KIC News

လါဖ့ၤဘြူၤအါရံၤ ၇ သီႇ ၂၀၂၄ နံၣ်ႇ ခံၣ်အဲးစံၣ် တနီသရံၣ်ကီၢ်ခီဒိၣ် ဘျံးဒ၀ဲၢ်ကီၢ်ရ့ၣ် အပူၤ ဖဲမဟါဟါခီန့ၣ် တၢ်ဒီသဒၢကမျၢၢ်သုးကရူၢ်ထီၣ်မၤန့ၢ်၀ဲ သုးကီၣ်ကးအသုးကလၢၤတဖျၢၣ်လၢအအိၣ်ဒ၀ဲၢ်၀့ၢ်မုၢ်ထီၣ် နီၣ်ဂံၢ်(၈)ပၢဆှၢရဲၣ်ကျဲၤသုး၀ဲၤလီၢ်ခိၣ်သ့ၣ်အကပၤအံၤ အဂ့ၢ်န့ၣ် သ့ၣ်ညါဘၣ်လၢတၢ်ပၢၢ်ဆၢသုးပာ်ဖှိၣ်အအိၣ်န့ၣ်လီၤႉ သုးကီၣ်ကးအသုးကလၢၤ၀ဲအံၤအိၣ်ဆီလီၤအသးဖဲဒ၀ဲၢ်၀့ၢ်မုၢ်ထီၣ်ခီၣ်ချ့သုးရ့ၣ်(ခမရ-၄၀၁)ဒီး(ခမရ-၄၀၂)အဘၢၣ်စၢၤ(မဲၤ၀့ၤ)ကစၢၢ်ဒီခိၣ်ဒီးဖဲမဟါလါဖ့ၤဘြူၤအါရံၤ ၅ သီ ဟါခီ(၄)နၣ်ရံၣ်တခီအဆၢကတီၢ်န့ၣ် တၢ်ထီၣ်ဒုးမၤန့ၢ်ကွံာ်၀ဲအဂ့ၢ်န့ၣ်တၢ်ပၢၢ်ဆၢသုးကရူၢ်(ဗထူး)သုးကျိၤ တၢ်ဘိးဘၣ်ရၤလီၤမူဒါခိၣ် (ထဲၣ်မၠဲၣ်)စံး၀ဲဒ်အံၤ န့ၣ်လီၤႉ အ၀ဲစံး၀ဲလၢ“လါဖ့ၤဘြူၤအါရံၤ ၅ သီအနံၤဟါခီအဆၢကတီၢ်န့ၣ် ပနုာ်လီၤထီၣ်ဒုးမၤန့ၢ်၀ဲမီၤနီၤႉ...

လါဖ့ၤဘြူၤအါရံၤ ၇ သီႇ ၂၀၂၄ နံၣ်ႇ ခ့ၣ်အဲးစံၣ် လၢကရံၣ်နံၣ်ကီၢ်စဲၣ် ဒံၣ်မီစိၤကီၢ်ဆၣ် မၠၣ်သလဲသ၀ီကရူၢ် ဒီၣ်အံၣ်စံၣ်သ၀ီအပူၤန့ၣ် ဖဲမဟါလါဖ့ၤဘြူၤအါရံၤ(၅)သီ ဂီၤခီ(၁၀)နၣ်ရံၣ်အဆၢကတီၢ် သုးကီၣ်ကးပညိၣ်ခး၀ဲလီၢ်အိၣ်ကမှံကၠိ(၂)ဖျၢၣ်အဖီခိၣ်အံၤ ထီဒါ၀ဲတဲာ်တဲာ်ဖျုဖျု အဂ့ၢ်န့ၣ် ကရ့ၣ်နံၣ်ၦၤကညီဂ့ၢ်၀ီခွဲးယာ်ကရူၢ် KnHRG ထုးထီၣ်ပာ်ဖျါ၀ဲဖဲမဟါ လါဖ့ၤဘြူၤအါရံၤ ၅ သီအနံၤ...

လါဖ့ၤဘြူၤအါရံၤ ၆ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ် လၢၢ်ဒိၣ်ကီၢ်ဆၣ်အပူၤ ခီဖျိသုးကီၣ်ကးအၦၤခးလီၤကျိဖးဒိၣ်ဒီးကဘီယူၤဟဲတ့ၢ်လီၤမ့ၣ်ပိၢ်အဃိ တလါအတီၢ်ပူၤ ကမျၢၢ်ဘၣ်သံ(၁၀)ဂၤဒီး ဘၣ်ဒိ၀ဲဒၣ်(၂၀)ဂၤအဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါစံး၀ဲန့ၣ်လီၤႉ စးထီၣ်ဖဲအပူၤကွံာ်လါယနူၤအါရံၤ(၁)သီတုၤ(၃၁)သီလၢတလါအတီၢ်ပူၤ ခီဖျိပယီၤသုးခးလီၤကျိဖးဒိၣ်ဆူ လၢၢ်ဒိၣ်ကီၢ်ဆၣ်ဒူသ၀ီပူၤခဲလၢာ်အိၣ်၀ဲ(၂၀၀)ဘျဲၣ်ဒီး ကဘီယူၤဟဲခးလီၤတၢ်အိၣ်၀ဲ(၂၇)ဘျီအဃိ လီၢ်က၀ီၤၦၤကမျၢၢ်သံ၀ဲဒၣ်(၁၀)ဂၤႇ ဘၣ်ဒိ(၂၀)ဂၤဒီးဒ်န့ၣ်အသိးပယီၤသုးအံၤဖီၣ်စ့ၢ်ကီး၀ဲကမျၢၢ်(၂၁)ဂၤအဂ့ၢ်န့ၣ် လၢၢ်ဒိၣ်ကီၢ်ဆၣ် ၦၤကတိၤတၢ်ပၢ ပဒိၣ်စီၤ၀ါမုၢ် စံး၀ဲန့ၣ်လီၤႉ လၢန့ၣ်အမဲာ်ညါခီဖျိသုးကီၣ်ကးခးလီၤကျိဖးဒိၣ်ဟဲခးလီၤတၢ်ဒီးကဘီယူၤအဃိဘၣ်ဟးဂီၤကွံာ်၀ဲကမျၢၢ်ဟံၣ် တၢ်သူၣ်ထီၣ်အဖျၢၣ်(၃၀)ဘျဲၣ်ႇ သီခါဖၠၣ်တၢ်သူၣ်ထီၣ်တဖျၢၣ်ဒီးဒ်န့ၣ်အသိးကမျၢၢ်အဆၣ်ဖိကီၢ်ဖိသ့ၣ်တဖၣ်စ့ၢ်ကီး...

လါဖ့ၤဘြူၤအါရံၤ ၆ သီႇ ၂၀၂၄ နံၣ်ႇ ခ့ၣ်အဲးစံၣ် လၢတနီသရံၣ်ကီၢ်ခီဒိၣ်(တနီသရံၣ်ကီၢ်ဆၣ်)အပူၤတကီၢ်ခါခဲအံၤသဲးသၣ်အၦ့ၤက့ၤထီၣ်ကဒါ၀ဲဘၣ်ဆၣ်ကမျၢၢ်လၢအမၤအီၣ်သဲးကျီးသ့ၣ်တဖၣ်မ့ၢ်လၢဘၣ်ဃ့ၢ်တၢ်ဒုးအဃိတဆါ၀ဲသဲးသၣ်ဘၣ်အဂ့ၢ်န့ၣ် လီၢ်က၀ီၤကမျၢၢ်တဖၣ်စံး၀ဲန့ၣ်လီၤႉ လၢတနီသရံၣ်ကီၢ်ဆၣ်အပူၤအပူၤကွံာ်(၂)နံၣ်အခါန့ၣ်သဲးသၣ်အၦ့ၤလီၤ၀ဲတပယူာ်ဃီဒီးဘၣ်ဆၣ်တနံၣ်အံၤ သဲးသၣ်ဃ့တပီၢ်န့ၣ်အၦ့ၤအိၣ်၀ဲတုၤလၢ(၃၃၀၀)ကျးညါအဂ့ၢ်န့ၣ် တနီသရံၣ်ကီၢ်ဆၣ်ပူၤ လီၢ်က၀ီၤကမျၢၢ်လၢအမၤအီၣ်သဲးတဂၤစံး၀ဲဒ်အံၤန့ၣ်လီၤႉ အ၀ဲစံး၀ဲလၢ“သဲးသၣ်အၦ့ၤဟဲက့ၤထီၣ်ကဒါဖဲတနံၣ်ညါအံၤလီၤႉပူၤကွံာ်နံၣ်န့ၣ်သဲးသၣ်လၢပတဆါဘၣ်အီၤဒံးဘၣ်သ့ၣ်တဖၣ်န့ၣ်ပပာ်ဃာ်အီၤမီၤနီၤႉဖဲပူၤကွံာ်နံၣ်န့ၣ်သဲးသၣ်တပီၢ်န့ၣ်အၦ့ၤအိၣ်၀ဲ(၁၅၀၀)ကျးလီၤအဃိ ပဒွးတကဲးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ် လီၤႉ လၢတနီသရံၣ်ကီၢ်ဆၣ်(ညီၤပ့ၤကွ့ကရူၢ်)ႇ(ဘါလီသကရူၢ်)ဒီး(ဘါလမိၣ်)ကရူၢ်သ့ၣ်တဖၣ်အံၤအပူၤန့ၣ်စးထီၣ်ဖဲပူၤကွံာ်လါယနူၤအါရံၤ(၁၅)သီအနံၤန့ၣ်သုးကီၣ်ကးဒီးလီၢ်က၀ီၤတၢ်ဒီသဒၢကမျၢၢ်သုးလၢအအိၣ်ဆီလီၤသးဖဲန့ၣ်သ့ၣ်တဖၣ်တၢ်ဒုးဆူၣ်ထီၣ်၀ဲလၢခံခီခံကပၤအဃိလီၢ်က၀ီၤဖိသ့ၣ်တဖၣ်တုၤလၢခဲအံၤဘၣ်ဃ့ၢ်အိၣ်ကဒုသး အဖၢမုၢ်လီၤအဂ့ၢ်န့ၣ် (ဘါလီ)သ၀ီဖိတဂၤစံး၀ဲဒ်အံၤန့ၣ်လီၤႉ “ပူၤကွံာ်နံၣ်အခါန့ၣ်ပဘၣ်ဃ့ၢ်တၢ်ဒုးခဲအံၤခဲအံၤအဃိပတဆါဘၣ်သဲးသၣ်မူၤမူၤနီၢ်နီၢ်ဘၣ်ႉတနံၣ်အံၤသဲးသၣ်အၦ့ၤဟဲက့ၤဂ့ၤထီၣ်နာ်သက့ဘၣ်ဃ့ၢ်တၢ်ဒုးဒံးလီၤႉအဃိသဲးသၣ်တနီၤအုၣ်ကွံာ်ဒီးဆှူကွံာ်၀ဲမီၤနီၤႉ သဲးသၣ်အၦ့ၤနါက့ တဂၢၤတကျၢၤဘၣ်အၦ့ၤထီၣ်တထံၣ်လီၤတထံၣ်” အဂ့ၢ်န့ၣ် စံး၀ဲန့ၣ်လီၤႉ သဲးသၣ်လၢအဟးထီၣ်လၢကီၢ်ပယီၤသ့ၣ်တဖၣ်အံၤတၢ်ဆှၢအီၤဆူကီၢ်အ့ဒံၣ်ယါထံကီၢ်အံၤအအါကတၢၢ်လီၤဒီးခီဖျိထံကီၢ်တၢ်အိၣ်သးတဂၢၢ်တကျၢၤဘၣ်အဃိပနံာ်တၢ်ဆှၢထီၣ်ဆှၢလီၤကျဲသ့ၣ်တဖၣ်စ့ၢ်ကီး တလဲၤသးဘၣ်လီၢ်ဘၣ်ဆးဒ်လၢညါအသိးဒံးဘၣ်အဂ့ၢ်န့ၣ် ၦၤခိးၦ့ၤသဲးသၣ်ဖိတဖၣ်စံး၀ဲန့ၣ်လီၤႉ

လါဖ့ၤဘြူၤအါရံၤ ၆ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ ဘျံးဒ၀ဲၢ်ကီၢ်ရ့ၣ်(သုးက့ ၄)တနီသရံၣ်ဟီၣ်က၀ီၤအပူၤ ဖဲမဟါလါဖ့ၤဘြူၤအါရံၤ ၅ သီ မုၢ်ဃ့ၢ်လီၤ ၁ နၣ်ရံၣ်ဘျဲၣ်အဆၢကတီၢ်န့ၣ် ပယီၤသုးအကဘီယူၤဟဲတ့ၢ်လီၤ ကျိဖးဒိၣ်လၢ(KNLA) သုးရ့ၣ်(၁၁)တၢ်လီၢ်အဂ့ၢ်န့ၣ် လီၢ်က၀ီၤၦၤဘၣ်မူဘၣ်ဒါစံး၀ဲန့ၣ်လီၤႉ ဖဲမဟါကဘၣ်ဖဲမုၢ်ဃ့ၢ်လီၤ ၁း၄၀ မံးနံးအဆၢကတီၢ်န့ၣ် ပယီၤသုးအဟဲၣ်လံၣ်ခီးပတၢၣ်တဘ့ၣ်ဟဲတ့ၢ်လီၤ၀ဲဒၣ် ကျိဖးဒိၣ်(၁၁)ဖျၢၣ်လၢ ကီၢ်ကၠီၣ်တဲၣ်ကီၢ်ဆၢ ကီၢ်ဆၢဖိ...

လါဖ့ၤဘြူၤအါရံၤ ၅ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကီၢ်သူလ့ၤတၢ်ပၢမုၢ်တြီၢ်ကီၢ်ရ့ၣ် သုးက့(၅)ဟီၣ်က၀ီၤအပူၤ လၢတလါအတီၢ်ပူၤ တၢ်ဒုးကဲထီၣ်၀ဲ(၈၀)ဘျဲၣ်ဒီး ဖဲန့ၣ်ပယီၤသုးတကပၤသံ၀ဲဒၣ်(၄၁)ဂၤအဂ့ၢ်န့ၣ် မုၢ်တြီၢ်ကီၢ်ရ့ၣ်တၢ်ကစီၣ် ထုးထီၣ်ပာ်ဖျါ၀ဲဖဲလါဖ့ၤဘြူၤအါရံၤ ၅ သီအနံၤန့ၣ်လီၤႉ ဖဲပူၤကွံာ်လါယနူၤအါရံၤ(၁)သီတုၤ(၃၁)သီလၢတလါအတီၢ်ပူၤ တၢ်ဒုးကဲထီၣ်၀ဲလၢကညီဒီကလုာ် တၢ်ထူၣ်ဖျဲးသုးမုၢ်ဒိၣ်(KNLA)ဒီးပယီၤသုးကီၣ်ကးအဘၢၣ်စၢၤခဲလၢာ်အိၣ်၀ဲ(၈၉)ဘျီဒီး ပယီၤသုးတကပၤသံ၀ဲဒၣ်(၄၁)ဂၤ ဘၣ်ဒိစ့ၢ်ကီး၀ဲဒၣ်(၄၁)ဂၤအဂ့ၢ်န့ၣ် မုၢ်တြီၢ်ကီၢ်ရ့ၣ်လံာ်တၢ်ပာ်ဖျါအပူၤပာ်ဖျါ၀ဲန့ၣ်လီၤႉ လၢတလါအတီၢ်ပူၤသုးကီၣ်ကးဘၣ်ဒိ(၄၀)ဘျဲၣ်အံၤအကျါန့ၣ်ပၣ်ဃုာ်၀ဲသုးရ့ၣ်ခိၣ်တဂၤဒီး ဘၣ်ဆၣ်မ့မ့ၢ်လၢတၢ်ပၢၢ်ဆၢသုးကရူၢ်တကပၤတၢ်သံတၢ်ဘၣ်ဒိဘၣ်ထံးအိၣ်တအိၣ်ခီန့ၣ် လံာ်တၢ်ပာ်ဖျါအပူၤပာ်ဖျါ၀ဲတအိၣ်၀ဲဘၣ်န့ၣ်လီၤႉ ခီဖျိတၢ်ဒုးကဲထီၣ်လၢခံခီခံကပၤအဘၢၣ်စၢၤအဖီခိၣ်ပယီၤသုးအံၤခးလီၤ၀ဲကျိဖးဒိၣ်ဆူကမျၢၢ်ဒူသ၀ီတၢ်ဖံးအီၣ်...

လါဖ့ၤဘြူၤအါရံၤ ၅ သီႇ ၂၀၂၄ နံၣ်ႇ ခ့ၣ်အဲးစံၣ် တနံၤအံၤလါဖ့ၤဘြူၤအါရံၤ ၅ သီ လၢအလီၤဘၣ်၀ဲခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢနံၣ်ဆဲးဆၢၦဲၤထီၣ် (၇၇)နံၣ်အဖီခိၣ်အံၤ ထံရူၢ်ကီၢ်သဲးတၢ်အုၣ်ကီၤသးကအိၣ်အဂီၢ်ကဖီၣ်လိာ်စုမၤသကိးတၢ်ဒီးကညီတၢ်ကရၢကရိ တဖၣ်လၢသနၢၣ်ဒၣ်၀ဲစုာ်စုာ်အဂ့ၢ်န့ၣ် (KNU)ကရၢခိၣ် ပဒိၣ်စီၤကွဲၤထူ၀့ စံး၀ဲန့ၣ်လီၤႉ ကညီကလုာ်ထံရူၢ်ကီၢ်သဲးတၢ်အုၣ်ကီၤသးကအိၣ်အဂီၢ်ပကဘၣ်ဖီၣ်လိာ်စုမၤသကိးတၢ်ဒီးကညီတၢ်ကရၢကရိတဖၣ်လၢသနၢၣ်ဒၣ်၀ဲစုာ်စုာ်အဂ့ၢ်န့ၣ် ကရၢခိၣ် ပဒိၣ်စီၤကွဲၤထူ၀့ စံးလီၤ၀ဲဒၣ်လၢ(၇၇)နံၣ်ကညီဒီကလုာ်စၢဖှိၣ်ကရၢမုၢ်နံၤ ဆၢက့ၤ အလံာ်ဟ့ၣ်ယုၢ်ပူၤအံၤန့ၣ်လီၤႉ ဒ်(ခ့ၣ်အဲၣ်ယူၣ်)ကရၢခိၣ်အလံာ်ဟ့ၣ်ယုၢ်ပူၤအသိးန့ၣ်အလီၢ်အိၣ်နီၢ်နီၢ်လၢကညီဒီကလုာ်စၢဖှိၣ်ကရၢခိၣ်နၢ်ႇ ကရၢဖိဒီး ၦၤမၤသကိးတၢ်ဖိတဖၣ်ကအိၣ်ဒီးတၢ်တူၢ်ခီၣ်ပာ်သးလၢကရၢအံၤမ့ၢ်ကရၢတဖုလၢအကါဒိၣ်၀ဲလၢခါဆူညါကညီကလုာ်အဘူၣ်အတီၢ်အဂီၢ်ဒီးတကးဒံးဘၣ်ကရၢခိၣ်နၢ်ႇကရၢဖိတဖၣ်ကအိၣ်ဒီးကရၢအသးကအိၣ်ဆၢထၢၣ် လၢကရၢအကျဲသနူႇ...

လါဖ့ၤဘြူၤအါရံၤ ၄ သီႇ ၂၀၂၄ နံၣ်ႇ ခ့ၣ်အဲးစံၣ် လၢတၢ်ပၢဆၢတၢ်လဲၤခီဖျိအဖီခိၣ်အံၤတၢ်ဆၢကတီၢ်ဘၣ်လံလၢပကဘၣ်ဒုးဖျိးထီၣ်ကွံာ်သုးမီၤစိရိၤလၢအဘၢအသီတဖုအံၤလံအဂ့ၢ်န့ၣ် ကညီပိာ်မုၣ်ကရၢ(KWO)ထုးထီၣ်ပာ်ဖျါစံး၀ဲလၢကညီဒီကလုာ်စၢဖှိၣ်ကရၢမုၢ်နံၤအလံာ် ဟ့ၣ်ယုၢ်ပူၤန့ၣ်လီၤႉ လၢကဟဲခဲမုၢ်ဆ့ၣ်လါဖ့ၤဘြူၤအါရံၤ ၅ သီအနံၤန့ၣ် လီၤဘၣ်၀ဲဒၣ်ကညီဒီကလုာ်စၢဖှိၣ်ကရၢမုၢ်နံၤဆၢက့ၤ ၦဲၤထီၣ်(၇၇)၀ီတ၀ီဒီးလၢမုၢ်နံၤ၀ဲအံၤအဖီခိၣ်ဆၢကတီၢ်ဘၣ်လံလၢပကဘၣ်ဒုးဖျိးထီၣ်ကွံာ် သုးမီၤစိရိၤလၢ အအၢအသီတဖုလၢအမၤနၢၤမၤနးမၤဖှီၣ်ၦၤကလုာ်ကမျၢၢ်ထံဖိကီၢ်ဖိသ့ၣ်တဖၣ်အံၤအဂ့ၢ်န့ၣ် (KWO)စံး၀ဲန့ၣ်လီၤႉ ဒ်(KWO)လံာ်တၢ်ပာ်ဖျါပူၤအသိးန့ၣ်ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ အတၢ်တီခိၣ်ရိၣ်မဲလၢ(၇၇)နံၣ် အတီၢ်ပူၤအံၤပထံၣ်ဘၣ်လၢခိၣ်နၢ်ဒီးၦၤဘၣ်မူဘၣ်ဒါတဖၣ်မ့ၢ်ဘၣ်ကွၢ်ဆၢၣ်မဲာ်၀ဲတၢ်ကီတၢ်ခဲႇတၢ်တၤတၢ်ဒီးအ၀ဲသ့ၣ်အိၣ်အကလုာ်ကလုာ်ဘၣ်ဆၣ်ကရၢအံၤအိၣ်ဆၢထၢၣ်ဂၢၢ်ကျၢၤလၢကညီဖိအဂီၢ်တုၤလၢမုၢ်မဆါတနံၤအဃိ မ့ၢ်တၢ်သးခုဒိၣ်မးအဂ့ၢ်န့ၣ် စံး၀ဲန့ၣ်လီၤႉ ဘၣ်ဃးလံာ်ဟ့ၣ်ယုၢ်လၢကညီဒီကလုာ်မုၢ်နံၤဆၢက့ၤအဖီခိၣ်အံၤ (KWO)ကရၢခိၣ်–၂ သရၣ်မုၣ် နီၢ်စ့ဟဲ စံး၀ဲလၢ“ ပတၢ်ပၢၢ်ဆၢတၢ်လဲၤကျဲအံၤန့ၣ်လဲၤအသးန့ၢ်ဖးယံၤလံႉအဃိန့ၣ်တနံၣ်အံၤ(၂၀၂၄)အတီၢ်ပူၤန့ၣ်ၦၤကညီဖိလၢအိၣ်ကီၢ်ပူၤကီၢ်ချၢထံဆၢကီၢ်ဆၢခဲလၢာ်ပကပာ်ဖှိၣ်လိာ်သးတၢ်ဆၢကတီၢ်ဘၣ်လၢပကဒုးဖျိးကွံာ်၀ဲဒၣ်သုးမီၤစိရိၤတဖုအံၤမီၤနီၤႉဒ်သိးပကသူၣ်ထီၣ်ကဒါက့ၤဖဲၣ်ဒရၢၣ်ကီၢ်စၢဖှိၣ်လၢပကန့ၢ်ဘၣ်၀ဲဒၣ်တၢ်အုၣ်ကီၤလၢအဂ့ၤကတၢၢ်မီၤနီၤႉအဃိန့ၣ်ကညီဖိခဲလၢာ်ပကဘၣ်ဆၢထၢၣ်ဖီၣ်လိာ်ပစုဒီးတကးဒံးဘၣ်န့ၣ်ပကလုၢ်သ့ၣ်တဖၣ်န့ၣ်ကဘၣ်သီၣ်၀ဲတခါဃီမီၤနီၤ”အဂ့ၢ်န့ၣ်...

လါဖ့ၤဘြူၤအါရံၤ ၃ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် ဘံလ့ကီၢ်ဆၣ်အပူၤ ခီဖျိပယီၤသုးခးလီၤကျိဖးဒိၣ်, ကဘီယူၤစ့ၢ်ကီးဟဲခးလီၤတၢ်တလီၢ်လီၢ်အဃိ တကီၢ်ခါခဲအံၤတးပီသ၀ီလၢအစံၣ်ထီၣ်တဖၣ် တကူးဘၣ်အနံၣ်သိ,ပဲ သ့ၣ်တဖၣ်ဒံးဘၣ်အဂ့ၢ်န့ၣ် သ၀ီၦၤဘၣ်မူဘၣ်ဒါတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ ခီဖျိပယီၤသုးခးလီၤကျိဖးဒိၣ်အဃိ ဖဲအပူၤကွံာ်(၂၀၂၃)လါဒံၣ်စ့ဘၢၣ် ၁၃ သီအနံၤန့ၣ် တးပီသ၀ီဖိတဖၣ် ဘၣ်ဃ့ၢ်ထီၣ်၀ဲသ၀ီဒီတဖျၢၣ်ညါဒီးတုၤလၢခဲအံၤခီဖျိပယီၤသုးခးလီၤဒံးကျိဖးဒိၣ်၊ကဘီယူၤစ့ၢ်ကီး ဟဲခးလီၤတၢ်ကအိၣ် လၢကိးမုၢ်နံၤဒဲးဃၣ်ဃၣ်ညါအဃိသ၀ီဖိတဖၣ်တကူးဘၣ်နံၣ်သိ,ပဲသ့ၣ်တဖၣ်ဒံးဘၣ်အဂ့ၢ်န့ၣ် တးပီသ၀ီၦၤဘၣ်မူဘၣ်ဒါ တဂၤ စံး၀ဲဒ်အံၤန့ၣ်လီၤႉ...

လါဖ့ၤဘြူၤအါရံၤ ၃ သီႇ ၂၀၂၄ နံၣ်ႇ ခ့ၣ်အဲးစံၣ် လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ချၢၣ်လွံၢ်ထူၣ်ကီၢ်ရ့ၣ်(သုးက့-၃) ၀ဲၤလီၢ်ခိၣ်သ့ၣ်တၢ်လီၢ်န့ၣ် ဖဲအပူၤကွံာ်လါယနူၤအါရံၤအခါ တၢ်မၤ၀ဲ(၂၄)၀ီတ၀ီခီကရဲးတၢ်အိၣ်ဖှိၣ်ဒီးခီကရဲးတၢ်အိၣ်ဖှိၣ်အပူၤ တၢ်ဃုထၢထီၣ်က့ၤ၀ဲခိၣ်နၢ်သီသ့ၣ်တဖၣ်အဂ့ၢ်န့ၣ် ခ့ၣ်အဲၣ်ယူၣ်တၢ်ကစီၣ်ထုးထီၣ်ပာ်ဖျါ၀ဲဖဲလါဖ့ၤဘြူၤအါရံၤ(၁)သီ အနံၤန့ၣ်လီၤႉ ချၢၣ်လွံၢ်ထူၣ်ကီၢ်ရ့ၣ် (၂၄)၀ီတ၀ီခီကရဲးတၢ်အိၣ်ဘျီ၀ဲအံၤဘၣ်တၢ်စးထီၣ်မၤအီၤဖဲအပူၤကွံာ်(၂၀၂၄)နံၣ်လါယနူၤအါရံၤ ၉ သီ တုၤလၢ ၂၀ သီ လၢတဆံခံသီအတီၢ်ပူၤဒီး ဒ်န့ၣ်အသိးတၢ်အိၣ်ဖှိၣ်ဘျီ၀ဲအံၤအပူၤန့ၣ်တၢ်ဃုထၢထီၣ်၀ဲ ထီဘိကမံးတံာ်(၂၁)ဂၤအဂ့ၢ်န့ၣ်...