီၣ်၀ဲလီတဲစိဘၣ်န့ၣ်လီၤႉ