Home တၢ်ကစီၣ် ကီၢ်ကၠီၣ်တဲၣ်ပူၤကလုာ်ဒူၣ်တဖၣ် ဒ်သိးတၢ်ကပာ်ပနီၣ်၀ဲအလုၢ်အၦ့ၤအဂီၢ် ဟ့ၣ်ခီနီၤလိာ်သကိး လုၢ်လၢ်ထူသနူ

ကီၢ်ကၠီၣ်တဲၣ်ပူၤကလုာ်ဒူၣ်တဖၣ် ဒ်သိးတၢ်ကပာ်ပနီၣ်၀ဲအလုၢ်အၦ့ၤအဂီၢ် ဟ့ၣ်ခီနီၤလိာ်သကိး လုၢ်လၢ်ထူသနူ

241
0

လါဖ့ၤြဘူၤအါရံၤ ၁၅ သီႇ ၂၀၂၀ နံၣ်ႇ စးအဲၣ်ဆူ

ကလုာ်ဒူၣ်တဖၣ် အလုၢ်အၦ့ၤအံၤ ဒ်သိးတၢ်ကသ့ၣ်ညါပာ်ပနီၣ်၀ဲကအါထီၣ်အဂီၢ် ပညိၣ်ဒီး ကီၢ်ကၠီၣ်တဲၣ်ႇ တးခ်ကီၢ်ရ့ၣ် ကီၢ်ဆၣ် ၅ ဘ့ၣ်အပူၤ တၢ်မၤ၀ဲဒၣ် ကလုကလုာ်ဒူၣ်သူၣ်ဘီၣ်သးစၢ်တဖၣ် လုၢ်လၢ်တၢ်ဟ့ၣ်ခီဟ့ၣ်နီၤလိာ်သးတၢ်ရဲၣ်တၢ်ကျဲၤအံၤ ဖဲ လါဖ့ၤြဘူၤအါရံံၤ ၅ သီအနံၤ ႇ ဖဲမဲၢ်ဆီး၀့ၢ်ဖီကရၢၢ်အပူၤ န့ၣ်လီၤႉ

တးခ်ကီၢ်ရ့ၣ်အပူၤ အူဖၣ်ႇ ဖိၣ်ြဖၣ် မဲၢ်ဆီးႇ မဲၢ်ရမၣ် ဒီး ထၣ်ဆီၤယါ ကီၢ်ဆၣ် ၅ ဘ့ၣ်အပူၤ ကလုာ်ဒူၣ်တဖၣ်အလုၢ်လၢ်ႇ တၢ်ဆဲးတၢ်လၤ ဒီး လုၢ်လၢ်ထူသနူတဖၣ်န့ၣ် တၢ်ဒုးနဲၣ်ဖျါထီၣ်၀ဲဒီး ၦၤဟဲထီၣ်တၢ်တဖၣ် ဒ်သိး အနီၢ်ကစၢ်ဒၣ်၀ဲကဃုသ့ၣ်ညါဘၣ်၀ဲဂီၢ် ဒီး ဒ်သိးကနၢ်ပၢၢ်အါထီၣ်၀ဲအဂီၢ်ႇ တၢ်မၤ၀ဲဒၣ်တၢ်ရဲၣ်တၢ်ကျဲၤအံၤလီၤအဂ့ၢ်န့ၣ် ၦၤတီခိၣ်ရိၣ်မဲတၢ်ရဲၣ်တၢ်ကျဲၤတဖၣ်စံး၀ဲလီၤႉ

“အပူၤကွံာ် ပမ့ၢ်ဘၣ်တဲန့ၣ်ၦၤကီၢ်ကၠီၣ်တဲၣ်ဖိတနီၤန့ၣ်် ပာ်ဆံးထံၣ်၀ဲဒၣ်ကလုာ်ဒူၣ်တဖၣ်လၢ အပတီၢ်ဖုၣ်န့ၢ်ဒံးအ၀ဲသ့ၣ်လီၤႉ ဘၣ်ဆၣ်သနာ်က့ အ၀ဲသ့ၣ်မ့ၢ်ဟဲထံၣ် ပလုၢ်လၢ်တၢ်ဆဲးတၢ်လၤလၢ အစှၤက တၢၢ်လွံၢ်ခါအံၤန့ၣ်ႇ ပ၀ဲပတၢ်သ့ၣ်ညါနၢ်ပၢၢ်ဒီးပတၢ်ကူၣ်ဘၣ်ကူၣ်သ့တဖၣ် ကထံၣ်၀ဲလၢအဂ့ၤတပၤဒီး လၢအ၀ဲသ့ၣ်ခိၣ်နူာ်ပူၤႇ လၢအသးပူၤအအိၣ်ထီဃာ်၀ဲဒၣ်ဒီး အ၀ဲသ့ၣ်ကရ့ၦၤတုၤသိးထဲသိးလီၤ” အဂ့ၢ်န့ၣ် ၦၤတီခိၣ်ရိၣ်မဲတၢ်ရဲၣ်တၢ်ကျဲၤလၢအမ့ၢ် ၦၤကီၢ်ကၠီၣ်တဲၣ် ကညီၦၤသး၀ံၣ်တၢ်ဖိ စီၤခၠံး စံးဘၣ်ခ့ၣ်အဲးစံၣ်လီၤႉ

Srinakharinwirot University (SWU) ခီလ့း တီခိၣ်ရိၣ်မဲမၤ၀ဲ တၢ်ရဲၣ်တၢ်ကျဲၤအံၤ ပၣ်ဃုာ်၀ဲဒၣ်သနၢၣ်လွံၢ်သနၢၣ်ဒီး ကလုာ်ဒူၣ်အတၢ်အီၣ်တၢ်အီတဖၣ်တၢ်မၤအီမၤအီၣ်၀ဲႇ လုၢ်လၢ်တၢ်စုသ့ခီၣ်ဘၣ်တဖၣ် တၢ်တ့၀ဲဒီးဒုးအိၣ်ထီၣ်၀ဲႇ တၢ်တ့၀ဲဖိသၣ်အတၢ်လိာ်ကွဲတဖၣ် ဒီး တၢ်ဒုးနဲၣ်၀ဲလုၢ်လၢ်အတၢ်ဂဲၤကလံၣ်တဖၣ်န့ၣ်လီၤႉ

လၢန့ၣ်အမဲာ်ညါ ၦၤလၢအဟဲထီၣ်ပၣ်ဃုာ်ပၣ်ဂီၢ်လၢတၢ်ရဲၣ်တၢ်ကျဲၤအပူၤတဖၣ် ကလုာ်ဒူၣ်တဖၣ်အတၢ်အီၣ်တၢ်အီႇ လုၢ်လၢတၢ်ဒုးကဲထီၣ်တၢ်စုသ့ခီၣ်ဘၣ်တဖၣ်ႇ တၢ်ဒုးကဲထီၣ်တၢ်လိာ်ကွဲဖိတဖၣ်န့ၣ် တၢ်တဘၣ်လိၣ်ဟ့ၣ်အလုၢ်အၦ့ၤဘၣ်ဒီး လဲၤနုာ်လီၤမၤလၢနီၢ်ကစၢ်ဒၣ်၀ဲသ့ႇ တၢ်လၢနမၤဒုးကဲထီၣ်အီၤတဖၣ်န့ၣ် နက့ၤစိာ်အီၤခီလီသ့၀ဲဒၣ်ဒီးႇ ခီဖျိလၢပနုာ်လီၤပၣ်ဃုာ်လၢပနီၢ်ကစၢ်အဃိ ကလုာ်ဒူၣ်ကလုာ်တဖၣ် အတၢ်သ့ၣ်ညါနၢ်ပၢၢ်တဖၣ်န့ၣ် တၢ်ကပာ်ပနီၣ်အလုၢ်အၦ့ၤလီၤအဂ့ၢ်န့ၣ် စီၤခၠံး စံးအါထီၣ်၀ဲန့ၣ်လီၤႉ

တၢ်ရဲၣ်တၢ်ကျဲၤတၢ်မၤ၀ဲလၢတနံၤအံၤ ကီၢ်ကၠီၣ်တဲၣ်အပူၤ ကညီကလုာ်ဃုာ်ဒီး ကခၠ့ၣ်ႇ ယိၤဒိၣ်(ရှမ်း)ႇ လါဟူၣ်ႇ မၠီၤႇ ပအိၣ် ဃုာ်ဒီးကလုာ်ဒူၣ်အဂၤတဖၣ်ဒီး ကညီကီၢ်စဲၣ် ကညီသးစၢ်တဖၣ်ပၣ်ဃုာ်၀ဲဒီး လုၢ်လၢ်ႇ လုၢ်လၢ်ထူသနူတဖၣ်လၢအဘၣ်ဃးဒီး တၢ်ဂဲၤကလံၣ်ႇ တၢ်ဃံတၢ်လၤႇ တၢ်အီၣ်တၢ်အီႇ တၢ်စုသ့ခီၣ်ဘၣ်တဖၣ်အမဲာ်ညါႇ တၢ်ကတီၤ၀ဲခိၣ်ဃၢၤန့ဆၢၣ်အဒိတဖၣ်စ့ၢ်ကီး တၢ်ဒုးနဲၣ်ဖျါထီၣ်၀ဲလီၤႉ

ကလုာ်ဒူၣ် သးစၢ်တၢ်ဆဲးတၢ်လၤ တၢ်ဟ့ၣ်ခီဟ့ၣ်နီၤတၢ်ရဲၣ်တၢ်ကျဲၤအံၤ စးထီၣ်ဖဲအပူၤကွံာ် ၂၀၁၆ နံၣ်န့ၣ် တၢ်စးထီၣ်မၤ၀ဲဒၣ်ကိးနံၣ်ဒဲးဒီး ဖဲ၀့ၢ်မဲၢ်ဆီးအပူၤအံၤ ၦဲၤထီၣ် လွံၢ်ဘျီတဘျီ လံန့ၣ်လီၤႉ