Home တၢ်ကစီၣ် တၢ်က့ၤပဲာ်ထံနီၤဖး၀ဲတၢ်မုာ်တၢ်ခုၣ်တၢ်လဲၤကျဲၤ၀ံၤအလီၢ်ခံ တၢ်ကဆဲးလဲၤ၀ဲအဂီၢ် တၢ်ဆၢတဲာ်လီၤ၀ဲဖဲ KNU ဂ့ၢ်ဂီၢ်အူတၢ်အိၣ်ဖှိၣ်

တၢ်က့ၤပဲာ်ထံနီၤဖး၀ဲတၢ်မုာ်တၢ်ခုၣ်တၢ်လဲၤကျဲၤ၀ံၤအလီၢ်ခံ တၢ်ကဆဲးလဲၤ၀ဲအဂီၢ် တၢ်ဆၢတဲာ်လီၤ၀ဲဖဲ KNU ဂ့ၢ်ဂီၢ်အူတၢ်အိၣ်ဖှိၣ်

189
0

လါယူၤလံ ၂၈ သီႇ ၂၀၂၀ နံၣ်ႇ စးအဲၣ်ဆူ

တၢ်မုာ်တၢ်ခုၣ်အတၢ်လဲၤကျဲအံၤ တၢ်တၢၣ်ပီၣ်တဲသကိးပဲာ်ထံနီၤဖး၀ံၤအလီၢ်ခံ တၢ်ကဆဲးလဲၤ၀ဲအဂီၢ် ဖဲလါယူၤလံ ၂၁ သီ တုၤလၢ ၂၃ သီအနံၤ တၢ်မၤ၀ဲ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ၁၆ ၀ီတ၀ီ ခီကရဲးတၢ်အိၣ်ဖှိၣ်၀ံၤ ၇ ဘျီတဘျီ ဂ့ၢ်ဂီၢ်အူတၢ်အိၣ်ဖှိၣ်ပူၤ ဆၢတဲာ်လီၤ၀ဲဒၣ်လီၤအဂ့ၢ်န့ၣ် ၦၤပၢၤလီၢ်ဆ့ၣ်နီၤ=၂ ပဒိၣ်ကွဲၤထူ၀့ စံးဘၣ်ခ့ၣ်အဲးစံၣ်လီၤႉ

လၢဂ့ၢ်ဂီၢ်အူတၢ်အိၣ်ဖှိၣ်ဘျီ၀ဲအံၤအပူၤ လီၢ်ခၢၣ်သးထီဘိကမံးတံာ်ဖိ ၃၉ ဂၤ ဒီး ၦၤလၢတၢ်ကွဲမုာ်အီၤလီၤဆီ ၇ ဂၤ ဟဲထီၣ်၀ဲဒၣ်န့ၣ်လီၤႉ တၢ်အိၣ်ဖှိၣ်ပူၤန့ၣ် တၢ်တၢၣ်ပီၣ်တဲသကိး၀ဲ တကီၢ်ခါလၢတၢ်ကမၤလိၣ််ထီၣ်ဖးထီၣ် တၢ်မုာ်တၢ်ခုၣ်တၢ်မၤအကျိၤအကျဲဒီး ကီၢ်စၢဖှိၣ်တၢ်မုာ်တၢ်ခုၣ် ခီကရဲးတၢ်အိၣ်ဖှိၣ်ဖးဒိၣ်အဂီၢ် တၢ်တၢၣ်ပီၣ်ဟံးထီၣ်ဖီၣ်ထီၣ်အီၤတဖၣ်န့ၣ် တၢ်ဟဲက့ၤတီၣ်ဖျါထီၣ်ကဒါအဖီခိၣ် တၢၣ်ပီၣ်ပဲာ်ထံနီၤဖးသကိး၀ံၤအလီၢ်ခံ တၢ်ကဆဲးလဲၤ၀ဲအဂီၢ် တၢ်ပာ်ဂၢၢ်ပာ်ကျၢၤဆၢတဲာ်လီၤ၀ဲဒၣ်န့ၣ်လီၤႉ

“တကီၢ်ခါ တၢ်သူၣ်ထီၣ်တၢ်မုာ်တၢ်ခုၣ်အလီၢ်န့ၣ် ထံရူၢ်ကီၢ်သဲးတၢ်အိၣ်သးသဂၢၢ်ဘၣ်တၢ်ကီတၢ်ခဲတဖၣ်အံၤ တၢ်သ့ၣ်တဖၣ်အံၤ တီၣ်ဖျါထီၣ်၀ဲလီၤႉ တၢ်သ့ၣ်တဖၣ်အံၤပဲာ်ထံနီၤဖးဒီး (နဃ)အံၤ ဆၢတဲာ်လီၤ၀ဲဒၣ်ဒီး ဖဲန့ၣ်လီၢ်ခၢၣ်သးကမံးတံာ်အံၤ သံဒိးသံကွၢ်၀ဲ၀ံၤ ပပာ်ဂၢၢ်ပာ်ကျၢၤ၀ဲဒၣ်လီၤ” အဂ့ၢ်န့ၣ် ခ့ၣ်အဲၣ်ယူၣ်–ၦၤပၢၤလီၢ်ဆ့ၣ်နီၤ(၂)ပဒိၣ်ကွဲၤထူ၀့ စံးဘၣ်ခ့ၣ်အဲးစံၣ်လီၤႉ

လၢန့ၣ်အမဲာ်ညါ ဖဲလါအီကူးအတီၢ်ပူၤ တၢ်ကမၤ၀ဲဒၣ် ကီၢ်စၢဖှိၣ် တၢ်မုာ်တၢ်ခုၣ်တၢ်အိၣ်ဖှိိၣ်ဖးဒိၣ်(၂၁ ယၤဖှိၣ် ပ့ၣ်လိၣ်)လွံၢ်ဘျီတဘျီတၢ်အိၣ်ဖှိၣ်အဂီၢ် ကမံးတံာ်တီခိၣ်ရိၣ်မဲတဖၣ် တၢ်တၢၣ်ပီၣ်၀ဲဘၣ်ဃးဒီးကီၢ်စၢဖှိၣ် တၢ်သးလီၤပလိာ်တၢ်ဂ့ၢ်တဖၣ်ဒီး တၢ်အိၣ်ဖှိၣ်ခဲအံၤန့ၣ်တၢ်က့ၤပာ်ဖှိၣ်တီၣ်ဖျါတၢၣ်ပီၣ်သကိးဒီး ခါဆူညါတၢ်မၤအကျိၤအကျဲတဖၣ် ဆၢတဲာ်လီၤ၀ဲအဂ့ၢ် သ့ၣ်ညါဘၣ်လၢခ့ၣ်အဲၣ်ယူၣ်အအိၣ်လီၤႉ

လၢပ့ၣ်လိၣ်တၢ်အိၣ်ဖှိၣ်ဖးဒိၣ်အပူၤ ကီၢ်စၢဖှိၣ်တၢ်သးလီၤပလိး အက့ၢ်အဂီၤ–၃ အံၤ တၢ်ဆဲးလီၤအီၤကန့ၢ်အဂီၢ် တကီၢ်ခါ ကလုာ်ဒူၣ်ဖီၣ်စုက၀ဲၤကရူၢ်တဖၣ်တပၤ တၢ်မၤလိၣ်ထီၣ်ဖးထီၣ် (NCA) တၢ်ထိၣ်ဃူထိၣ်ဖိးကရူၢ်ဒီး ပဒိၣ်တဖၣ်အဘၢၣ်စၢၤ တၢ်ဆဲးမၤ၀ဲတၢ်တၢၣ်ပီၣ်တဲသကိးတဖၣ်အဖၢမုၢ်န့ၣ်လီၤႉ

ဒ်န့ၣ်အသိး EAO ကရူၢ်တဖၣ် ဘၣ်ဃးဒီးတၢ်မၤလိၣ်ထီၣ်ဖးထီၣ် (NCA) အတကွီၢ် တၢ်ထိၣ်ဃူထိၣ်ဖိးကရူၢ် တၢ်အိၣ်ဖှိၣ်အံၤ တၢ်မၤ၀ဲဒၣ်ဖဲ၀့ၢ်တကူၣ် လါယူၤလံ ၂၃ သီ တုၤလၢ ၂၄ သီအနံၤန့ၣ်လီၤႉ ၀ံၤအလီၢ်ခံ ဖဲလါယူၤလံ ၂၅ သီ တုၤလၢ ၂၇ သီန့ၣ် ပဒိၣ်တၢ်ထိၣ်ဃူထိၣ်ဖိးကရူၢ်ဒီး NCA-S EAO တၢ်ထိၣ်ဃူထိၣ်ဖိးကရူၢ်တဖၣ် ကဆဲးတၢၣ်ပီၣ်ထိၣ်ဃူထိၣ်ဖိးကဒီး၀ဲဒၣ်န့ၣ်လီၤႉ ကီၢ်စၢဖှိၣ်တၢ်အိၣ်ဖှိၣ်ဖးဒိၣ်အံၤ ဖဲလါအီကူး ၁၃ သီအနံၤန့ၣ် တၢ်ကမၤ၀ဲဒၣ်ထဲ ခၢၣ်စး ၂၃၀ ဂၤလီၤန့ၣ် တနံၤအံၤတၢ်အိၣ်ဖှိၣ်၀ံၤ တိာ်ပာ်၀ဲန့ၣ်လီၤႉ

KNU ဂ့ၢ်ဂီၢ်အူတၢ်အိၣ်ဖှိၣ် လၢတၢ်မၤ၀ဲသၢသီအတီၢ်ပူၤအံၤန့ၣ် တကီၢ်ခါတၢ်မုာ်တၢ်ခုၣ်တၢ်မၤအကျိၤအကျဲတဖၣ်ဒီး ကီၢ်စၢဖှိၣ်တၢ်မုာ်တၢ်ခုၣ်တၢ်အိၣ်ဖှိၣ်ဖးဒိၣ် တၢ်ဂ့ၢ်တဖၣ်အဖီခိၣ် တၢ်ဂံၢ်စၢ်ႇ အတၢ်ဂံၢ်ဆူၣ်တဖၣ်ဒီး တၢ်တၤတၢ်တဖၣ် တၢ်တၢၣ်ပီၣ်တဲသကိး၀ဲဒၣ်အသိးႇ တၢ်ကရၢကရိအပူၤ တၢ်ဂ့ၢ်လၢတၢ်ကတၢၣ်ပီၣ်တဲသကိးတဖၣ်စ့ၢ်ကီး တၢၣ်ပီၣ်တဲသကိး၀ဲန့ၣ်လီၤႉ

လၢန့ၣ်အမဲာ်ညါ KNU အံၤ ဘၣ်ထွဲဒီးတၢ်သူၣ်ထီၣ်တၢ်မုာ်တၢ်ခုၣ်ႇ တၢ်တၢၣ်ပီၣ်ထံရူၢ်ကီၢ်သဲး တၢ်ကဆဲးမၤဖျါထီၣ်အမိၢ်လံၤမိၢ်ၦၢ်အဂီၢ်န့ၣ် ပနီၢ်ကစၢ်ဒၣ်၀ဲကညီကမျၢၢ်တဖၣ်ဃုာ်ဒီး ကလုာ်ဒူၣ်ဖီၣ်စုက၀ဲၤ တၢ်ပၢၢ်ဆၢကရူၢ်လၢအဂၤတဖၣ်ႇ ထံရူၢ်ကီၢ်သဲးပၣ်တံၣ်တဖၣ်ႇ ထံရူၢ်ကီၢ်သဲးကရူၢ်ကရၢတဖၣ်ဒီး ၦၤဂ့ၢ်၀ီတၢ်ကရၢကရိတဖၣ် ကပာ်ဖှိၣ်မၤသကိးဟံးထီၣ်ဖီၣ်ထီၣ်၀ဲဒၣ်လီၤအဂ့ၢ်န့ၣ် KNU လံာ်ပာ်ဖျါအပူၤ ပာ်ဖျါ၀ဲန့ၣ်လီၤႉ