လါမ့ၤ ၁၂ သီႇ ၂၀၂၀ နံၣ်ႇ နါ၀့ၤဖၠိစၣ်
တၢ်ဘၣ်ဘျုုးဒံၣ်မိၣ်ြခ့ၣ်စံၣ် ကညီသုးမုၢ်ဒိၣ် (DKBA) သုးဖိတဖၣ် တၢ်ဂ့ၢ်တၢ်ကျိၤမ့ၢ်အိၣ်တမံၤလၢ်လၢ်မ့ၢ်ဂ့ၤ မ့ၢ်လဲၤတၢ်က့ၤတၢ်န့ၣ် ကဘၣ်ဟ့ၣ်ဒုးသ့ၣ်ညါ၀ဲဆူတၢ်ရ့လိာ်မုာ်လိာ်အရူ၀ံၤမး လဲၤထီၣ်က့ၤလီၤသ့၀ဲဒၣ်အဂ့ၢ်န့ၣ် DKBA လီၢ်ခၢၣ်သး(စိၣ်ဆံမၠဲၣ်) ထုးထီၣ်၀ဲဒၣ်တၢ်ကလုၢ် ဖဲလါမ့ၤ ၁၁ သီအနံၤန့ၣ်လီၤႉ
ဘၣ်ထွဲဒီးတၢ်ထုးထီၣ်တၢ်ကလုၢ်အံၤန့ၣ် တပၣ်ဃုာ်၀ဲဒၣ်ဒီးတၢ်ဂ့ၢ်တၢ်ကျိၤလၢအဂၤဘၣ်ဒီး မ့ၢ်ဒ်သိးဒီးတၢ်က့ၤဖီၣ်ဃံး ထီၣ်က့ၤသုးဖိတဖၣ်လီၤအဂ့ၢ််န့ၣ် DKBA သုးခိၣ်ဒိၣ်စိ ကၠီၤသါထ့ စံးဘၣ်ခ့ၣ်အဲးစံၣ်ဒ်အံၤလီၤႉ
အ၀ဲစံး၀ဲလၢ “တၢ်သိၣ်တၢ်သီဒ်အံၤန့ၣ် ပထုးထီၣ်ဃာ်၀ဲလၢညါလံၤလံၤလံလီၤႉ တနီၤန့ၣ် လူၤပိာ်ထွဲတၢ်သိၣ်တၢ်သီအိၣ်၀ဲဒီး တလူၤပိာ်ထွဲစ့ၢ်ကီးအိၣ်၀ဲဒၣ်လီၤႉ အကလုာ်ကလုာ်လီၤႉ တၢ်အံၤမ့ၢ်ဒ်သိးဒီး ပက့ၤဖီၣ်ဂၢၢ်မၤဃံာ်ထီၣ်က့ၤတၢ်သိၣ်တၢ်သီအသိးလီၤ” အဂ့ၢ်န့ၣ် စံး၀ဲလီၤႉ
ဒ်တၢ်ကလုၢ်အ၀ဲန့ၣ်အသိး DKBA ဒုးယၤတဖၣ်ႇ ၀ဲၤကျိၤတဖၣ်ႇ သုးရ့ၣ်တဖၣ်ႇ သုးဖိဒီးသုးကျိၤတဖၣ် လၢတၢ်ဟံခွဲးမၢ်ဂ့ၤႇ လၢမူဒါမ့ၢ်ဂ့ၤႇ ဂ့ၢ်ဂီၢ်အူတၢ်ဂ့ၢ်တၢ်ကျိၤမ့ၢ်ဂ့ၤ ၦၤတဂၤလၢ်လၢ်မ့ၢ်လဲၤတၢ်က့ၤတၢ်န့ၣ် ကဘၣ်ဟ့ၣ်ဒုးသ့ၣ်ညါတၢ်ကစီၣ်အဂ့ၢ်န့ၣ် ပာ်ဖျါ၀ဲဒၣ်လီၤႉ
လံာ်တၢ်ပာ်ဖျါအ၀ဲန့ၣ် တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ် (DKBA) ကျိၣ်ထူဘီသုးကရူၢ် သုးရိၣ်မဲခိၣ်ကျၢၢ် သုးခိၣ်ကျၢၢ်စိ စီၤမိၤရှ့ ဆဲးလီၤစုမုၢ်ကျၢၢ်န့ၣ်လီၤႉ တၢ်ကလုၢ်အ၀ဲအံၤ တၢ်မ့ၢ်တလူၤပိာ်မၤထွဲအီၤဘၣ်န့ၣ် ဒ်သိးသုး ကရူၢ်ပာ်ပနီၣ်၀ဲတၢ်သိၣ်တၢ်သီအသိး တၢ်ကဟ့ၣ်၀ဲဒၣ်တၢ်ကမၣ်တုၤလီၤတီၤလီၤအဂ့ၢ်န့ၣ် လၢလံာ်တၢ်ကလုၢ်အပူၤ ပာ်ဖျါ၀ဲလီၤႉ
တၢ်ဘၣ်ဘျုးဒံၣ်မိၣ်ြခ့ၣ်စံၣ် ကညီသုးမုၢ်ဒိၣ် (DKBA) အံၤ စးထီၣ်ဖဲ ၁၉၉၄ နံၣ်န့ၣ် ထုးဖးအသးဒီး KNU-ကညီဒီကလုာ်စၢဖှိၣ်ကရၢ၀ံၤအလီၢ်ခံ အိၣ်ဆၢထၢၣ်၀ဲဒ်ဘူးဒးတၢ်ဘါတၢ်ဂုၤထီၣ်ပသီထီၣ် ကညီသုးမုၢ်ဒိၣ် DKBA အသိးန့ၣ်ဒီး ဖဲ၂၀၁၂ နံၣ် လါအ့ြဖ့ၣ်အပူၤ က့ၤဆီတလဲက့ၤအမံၤလၢ တၢ်ဘၣ်ဘျုးဒံၣ်မိၣ်ြခ့ၣ်စံၣ် ကညီသုးမုၢ်ဒိၣ် (DKBA) န့ၣ်လီၤႉ ဖဲ၂၀၁၅ နံၣ် တၢ်မၤ၀ဲတၢ်ဆဲးတၢ်ပတုာ်တၢ်ခးအကတီၢ် DKBA မ့ၢ်စ့ၢ်ကီးကလုာ်ဒူၣ်ဖီၣ်စုက၀ဲၤကရူၢ်တဖုလၢ အဆဲးလီၤ၀ဲစုမုၢ်ကျၢၢ်န့ၣ်လီၤႉ
