Home Authors Posts by KIC News

KIC News

627 POSTS 0 COMMENTS

ကညီကီၢ်စဲၣ်ပူၤဖိသၣ်လၢအိၣ်ဒူသ၀ီပူၤတဖၣ် တဆဲးဘၣ်ကသံၣ်ဒီသဒၢဘၣ်ဆၢဘၣ်ကတီၢ်လၢၤဘၣ်

လါယူၤလံ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲခိ၀ံၣ်တၢ်ဘၣ်ကူဘၣ်ဂာ်ရၤလီၤသးအကတီၢ်ဒီးသုးမီၤစိရိၤဟံးန့ၢ်ကွံာ်တၢ်စိတၢ်ကမီၤအတီၢ်ပူၤ ဒူသ၀ီတၢ်လီၢ်လၢအိၣ်ကညီကီၢ်စဲၣ်ပူၤတနီၤန့ၣ် ဖိဒံဖိသၣ်သ့ၣ်တဖၣ်တဆဲးဘၣ်(ကာကွယ်ဆေး)ကသံၣ်ဒီသဒၢ ဘၣ်ဆၢဘၣ်ကတီၢ်လၢၤဘၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ ဒူသ၀ီတနီၤအပူၤ ကဆဲးန့ၢ်ဖိသၣ်ကသံၣ်ဒီသဒၢအဂီၢ် ခီဖျိဆူၣ်ချ့၀ဲၤ ကျိၤဒီးတၢ်ဆါဟံၣ်လၢအအိၣ်ဘူးတဖၣ်ႇတၢ်ဟ့ၣ်ကသံၣ်ဒၢးတဖၣ်ကးတံၢ်ဃာ်သးအဃိ ဖိဒံဖိသၣ်သ့ၣ်တဖၣ်တဆဲးဘၣ်ကသံၣ်ဒီသဒၢဘၣ်ဆၢဘၣ်ကတီၢ်ဘၣ်အဂ့ၢ်န့ၣ် ကီးတရံးကီၢ်ဆၣ် ဖိသၣ်အမိၢ်တဂၤစံး၀ဲဒ်အံၤန့ၣ်လီၤႉ “အပူၤကွံာ်လၢညါန့ၣ်ဖဲသ၀ီပူၤအံၤတၢ်ဟ့ၣ်ကသံၣ်ဒၢးအိၣ်အဃိဆဲးန့ၢ်၀ဲထီဘိလီၤႉ ခဲအံၤလၢတၢ်ဆါဟံၣ်န့ၣ်သရၣ်စ့ၢ်ကီးတအိၣ်ဘၣ်ႉ တၢ်ဆါဟံၣ်လၢအဘူးသ့ၣ်တဖၣ်စ့ၢ်ကီးတၢ်ကးတံၢ်ဃာ်၀ဲႉ ဖဲကီးတရံးႇကၠဲၤဒိန့ၣ် နၢ်ဟူလၢတၢ်ဆဲးန့ၢ်၀ဲလီၤႉ ခီဖျိခိ၀ံၣ်အကတီၢ်တၢ်ကးတံၢ်ဃာ်ကျဲအဃိလဲၤဆဲးတသ့ဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ ဘၣ်ဆၣ်ကညီကီၢ်စဲၣ် ကမျၢၢ်ဆူၣ်ချ့ဒီးတၢ်ကူစါယါဘျါ၀ဲၤကျိၤခိၣ် ဒီၣ်ကထၢၣ်ကၠီၤစွၤမၠ့ၣ်...

လူၢ်ပျဲၢ်ကီၢ်ဆၣ် ကီၣ်မၠးကၠံသ၀ီအပူၤ ဖိသၣ် ၂ ဂၤလီၤအုးသံလၢထံ

လါယူၤလံ ၃၀ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် လူၢ်ပျဲၢ်ကီၢ်ဆၣ် ကီၣ်မၠးကၠံသ၀ီအပူၤခီဖျိထံဒိၣ်ထီၣ်အဃိ ဖဲမဟါ(လါယူၤလံ ၂၉)သီ ဟါခီ ၃ နၣ်ရံၣ်တခီအဆၢကတီၢ် ဖိသၣ် ၂ ဂၤလီၤအုးသံလၢထံအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိတဖၣ်အအိၣ်န့ၣ်လီၤႉ ဖိသၣ်လၢအလီၤအုးသံလၢထံ ၂ ဂၤအံၤ အသးနံၣ်အိၣ်ဒံးထဲ(၄)နံၣ်ဒီး(၁)နံၣ် မ့ၢ်၀ဲပိာ်မုၣ်ဖိခံဂၤလၢာ်အသိး ဖိသၣ်ခံဂၤအံၤအမိအပါလဲၤမၤတၢ်မၤလၢကီၢ်ကၠီၣ်တဲၣ်ဒီးအိၣ်တ့ၢ်၀ဲဒီးအဖံန့ၣ်လီၤႉ ဖဲအဖံလဲၤလၢတၢ်ချၢအဆၢကတီၢ် လီၤအုးသံ၀ဲလၢထံလီၤအဂ့ၢ်န့ၣ်...

BGF သုးခးလီၤကျိဖးဒိၣ်လၢလီၢ်က၀ီၤတၢ်ဖံးအီၣ်မၤအီၣ်လီၢ်ကျဲ

လါယူၤလံ ၃၀ သီႇ ၂၀၂၁နံၣ်ႇ ခ့ၣ်အဲးစံၣ် သုးခိးကီၢ်ဆၢ(BGF)အသုးလၢအအိၣ်ဖဲခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်တြီၢ်ကီၢ်ရ့ၣ် သုးက့ ၅ႇ ဒွဲၣ်လိကီၢ်ဆၣ် လ့ဖိထၣ်သ၀ီကရူၢ် နိၤဃဲထၣ်သ၀ီအကပၤတဖၣ် ဖဲလါယူၤလံ ၂၇ သီအနံၤ ခးလီၤကျိဖးဒိၣ်လၢလီၢ်က၀ီၤတၢ်ဖံးအီၣ်မၤအီၣ်လီၢ်ကျဲပူၤအဂ့ၢ်န့ၣ် မုၢ်တြီၢ်ကီၢ်ရ့ၣ် ထုးထီၣ်ဘိးဘၣ်ရၤလီၤတၢ်ကစီၣ်ဖဲမဟါ(လါယူၤလံ ၂၉)သီအနံၤန့ၣ်လီၤႉ လၢကဟူးဂဲၤအါထီၣ်ဖဲဟီၣ်က၀ီၤဖဲန့ၣ်အပူၤအဂီၢ် BGF သုးရ့ၣ်(၁၀၁၄)သုးရ့ၣ်ခိၣ် သုးခိၣ်ဒိၣ်ဖိ မီၤခၠံၣ် ...

ကညီကီၢ်စဲၣ် သုးခိးကီၢ်ဆၢ(BGF) နီၣ်ဂံၢ် ၃ သုးဟီၣ်က၀ီၤခိၣ်လဲၤပူၤကွံာ်သးလၢခိ၀ံၣ်တၢ်ဆါ

လါယူၤလံ ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် ဖဲတနံၤအံၤ(လါယူၤလံ ၂၉)သီ ဂီၤခီအဆၢကတီၢ် ကညီကီၢ်စဲၣ် သုးခိးကီၢ်ဆၢ(BGF) နီၣ်ဂံၢ် ၃ သုးဟီၣ်က၀ီၤခိၣ် သုးခိၣ်ဒိၣ်ဂီၢ်ဂ့ၢ် စီၤကၠီၤမၠ့ၣ်(ကိး)ဘိၤကတိ လၢအသးနံၣ်အိၣ်(၆၂)နံၣ်အံၤ လဲၤပူၤကွံာ်သးခီဖျိခိ၀ံၣ်တၢ်ဆါအဃိအဂ့ၢ်န့ၣ် သ့ၣ်ညါဘၣ်န့ၣ်လီၤႉ စီၤကၠီၤမၠ့ၣ်(ကိး)ဘိၤကတိအံၤ စးထီၣ်ဖဲခိ၀ံၣ်တၢ်ဆါဘၣ်ကူဘၣ်ဂာ်အီၤ၀ံၤအလီၢ်ခံ(၈)သီတသီ ဖဲတနံၤအံၤ လါယူၤလံ ၂၉ သီ...

ခီဖျိခိ၀ံၣ်တၢ်ဆါအဃိ ကီၢ်ကၠီၣ်တဲၣ်ကီၢ်ဆၢဘၣ်ကီဘၣ်ခဲဒဲက၀ီၤတဖၣ်အပူၤတၢ်ဖိတၢ်လံၤအၦ့ၤထီၣ်

လါယူၤလံ ၂၉ သီႇ ၂၀၂၁ နံၣ်ႇ ခ့ၣ်အဲးစံၣ် တကီၢ်ခါခဲအံၤခီဖျိခိ၀ံၣ်တၢ်ဆါရၤလီၤသးဟဲအါထီၣ်အဃိ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ဘၣ်ကီဘၣ်ခဲဒဲက၀ီၤတဖၣ်အပူၤ တၢ်မၤဃံးထီၣ်တၢ်နုာ်လီၤဟးထီၣ်အဃိ တၢ်ဖိတၢ်လံၤနုာ်လီၤဟးထီၣ်တချုးဆၢချုးကတီၢ်လၢၤဘၣ်ဒီးတၢ်ၦ့ၤထီၣ်ႇတၢ်ဖိတၢ်လံၤလီၤစှၤ၀ဲအဂ့ၢ်န့ၣ် ၦၤအိၣ်လၢဒဲက၀ီၤပူၤတဖၣ် စံး၀ဲန့ၣ်လီၤႉ တၢ်အိၣ်သးဆၢကတီၢ်ခဲအံၤ ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ခီဖျိခိ၀ံၣ်တၢ်ဆါအဃိ တၢ်မ့ၢ်ဆဲးပာ်ပနီၣ်မၤဃံးထီၣ်တၢ်လဲၤတၢ်က့ၤဒ်အံၤန့ၣ် ခါဆူညါတၢ်အိၣ်မူတၢ်အိၣ်သးအဂီၢ်ကကီခဲဒိၣ်ထီၣ်၀ဲ အဂ့ၢ်န့ၣ် ဘၣ်ကီဘၣ်ခဲကမျၢၢ်တဖၣ်စံး၀ဲန့ၣ်လီၤႉ အူးဖၠၣ်ဘၣ်ကီဘၣ်ခဲဒဲက၀ီၤ နီၢ်ကဲဖီ စံး၀ဲလၢ“ဖဲတၢ်ဃံးထီၣ်အကတီၢ်အံၤ ကနု၁်လီၤဟးထီၣ်ကီခဲ၀ဲလီၤႉ တၢ်ၦ့ၤစ့ၢ်ကီးထီၣ်ႇအပူၤကွံာ်သိအီၣ်တကိန့ၣ်(၄၀)ဘး ခဲအံၤအိၣ်လၢ(၅၀)ဘးလံလီၤႉ ဟုသးနါက့အပူၤကွံာ်လၢညါတထၢၣ်န့ၣ်(၆၀၀)ဘးႇခဲအံၤထီၣ်လၢ(၇၅၀)ဘးလံလီၤႉ...

ၦၤလၢအိၣ်တဆူၣ်လၢခိ၀ံၣ်အတၢ်ပနီၣ်လၢသ၀ီပူၤတဖၣ် လိၣ်ဘၣ်ကသံၣ်ကသီတၢ်ကူစါယါဘျါ

လါယူၤလံ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ်အပူၤ ၦၤလၢအအိၣ်လၢဒူသ၀ီအပူၤတဖၣ် လၢကလဲၤထီၣ်ၦ့ၤကသံၣ်ကသီလၢ၀့ၢ်ပူၤအဂီၢ် ခီဖျိတၢ်ကီတၢ်ခဲအိၣ်အဃိ အိၣ်မ့တဆူၣ်ခိ၀ံၣ်တၢ်ပနီၣ်မ့ၢ်ဖျါန့ၣ် လၢကကူစါယါဘျါတၢ်ဆါအဂီၢ် ကသံၣ်ကသီတဖၣ်လိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခဲအံၤ လၢကညီကီၢ်စဲၣ်အပူၤ လီၢ်က၀ီၤဖိလၢအအိၣ်လၢသ၀ီအပူၤတနီၤ ဘၣ်ကူဘၣ်ဂာ်လၢခိ၀ံၣ်တၢ်ဆါအမဲာ်ညါ ၦၤသံလၢခိ၀ံၣ်တၢ်ဆါဃိဟဲအိၣ်ထီၣ်လံန့ၣ်လီၤႉ ၦၤလၢအအိၣ်ဘူးအိၣ်တံၢ်ဘၣ်ဒီးၦၤဘၣ်ခိ၀ံၣ်တၢ်ဆါတဖၣ်န့ၣ် အိၣ်တဆူၣ်တချ့ဟဲအိၣ်ထီၣ်ဘၣ်ဆၣ် တဒိးန့ၢ်ဘၣ်တၢ်သမံသမိးတၢ်အိၣ်ဆူၣ်အိၣ်ချ့ဘၣ်အမဲာ်ညါ လၢကကူစါယါဘျါသးအဂီၢ်ဟးၦ့ၤကသံၣ်ကသီတန့ၢ်ဘၣ်အဂ့ၢ်န့ၣ် သ့ၣ်ညါဘၣ်လၢလီၢ်က၀ီၤဖိအအိၣ်န့ၣ်လီၤႉ ကီးတရံးကီၢ်ဆၣ် ကီၣ်ကမၤသ၀ီဖိတဂၤ စံး၀ဲ“လၢပသ၀ီပူၤန့ၣ်...

တၢ်ခးလိာ်သးကဲထီၣ်ဖဲ၀ၣ်ကၠံသ၀ီကပၤ ဂၢၤကီၢ်အခိၣ်သံ ၁ ဂၤ

လါယူၤလံ ၂၈ သီႇ ၂၀၂၁ နံၣ်ႇ ခ့ၣ်အဲးစံၣ် ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဒူထူၣ်ကီၢ်ရ့ၣ်(သုးက့ ၁)ကၠိၤမသွဲၤကရူၢ်ပူၤ ဖဲလါယူၤလံ ၂၅ သီအနံၤ တၢ်ခးလိာ်သးကဲထီၣ်လၢ၀ၣ်ကၠံသ၀ီအကပၤဒီး ဖဲန့ၣ်တၢ်ဖီၣ်ချုးသံန့ၢ်၀ဲဂၢၤကီၢ်အခိၣ် ၁ ဂၤအဂ့ၢ်န့ၣ် ခ့ၣ်အဲၣ်ယူၣ် ဒူသထူၣ်ကီၢ်ရ့ၣ် ထုးထီၣ်ပာ်ဖျါ၀ဲဖဲမဟါ(လါယူၤလံ ၂၇)သီအနံၤန့ၣ်လီၤႉ ဘၣ်ထွဲဒီးတၢ်ခးလိာ်သးကဲထီၣ်အဂ့ၢ်အံၤ ဒူသထူၣ်ကီၢ်ရ့ၣ်ၦၤဘၣ်မူဘၣ်ဒါတဂၤစံး၀ဲ“တၢ်ကဲထီၣ်န့ၣ်ဖဲ ၂၅ သီ ဂီၤခီ ၁၀း၄၅...

ကၠၤအ့စ့ၣ်ကၠံပူၤ စမံၣ်ကျိဒီး၀ီၢ်ရီကျိဒိၣ်ထီၣ်အဃိ ၦၤနီၣ်ဂံၢ်(၆၀၀)ဃၣ်ဃၣ်ဘၣ်သုးလီၢ်သုးကျဲ

လါယူၤလံ ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် ကၠၤအ့စ့ၣ်ကၠံကီၢ်ဆၣ်အပူၤ စးထီၣ်ဖဲ(လါယူၤလံ ၂၁)သီအနံၤန့ၣ် ခီဖျိတၢ်စူၤကိးမုၢ်နံၤဒဲးအဃိ စမံၣ်ကျိဒီး၀ီၢ်ရီကျိဒိၣ်ထီၣ်ဒီး ဖဲန့ၣ်ခီဖျိထံနုာ်လီၤ၀ဲလၢဟံၣ်တဖၣ်ပူၤအဃိ ၦၤနီၣ်ဂံၢ်(၆၀၀)ဃၣ်ဃၣ် ဘၣ်သုးလီၢ်သုးကျဲအဂ့ၢ်န့ၣ် သ့ၣ်ညါဘၣ်လၢတၢ်တိစၢၤမၤစၢၤကရူၢ်အအိၣ်န့ၣ်လီၤႉ ခီဖျိထံကစၢၢ်လီၤဒီးထံကျိဒိၣ်ထီၣ်အဃိ ထံနုာ်လီၤလၢကၠၤအ့စ့ၣ်ကၠံ၀့ၢ် နီၣ်ဂံၢ်(၆)က၀ီၤဒ့ပူၤဒီး ဟံၣ်ခိၣ်(၁၀၄)ဖျၢၣ် ဘၣ်လဲၤသုးလီၢ်သုးကျဲဆူဆဲၤကလိတၢ်သူၣ်ထီၣ်အလီၢ်ဒီးတၢ်လီၢ်လၢအကစီၤထီအလီၢ်တဖၣ်တစိၢ်တလီၢ်အဂ့ၢ်န့ၣ် တၢ်တိစၢၤမၤစၢၤကရူၢ် ကိၣ်နဲၣ်လ့အီၣ် စံးဘၣ်ခ့ၣ်အဲးစံၣ်ဒ်အံၤန့ၣ်လီၤႉ အ၀ဲစံး၀ဲလၢ“ဖဲခၠီ၀ၣ်တိၤန့ၣ်ထံဘၢအဃိ ဖဲဃိၣ်သၢဖျၢၣ်–ကၠၤအ့စ့ၣ်ကၠံကျဲဖးဒိၣ်န့ၣ်သိလ့ၣ်လဲၤတန့ၢ်လၢၤဘၣ်ႉ ထိတအိၣ်ဘၣ်အဃိ...

ခီဖျိသူမှဲကျိဒိၣ်ထီၣ်အဃိ မၠၣ်၀တံၣ်၀့ၢ်ပူၤဟံၣ် ၅၀၀ ဘျဲၣ် ဘၣ်သုးလီၢ်သုးကျဲ

လါယူၤလံ ၂၇ သီႇ ၂၀၂၁ နံၣ်ႇ ခ့ၣ်အဲးစံၣ် ကီၢ်ကၠီၣ်တဲၣ်–ကီၢ်ပယီၤကီၢ်ဆၢ ကညီကီၢ်စဲၣ် မၠၣ်၀တံၣ်၀့ၢ်ပူၤ ခီဖျိသူမှဲကျိဒိၣ်ထီၣ်အဃိ ဟံၣ်အဖျၢၣ်(၅၀၀)ဘျဲၣ် ဘၣ်သုးလီၢ်သုးကျဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ ခီဖျိတၢ်စူၤအဆၢတတဲာ်ဘၣ်ဒီးသူမှဲကျိအံၤတၢ်ဘၣ်ယိၣ်ထံအနီၣ်ဂံၢ်တလၢကွံာ်၀ဲ(၁)ပ့ၣ်ဃၣ်ဃၣ်လံဒီး တုၤလၢမဟါ ၉ နၣ်ရံၣ်န့ၣ် ထံထီၣ်ဒံး၀ဲအဖၢမုၢ်န့ၣ်လီၤႉ ခီဖျိထံထီၣ်အဃိဟံၣ်အဖျၢၣ်(၅၀၀)ဘျဲၣ်လၢအအိၣ်ဖဲထံကျိအကပိၤကပၤတဖၣ် ဘၣ်သုးလီၢ်သုးကျဲဒီး လဲၤစံၣ်အိၣ်ကဒု၀ဲတစိၢ်တလီၢ်ဖဲတၢ်အိၣ်ကဒုအလီၢ်တဖၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ တကီၢ်ခါခဲအံၤ မၠၣ်၀တံၣ်၀့ၢ်ပူၤ နီၣ်ဂံၢ်(၅)က၀ီၤဒ့ပူၤ အထက(၃)အဒ့ဒီး၀ါတီကၠိႇ နီၣ်ဂံၢ်(၃)က၀ီၤဒ့ ဒံၣ်ထၤအီၣ်သီခါဖၠၣ်တၢ်သူၣ်ထီၣ်အလီၢ်အံၤ...

လ့က့ၣ်ကီာ်၀့ၢ်သီအပူၤ ခိ၀ံၣ်တၢ်ဘၣ်ကူဘၣ်ဂာ်ဟဲအါထီၣ်ဒီး ၦၤသံအိၣ်တုၤလၢ ၄ ဂၤလံ

လါယူၤလံ ၂၆ သီႇ ၂၀၂၁ နံၣ်ႇ ခ့ၣ်အဲးစံၣ် ကညီကီၢ်စဲၣ် မၠၣ်၀တံၣ်၀့ၢ်ကလံၤထံးတကပၤ လ့က့ၣ်ကီာ်၀့ၢ်သီအပူၤ ခိ၀ံၣ်တၢ်ဆါဘၣ်ကူဘၣ်ဂာ်ဟဲအါထီၣ်အမဲာ်ညါ တုၤလၢတနံၤအံၤ(လါယူၤလံ ၂၆)သီအနံၤ ၦၤသံအိၣ်ထီၣ်တုၤလၢ(၄)ဂၤလံအဂ့ၢ်န့ၣ် သ့ၣ်ညါဘၣ်လၢ၀့ၢ်သီၦၤဘၣ်မူဘၣ်ဒါအအိၣ်န့ၣ်လီၤႉ ဖဲလ့က့ၣ်ကီာ်၀့ၢ်သီတၢ်-တီဆၢဒီသဒၢခိ၀ံၣ်တၢ်ဆါအလီၢ်န့ၣ် တကီၢ်ခါခဲအံၤ ၦၤဘၣ်ကူဘၣ်ဂာ် လၢခိ၀ံၣ်တၢ်ဆါအိၣ်၀ဲ(၈၀)ဘျဲၣ်ဒီး သံ၀ဲ(၄)ဂၤလံအဂ့ၢ်န့ၣ် လ့က့ၣ်ကီာ်၀့ၢ်သီ ပၢဆှၢရဲၣ်ကျဲၤကမံးတံာ်ၦၤဘၣ်မူဘၣ်ဒါ စီၤထ့မၠ့ၣ်အီၤ စံးဘၣ်ခ့ၣ်အဲးစံၣ်-ကညီတၢ်ကစီၣ်၀ဲၤလီၢ်ခိၣ်သ့ၣ်န့ၣ်လီၤႉ ၦၤသံလၢခိ၀ံၣ်တၢ်ဆါအဃိတဖၣ်အကျါ မ့ၢ်ၦၤသ့ၣ်တဖၣ်လၢအအိၣ်ပာ်ဒီးတၢ်ဆါအသိး ၦၤသံသ့ၣ်တဖၣ်အံၤမ့ၢ်၀ဲ ၦၤလၢအိၣ်လ့က့ၣ်ကီာ်၀့ၢ်သီပူၤ...
- Advertisement -

EDITOR PICKS