Home လုၢ်ဖိထါဖိ တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ

တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ

1152
0

တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ

ဆိမိၣ်မှံကသူၣ်ထီၣ်ကီၢ်ႇ မီၤစိရိၤလိ၁်ဘၢလိ၁်ကွီၣ်
ကအိၣ်ဃူဖိးထုးဖှိၣ်သးႇ ဒ့ၣ်သကိးဒ့ၣ်အီၣ်လိ၁်သး
အီၣ်အီကူသိးကဘံၣ်ဘၢႇ ပၢၢ်ဆၢထီဒါဒံးအဖၢ
လီၢ်မံလီၢ်ဒါကဂၢၢ်ကျၢၤႇ သကုၤဟီၣ်ခိၣ်ဃ့ၢ်ဖျိးလၢၤ

ခိၣ်ကု၁်ထံဃဲစၢအိၣ်ယံၤႇ ဖဲပစိၤအံၤတတုၤဒံး
နွံက့ၣ်ထံတၦဲၤထီၣ်ဒံးႇ နွံကဘီကဘၣ်လဲၤဒံး
မှံၤၦၢ်လၢပျၢၤမံမီၢ်ဝဲႇ ဖိလံၤခဲအံၤထံၣ်လၢမဲ၁်
တလၢၤပံၤယီၤမီလံၤလံၤႇ တူၢ်ဘၣ်ခီၣ်ဘၣ်တုၤခဲအံၤ

မိၢ်မ့ၢ်ဃိၣ်ဒီးပၢ်မ့ၢ်ယွၤႇ ပိှၢ်ဒီးစှီၤကညီကိးဂၤ
ကွဲၢ်ကဘီဒီးနီၢ်ဘုၣ်ဘီႇ မိၢ်ထံးပၢ်ထံးအိၣ်ထီၣ်ထီ
ၦဲၤဟံၣ်ခိၣ်ကစၢၢ်ဒီခိၣ်ႇ စှီၤထူလံၤဖိလဲၤအိၣ်ဖှိၣ်
ကွဲၢ်ကဘီလ့ကစၢၢ်ဒီႇ ဃိၣ်ဒီးဝၣ်စီၤသီတ့ဘှီ

ဆ့ပျိၢ်တခွဲဘိပနီၣ်ႇ သိၣ်ထီၣ်ဘှဲၣ်အိၣ်စဲပနီၣ်
ကျိၣ်ဒီးကွဲၤအက့ၢ်အဂီၤႇ မ့ၢ်ကညီဖိလၤကပီၤ
နီၣ်တယၢ်လိၤမုၢ်ခွံယဲၤႇ ဆူမဲ၁်ညါကညီဖိလဲၤ
တၢ်မ့ၢ်ယွၤဖိယွၤဆိၣ်ဘံႇ ဖိဝဲၢ်ကိတအိၣ်ဖှီၣ်သံ

ထိးကလဲ၁်အီၣ်ဟီၣ်မ့ၢ်လၢ၁်ႇ ကညီဖိကအိၣ်မု၁်ပၢၤ
ထံနၢ်ကွ၁်ခံယွၤရဲးရဲးႇ ဒ့ၣ်ဖိၦ့ၤသီၣ်ထီၣ်အဲးအဲး
ဖုထိးမဲပၢ်ကဟဲက့ၤႇ ကီၢ်လါသူလ့ၤကန့ၢ်က့ၤ
ဟံၣ်မု၁်ဃီပၢၤကန့ၢ်သါႇ နူၢ်ထီြပးသးကအိၣ်ဖျါ.

လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၃ဝ.၁.၂ဝ၂ဝ