Home တၢ်ကစီၣ် စွ့ၣ်ကၠ့ၣ်ကီၢ်ဆၣ်အပူၤ တၢ်မၤ၀ဲ NCA တၢ်တၢၣ်ပီၣ်တဲသကိးအံၤ ခီဖျိလၢပယီၤသုးြတီ၀ဲ အ ဃိဘၣ်တၢ်ပတုာ်ကွံာ်၀ဲ

စွ့ၣ်ကၠ့ၣ်ကီၢ်ဆၣ်အပူၤ တၢ်မၤ၀ဲ NCA တၢ်တၢၣ်ပီၣ်တဲသကိးအံၤ ခီဖျိလၢပယီၤသုးြတီ၀ဲ အ ဃိဘၣ်တၢ်ပတုာ်ကွံာ်၀ဲ

44
0
Photo: Lerdoh Saw Joseph

လါဖ့ၤြဘူၤအါရံၤ ၅ သီႇ ၂၀၂၀ နံၣ်ႇ ခ့ၣ်အဲးစံၣ်

KNU= ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်ႇ စွ့ၣ်ကၠ့ၣ်ကီၢ်ဆၣ် သယဲၣ်ခၠီသ၀ီပူၤ ဖဲလါဖ့ၤြဘူၤအါရံၤ ၄ သီ(မဟါတနံၤ)န့ၣ် တၢ်မၤ၀ဲဒၣ် လီၢ်က၀ီၤကမျၢၢ်တဖၣ်ဒီး ထံကီၢ်ဒီဘ့ၣ်တၢ်ပတုာ်တၢ်ခး အလံာ်ဃံးဃာ်=ဘၣ်ဃး NCA တၢ်ဟ့ၣ်တၢ်သ့ၣ်ညါနၢ်ပၢၢ်တၢ်တၢၣ်ပီၣ်တဲသကိးအံၤႇ လီၢ်က၀ီၤပယီၤသုးတဖၣ် လဲၤဒီးြတီ၀ဲအဃိ တၢ်ဘၣ်ပတုာ်ကွံာ်၀ဲတၢ်တၢၣ်ပီၣ်တဲသကိးအဂ့ၢ်န့ၣ် သ့ၣ်ညါဘၣ်လီၤႉ

တၢ်တၢၣ်ပီၣ်တဲသကိးအံၤ ခီဖျိလၢတၢ်ဟ့ၣ်အခွဲးတအိၣ်ဘၣ်အဃိ တၢ်တဘၣ်ဆဲးမၤ၀ဲလၢၤဘၣ်န့ၣ်ႇ ခီၣ်ချ့ သုးရ့ၣ်=ခမရ(၁၂၄)တၢ်မဲာ်ညါသုး ဘီကထၣ်တၢ်လီၢ် သုးရ့ၣ်ခိၣ် သုးခိၣ်ဒိၣ်ဖိ ထိထိလ့ လါဖ့ၤြဘူၤအါရံၤ ၄ သီအနံၤန့ၣ် ထုးထီၣ်၀ဲလံာ်ဒီးလဲၤြတီ၀ဲဒၣ်လီၤ အဂ့ၢ်န့ၣ် ၦၤရဲၣ်ကျဲၤတၢ်ဖိတဖၣ်စံး၀ဲလီၤႉ

တၢ်တၢၣ်ပီၣ်တဲသကိးပူၤ ၦၤလၢအပၣ်ဃုာ်တဂၤလၢအမ့ၢ် KNU ချၢၣ်လွံၢ်ထူၣ်ကီၢ်ရ့ၣ် ထီဘိကမံးတံာ် ပဒိၣ်စီၤဟဲဂ့ၤ စံး၀ဲလၢ “အ၀ဲသ့ၣ်ဟဲတဲ၀ဲဒၣ်လၢ တဘၣ်လိၣ်ဟဲမၤတၢ်အံၤလၢ ပတၢ်ဘံၣ်တၢ်ဘၢဟီၣ်က၀ီၤပူၤဘၣ်ႉ ခဲအံၤတၢ်မၤ၀ဲ တၢ်ရဲၣ်တၢ်ကျဲၤတၢ်လီၢ်အံၤ မ့ၢ်တၢ်ပၢတၢ်ြပးလၢအဘံဘူလီၢ်က၀ီၤလီၤႉ ပမၤ၀ဲတၢ်တၢၣ်ပီၣ်တဲသကိးအံၤန့ၣ် ခ့ၣ်အဲၣ်ယူၣ် ဒီး ပဒိၣ် တၢ်သးလီၤပလိာ်အိၣ်၀ဲအဃိ ပဟးမၤ၀ဲဒၣ်တၢ်တၢၣ်ပီၣ်တဲသကိးအံၤလၢပလီၢ်က၀ီၤအပူၤလီၤႉ အခီၣ်ထံးန့ၣ် အ၀ဲသ့ၣ်ဟဲ၀ဲဒၣ်ဒီးသုးကူသုးကၤဒီး ဟဲြတီ၀ဲလၢအကိာ်ပူၤလီၤႉ ပ၀ဲသ့ၣ်တဖၣ်ပတတူၢ်လိာ်ဘၣ်အဃိ ဟဲက့ၤြတီ၀ဲဒီးလံာ်ဒီးလဲၢ်န့ၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ

ဒ်သိးတၢ်ကပတုာ်ကွံာ်ၦၤဖီၣ်စုက၀ဲၤတၢ်သဘံၣ်သဘုၣ်အဂီၢ်ဒီး တၢ်ပတုာ်တၢ်ခးကပတုာ်ကွံာ်အသး ကဂၢၢ်ကျၢၤအဂီၢ်ႇ တၢ်ဘၣ်သးလၢအပၣ်ဃုာ်လၢ NCA အပူၤတဖၣ် တၢ်တၢၣ်ပီၣ်ဟ့ၣ်ခီဟ့ၣ်နီၤလိာ်သးကသ့အဂီၢ် ပညိၣ်၀ဲဒၣ်ဒီး တၢ်မၤ၀ဲတၢ်တၢၣ်ပီၣ်တဲသကိးအံၤ သုးခိၣ်ဒိၣ်ဖိ ထိထိလ့ ဃုာ်ဒီးသုးဖိ ၅ ဂၤ ဟဲြတီ၀ဲဒၣ်အဃိႇ တၢ်တၢၣ်ပီၣ်တဲသကိးလၢအယံၤ၀ဲ ၂ နၣ်ရံၣ်အတီၢ်ပူၤန့ၣ် ဘၣ်တၢ်ပတုၤကွံာ်၀ဲလီၤအဂ့ၢ်န့ၣ် ၦၤရဲၣ်ကျဲၤတၢ်ဖိတဖၣ်စံး၀ဲလီၤႉ

ၦၤလၢအဟဲထီၣ်၀ဲတၢ်ကူၣ်လိာ်တၢၣ်ပီၣ်တဲသကိးပူၤ သယဲၣ်ခၠီသ၀ီ လီၢ်က၀ီၤသ၀ီဖိတဂၤ စံး၀ဲလၢ “ဖဲပမၤ၀ဲတအိၣ်ဖှိၣ်ဆၢကတီၢ် ဟဲ၀ဲဒၣ်ဒီးသုးကူသုးကၤအဃိ ပ၀ဲစ့ၢ်ကီးပဖုးဘၣ်ပသးလီၤႉ ၦၤဟဲထီၣ်၀ဲ တၢ်အိၣ်ဖှိၣ်အံၤ အိၣ်၀ဲအဂၤ ၂၀၀ ဃၣ်ဃၣ်ညါႇ အိၣ်တ့ၢ်က့ၤအဂၤ ၁၀၀ မးတအိၣ်လၢၤဘၣ်ႉ အ၀ဲသ့ၣ်ပျံၤတၢ်အဃိ က့ၤစံၣ်၀ဲဒၣ်လီၤႉ စိၤအံၤဂ့ၤထီၣ်၀ဲဒၣ်လံအဃိ ပဆိကမိၣ်လၢအကဟဲြတီတၢ်ဒ်အံၤ တအိၣ်၀ဲဘၣ်လီၤႉ တၢ်မၤ၀ဲတၢ်တၢၣ်ပီၣ်တဲသကိးအံၤန့ၣ် ဟဲရှဲပၠး၀ဲဒၣ် တၢ်လၢပြကၢးသ့ၣ်ညါဃာ်အီၤတဖၣ်န့ၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ

တၢ်မၤ၀ဲဘၣ်ဃး NCA တၢ်တၢၣ်ပီၣ်တဲသကိးအံၤႇ KNU စွ့ၣ်ကၠ့ၣ်ကီၢ်ဆၣ်တပတီၢ် တၢ်ပတုာ်တၢ်ခးကဂၢၢ်ကျၢၤအဂီၢ် ကမံးတံာ်လၢအဒုးလိၣ်ထီၣ်ဖးထီၣ်တၢ်ဃုာ်ဒီး လီၢ်က၀ီၤကမျၢၢ်ကရူၢ်တဖၣ်ဒီး ဒူသ၀ီၦၤဘၣ်မူဘၣ်ဒါတဖၣ် ပာ်ဖှိၣ်ထီၣ်သးဒီးမၤ၀ဲတၢ်ရဲၣ်တၢ်ကျဲၤအံၤန့ၣ် NCA ပူၤ အဆၢဒိၣ် ၃ လၢအပၣ်ဃုာ်တဖၣ်လၢအမ့ၢ် သုးတဖၣ်ကဘၣ်လူၤပိာ်ထွဲ၀ဲတၢ်သိၣ်တၢ်သီ ဒီး တၢ်အိၣ်သးဘၢၣ်စၢၤတၢ်ရဲၣ်တၢ်ကျဲၤတဖၣ် တၢ်တၢၣ်ပီၣ်တဲသကိး၀ဲန့ၣ်လီၤအဂ့ၢ်န့ၣ် သ့ၣ်ညါဘၣ်လီၤႉ