အိၣ်အီၣ်ပလီၢ်ဒီးကူၣ်သ့
(၁) တဲဂ့ၤပၢၢ်ဆၢ အိၣ်အါဘျီ
တဲဆါပၢၢ်ဆၢ ဟူးအါဘျီ
လံၣ်လီအဲၣ်တီ အိၣ်တနီၤ
ထံၣ်လိာ်က့ၤ ကမၣ်တနီၤ
(၂) မၤတၢ်ပၢၢ်ဆၢ အိၣ်အီၣ်ကီ
မၤအီၣ်ပၢၢ်ဆၢ အိၣ်ဘီၣ်ညီ
မ့ၢ်ဖီၣ်စု ဟံးစ့အါဘျီ
ပကညီကီၢ် န့ၢ်တညီ
(၃) ဖံဖုတနီၤ သွံၣ်ဃါဃုာ်
ဖိလံၤတနီၤ သွံၣ်ဃါဃုာ်
သ့ၣ်ညါလၢ ပမ့ၢ်ကညီ
ပတမ့ၢ် ၦၤအကညီ
(၄) ဖူသူမဲာ် ဒ်သိးဆီဖါ
ယိးက့ၤဘီ လၢအကဒါ
ဖီၣ်လိာ်အစု ဒီးဒုၣ်ဒါ
ဒီပုၢ်၀ဲၢ် ကဲထီၣ်ဒုၣ်ဒါ
(၅) ကီၢ်ကိးဘ့ၣ် ထံၣ်ပကညီ
ကညီကလုာ် အဲၣ်တၢ်တီ
ဟီၣ်ခိၣ်ဒီဘ့ၣ် ပာ်ပနီၣ်
ခံနွံယဲၢ်ခွံ နံၣ်ၦဲၤထီၣ်
(၆) မံခ့လၢၤတဂ့ၤခဲအံၤ
ဒုၣ်ဒါဟူးဂဲၤလံခဲအံၤ
သးဆံးလီၢ်တအိၣ်ခဲအံၤ
ပျၢ်လိာ်သးကမၣ်ခဲအံၤ
(၇) ကလုာ်ဂၤစံးနၤလၢအဲၣ်
တတုၤသိးပကလုာ်အဲၣ်
ကလုာ်ဂၤစံးနၤသးဟ့
အိၣ်အီၣ်ပလီၢ်ဒီးကူၣ်သ့
ၦၤအဲၣ်စ့
ကညီဘၣ်ကီဘၣ်ခဲဒဲက၀ီၤႇ တၢ်လီၢ်သီ