Home တၢ်ကစီၣ် ၦၤဟူးဂဲၤခိၣ်ဃၢၤန့ဆၢၣ် စီၤသးဘိ တၢ်လိာ်ကွီၢ်၀ဲန့ၣ် ထုးကွံာ်အီၤတဘျီဃီန့ၣ် ၦၤဂ့ၢ်၀ီတၢ်ကရၢကရိတဖၣ်ဃ့ထီၣ်

ၦၤဟူးဂဲၤခိၣ်ဃၢၤန့ဆၢၣ် စီၤသးဘိ တၢ်လိာ်ကွီၢ်၀ဲန့ၣ် ထုးကွံာ်အီၤတဘျီဃီန့ၣ် ၦၤဂ့ၢ်၀ီတၢ်ကရၢကရိတဖၣ်ဃ့ထီၣ်

1200
0

လါမးရှး ၁၀ သီႇ ၂၀၂၀ နံၣ်ႇ ခ့ၣ်အဲးစံၣ်

တၢ်ကွၢ်ထွဲကဟုကယာ် ခိၣ်ဃၢၤန့ဆၢၣ်တဂၤလၢအမ့ၢ် စီၤသးဘိအံၤ တၢ်လိာ်ကွၢ်၀ဲလၢကွၢ်မ့ၣ်တၢ်သိၣ်တၢ်သီ နီၣ်ဂံၢ် ၅၀၅(ခ) တၢ်မၤလီၤထံကီၢ်သူးသ့ၣ်လၤကပီၤအံၤႇ တၢ်ကထုးကွံာ်အီၤတဘျီဃီအဂ့ၢ်န့ၣ် ၦၤဂ့ၢ်၀ီတၢ်ကရၢကရိတဖၣ် ထုးထီၣ်၀ဲလံာ်တၢ်ပာ်သးဒီးဃ့ထီၣ်၀ဲလီၤႉ

စီၤသးဘိအံၤ ကညီကီၢ်စဲၣ် ဖၣ်အၣ်ကီၢ်ဆၣ် ၦၤပၢဆှၢတၢ်၂ ဂၤတဂၤ လဲၤတၢၣ်အီၤလၢကွီၢ်ဘျီၣ်ဒီး ဖဲလါမးရှး ၆ သီ မုၢ်နၤခီန့ၣ်ႇ အဟံၣ်လၢအအိၣ်ဖၣ်အၣ်၀့ၢ်ပူၤ ပၢၤကီၢ်သုးတဖၣ်လဲၤသမံသမိး၀ဲအဟံၣ်န့ၣ်လီၤႉ

ဘၣ််ထွဲဒီးတၢ်လိာ်ကွီၢ်တၢ်ဂ့ၢ်အံၤ တၢ်ကရၢကရိလၢအထုးထီၣ်လံာ်တၢ်ပာ်သးအကျါတဖု ကညီဂ့ၢ်၀ီခွဲးယာ်က ရူၢ်=KHRG စီၤနၣ်ဒၣ်ဆူစံး၀ဲလၢ“စီၤသးဘိအတၢ်ဟူးတၢ်ဂဲၤအံၤ မၤစၢၤ၀ဲဒၣ်ကမျၢၢ်လၢအလီၤဘၣ်တၢ်ကီဘၣ်ခဲ တဖၣ်အဃိႇ ပ၀ဲသ့ၣ်တဖၣ်ပအိၣ်ဆၢထၢၣ်လၢအအိၣ်တပၤဒီး ပထုးထီၣ်၀ဲလံာ်တၢ်ပာ်သးအံၤလီၤႉ ထီထီၣ်၀ဲ ကွီၢ်မ့ၣ်တဖၣ်ဒီး လိာ်ကွီၢ်၀ဲၦၤဟူးဂဲၤတၢ်ဖိတဖၣ်အံၤန့ၣ် အြကၢး၀ဲဘၣ်ႉ မၤ၀ဲတၢ်ဃ့ဘါထုကဖၣ်အံၤအဃိ ကဘၣ်လိာ်ကွီၢ်၀ဲဒၣ်န့ၣ်ႇ တၢ်မၤ၀ဲဒၣ်တၢ်ဃ့ဘါထုကဖၣ်န့ၣ် တတုၤထီၣ်ဒံး၀ဲဘၣ်လၢ တၢ်မၤလီၤထံကီၢ်သူးသ့ၣ်လၤကပီၤဘၣ်လီၤ” အဂ့ၢ်န့ၣ် စံးဘၣ်ခ့ၣ်အဲးစံၣ်လီၤႉ

ၦၤပၢဆှၢတၢ်တဖၣ်ဒီး ပၢၤကီၢ်ကရူၢ်တဖၣ် လဲၤနုာ်လီၤသမံးသမိးတၢ်အံၤ အကျိၤအကျဲတဘၣ်၀ဲဘၣ်အသိးႇ ကဲထီၣ်၀ဲဒၣ်လၢတပာ်ကဲ၀ဲ စီၤသးဘိ အတၢ်ခွဲးတၢ်ယာ်စ့ၢ်ကီးဘၣ်အဃိႇ တၢ်ကရၢကရိတနီၤ ဘၣ်ဃးတၢ်ဂ့ၢ်အံၤအဖီခိၣ်ပဲာ်အၢပဲာ်သီ၀ဲဒၣ်ဒီး ထုးထီၣ်၀ဲလံာ်တၢ်ပာ်သးစ့ၢ်ကီးဟဲအိၣ်ထီၣ်၀ဲလီၤႉ

လၢန့ၣ်အမဲာ်ညါ ဘၣ်ဃးဒီးတၢ်လိာ်ကွီၢ်၀ဲစီၤသးဘိအံၤ တၢ်ကွၢ်ထဲကွဟုကယာ်ခိၣ်ဃၢၤန့ဆၢၣ်ကရူၢ်ႇ ၦၤဂ့ၢ်၀ီခွဲးယာ်ႇ ပိာ်မုၣ်ကရူၢ်တဖၣ်ဒီး ဃုာ်ဒီးၦၤဂ့ၢ်၀ီတၢ်ကရၢကရိအဂၤတဖၣ် ခဲလၢာ် အဖု ၃၀၀ ဘျဲၣ် လၢတကရူၢ်ဧိၤမ့ၢ်ဂ့ၤႇ တၢ်ပာ်ဖှိၣ်ထီၣ်သးလၢကရူၢ်မ့ၢ်ဂ့ၤ ထုးထီၣ်၀ဲလံာ်တၢ်ပာ်သးန့ၣ်လီၤႉ

စီၤသးဘိအံၤ ဘၣ်ထဲဒွီးတၢ်ကတ့ထီၣ်၀ဲထံတမၢၣ်တၢ်တိာ်ကျဲၤလၢဃိၣ်လိာ်ကျိအဖီခိၣ်တဖၣ် ဒ်သိးကပတုာ်၀ဲအဂီၢ် အ၀ဲမ့ၢ်ၦၤဟူးဂဲၤတၢ်ဖိတဂၤအသိး ထံကျိထံကွာ်ဂ့ၢ်၀ီႇ ခိၣ်ဃၢၤန့ဆၢၣ်အမဲာ်ညါ ကညီကီၢ်စဲၣ်အပူၤ ဘၣ်ဃးဒီးတၢ်ပာ်ပူၣ်ထီၣ်၀ဲလၢၢ်သွဲၣ်လးဒီး တၢ်ထုးထီၣ်၀ဲလီသဟီၣ်ဂံၢ်ဘါအတၢ်လဲၤတရံးအံၤ အ၀ဲမ့ၢ်ၦၤတဂၤလၢမၤစၢၤ၀ဲကမျၢၢ်ဒီးထီဒါ၀ဲတၢ်ဂ့ၢ်တဂၤန့ၣ်လီၤႉ

တၢ်လိာ်ကွီၢ်၀ဲစီၤသးဘိလၢ မၤလီၤ၀ဲထံကီၢ်သူးသ့ၣ်လၤကပီၤအံၤ ဖဲလါမးရှး ၁၀ သီအနံၤ ဖၣ်အၣ်၀့ၢ် ကွီၢ်ဘျီၣ်ပူၤ တၢ်သ့ၣ်နံၤဖးသီလၢတၢ်ကသမံသမိး၀ဲတၢ်မူးတၢ်ရၢ်ဘၣ်ဆၣ်ႇ စီၤသးဘိအံၤတဟဲ၀ဲဒၣ်လၢကွီၢ်ဘျီၣ်ဘၣ်န့ၣ် သ့ၣ်ညါဘၣ်လီၤႉ