လူၢ်သၣ်လီၤဒးလၢၢ်ထီၣ်ဖီႇ တၢ်ဘျၣ်ဘျၢၣ်ဖျိထီၣ်ဘုဖီ
ပဝဲကညီဖိတဖၣ်ႇ ပထံပကီၢ်ဘၣ်လီၤမၢ်
ဖံဖုလၢပျၢၤစံးတ့ၢ်သါႇ ကီၢ်လါႇ ကီၢ်သူလ့ၤန့ၢ်သါ
လၢပစိၤခ့ခါခဲအံၤႇ အိၣ်လီၤတဲ၁်တ့ၢ်ထဲတမံၤ
ကလု၁်အိၣ်လီၤမုၢ်ြပံြပါ, ထံကီၢ်အိၣ်ဒံးတသ့ၣ်ညါ
ဘၣ်ဆၣ်ပူၤကွံ၁်နံၣ်လၢပျၢၤႇ မှံၤၦၢ်စံးဃဲၤအိၣ်ဒံးသၢၤ
ထိးကလဲ၁်အီၣ်ဟီၣ်ခိၣ်လၢ၁်ႇ ကညီပၢထံကီၢ်လီၤသၢၤ
တဘျီခါကညီခူဝ့ၢ်ႇ စိၤခဲအံၤတၢ်ကိးအိၣ်တ့ၢ်
ဒ်သိးဖိလံၤကသ့ၣ်ညါႇ ခီဖျိတၢ်ကိးတပံ၁်ကျါ
လၢပကညီဖိအကျါႇ ကဲထီၣ်စီၤပၤပၢနီအါ
လၢပကညီဒူၣ်ထၢပူၤႇ ကဲထီၣ်စီၤပၤအိၣ်နူၢ်ပူၤ
မ့ၢ်လၢနံၣ်လါလီၤကထၢႇ ခူဝ့ၢ်တနီၤအိၣ်လီၤဘၢ
ခူဝ့ၢ်တနီၤတသ့ၣ်ညါႇ ထူထံးလီၤဘျၢတုၤမဆါ
ဒ်ၦၤစၢၢ်ထါသ့ၣ်ညါသိးႇ ြကၢးဟ့ၣ်ခီဆူတံၤသကိး
ဖုတကူၣ်သွၣ်ခိၣ်လိထံးႇ စွ့ၣ်တကူၣ်ဃိၣ်အိၣ်ခဲအံၤ
ပကိကီၢ်ခီ စွ့ၣ်မီၣ်တီၣ်ႇ မ့ၢ်ဖုမီၢ်တီၢ်လိထံးလီၢ်
ဝ့ၢ်ကၠဲၣ်တူၣ်ကိး ဝ့ၢ်တီၣ်ကၠံႇ တီအူကိး က့ၣ်တူၣ်မၣ်တံၣ်
ဝ့ၢ်ဃဲဝါယိၤကိးတုးကီႇ ပယီၤကိးထွဲလၢ တကီ
စီၤပၤလၢခံစီၤမီၣ်ၦဲၤႇ ပယီၤကိးထွဲ မီၣ်ပီၣ်ကၠဲၤ
မ့ၣ်ထံလ၁် ပှိၢ်မုၢ်နု၁်ကျိ၁်ႇ မဲ၁်ထံလီၤကိးဖဲပစိၤ
စုမ့ၣ်စုနၢအုၣ်ကျၣ်သံႇ မဲ၁်ထံလီၤယုၢ်ထွဲအခံ
စွ့ၣ်တီၣ်ငွ့ၣ်တီၣ်ကီၢ်ကယါႇ ကၢကျိၣ်ပိ၁်ကျိၣ်လီၢ်လၢညါ
ကဝၢ်မုၣ်ဒီးကဝၢ်ခွါႇ မ့ၢ်ၦၤကၢကျိၣ်မံၤဟူဖျါ
ၦဲၤဟံၣ်ခိၣ်အကစၢၢ်ဒီႇ သယုၢ်ဘၣ်က့ၤနီၢ်မုၣ်ဘီ
ကံကူးကစၢၢ်တၢ်လီၤပျီႇ လၢပျၢၤမ့ၢ်စှီၤခူနူၢ်ထီ
ကၠဲၣ်ထံယိ ကိး ဃိၣ်သံယူ၁်ႇ နီၢ်မုၣ်အ့ ကလီၤလဲၤလူၤ
ဃိၣ်ထၣ်ဝ့ၢ်ကိး မီၣ်လမၠဲၣ်ႇ မဲ၁်ချံဘျီၣ် ယိၤဖိကိးထွဲ
ဒူပကီး ကိးဝ့ၢ်ပကိႇ မ့ၢ်ပယီၤကိးတၢ်ထီၣ်ခိ
အဒိပကိး ရၤမတံႇ ပယီၤကိးလၢ မၠၣ်ဝၣ်တံၣ်
ဆီဖါဂီၤဖဲ တၣ် ကဝီၤႇ ၦၤကၠီၣ်တဲၣ် ဖိပ၁်ဒိၣ်အီၤ
ဖါကၠီၣ်တဲၣ်ဖိလံၤစၢၤသွဲၣ်ႇ အိၣ်ဆိးဝဲဖဲ ကီၢ်ကၠီၣ်တဲၣ်
မုၢ်ယူ၁် ကံၢ်မဲအလီၢ်ကျဲႇ သ့ၣ်နီၣ်ဘၣ်က့ၤ မုၣ်ယဲၤဖဲ
မဲၣ် တၢ်ကိးအခီပညီႇ မိၢ် မုၣ်ယဲၤဖဲယိၤလုၢ်ထီၣ်
ဝံမီလ့စံးတ့ၢ်ဒ်အံၤႇ ခိၣ်ကု၁်ထံဃဲစၢၤအိၣ်ယံၤ
ဒ်ထွံၣ်ယီၢ်ဘၢထိးခီၣ်လီၢ်ႇ ပယီၤအိၣ်လဲလိ၁်ပကီၢ်
တၢ်မ့ၢ်တၢ်တီအိၣ်ဘၣ်ဆၣ်ႇ တၢ်လံၣ်တၢ်လီကဲသရၣ်
လူၢ်သၣ်လီၤဒးလၢၢ်ထီၣ်ဖီႇ တၢ်ဘျၣ်ဘျၢၣ်ဖျိထီၣ်ဘုဖီ
လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၂၇.၆.၂ဝ၂ဝ
