ဟဲက့ၤကံၢ်စုၦိၢ်ဒီးစှီၤ
ဖီလါခူးဖးလၢၦၢ်ကျါ
မ့ၢ်ကညီဖိကံၢ်စုလါ
တၢ်စူၤလါခူးမ့ၢ်တုၤဃီၤ
ဟဲက့ၤကံၢ်စုၦိၢ်ဒီးစှီၤ
လၢပျၢၤဖံဖုမၤယုၤ၀ဲ
သုတလီၤမၢ်ပၢၤဃာ်နဲ
ကလုာ်ဂၤဆဲးလၤပီညါ
လုၢ်ဘၢကွံာ်နၤလၢာ်လံဧါ
တၢ်ကတိၤထူရူၢ်ဆဲးလၤ
သုတကျီၣ်ကျဲဒီးၦၤဂၤ
မ့ၢ်တပၢၤဃာ်ကျၢၤနဲဒၣ်
ကလီၤမၢ်နီၤ“ခွံတလၣ်”
မှံၤၦၢ်ဟ့ၣ်ပလီၢ်အါစု
“နီၢ်ဘျီ”ကလီၤလံာ်န့ၢ်သု
ပိာ်ထွဲနီၢ်ဘျီခံတဂ့ၤ
ြပုကလၤဟဲက့ၤဟဲက့ၤႉႉႉ
တၢ်လီၢ်“မူတကဲၣ်သံလါ”
ပလီၢ်သးလံၤမုၣ်လံၤခွါ
သွၣ်ခိၣ်လိထံးအိၣ်တဂ့ၤ
ြပုကလၤဟဲက့ၤဟဲက့ၤႉႉႉ
ဖံဖုလၢပျၢၤမၣ်လိာ်ပာ်
မ့ၢ်လီၤဃံၢ်၀ံၣ်ထီၣ်လိာ်သး
ဒီပုၢ်၀ဲၢ်သးမ့ၢ်ချၢၣ်ချဲ
ကွၢ်တပူၤကီတပူၤခဲ
မှံၤၦၢ်လၢပျၢၤထံၣ်စိဃာ်
ဟ့ၣ်ပလီၢ်သိၣ်ပာ်တဲပာ်
“ဒ့ၣ်ကအီၣ်လိာ်ဒ့ၣ်အသး
ညၣ်ကအီၣ်လိာ်ညၣ်အသး”
တၢ်ကတိၤမၤတ့ၢ်သးလံ
ၦိၢ်ဒီးစှီၤဆိမိၣ်မ့ၢ်ထံ
ဟးကိးမိၢ်ၦၤမိၢ်တဂ့ၤ
ၦၤမိၢ်တဒုးအီၣ်ပမ့ၤ
ြပုကလၤဟဲက့ၤစၢ်ခီ
ဟဲက့ၤအိၣ်လၢဟံၣ်လၢဃီႉႉႉ
ဖုစဂီၤလံၤခွါသ့ၣ်ဧၢ–(စှီၤ)
ဖံပအိၣ်လံၤမုၣ်သ့ၣ်ဧၢ–(ၦိၢ်)
ကၢၤဖှိၣ်သးတနံၣ်တဘျီ
ဖီၣ်လိာ်စုသးတဖျၢၣ်ဃီ
တၢ်စူၤလါခူးမ့ၢ်တုၤဃီ
ဟဲက့ၤကံၢ်စုၦိၢ်ဒီးစှီၤႉ
လၢ–တံနိ (သ၀ီတါ)
နီၢ်ဘျီ–မုၣ်ကီၤလံၢ်
မူတကဲၣ်သံလါ–တၢ်လီၢ်လၢအိၣ်ဒီးတၢ်သူၣ်ဖှံသးညီလၢကကွဲန့ၢ်လွဲန့ၢ်ၦၤဆူတၢ်တဂ့ၤတၢ်ဟးဂီၤအလီၢ်လၢအိၣ်ဒီး ပိာ်မုၣ်ပိာ်ခွါဆါလီၤအီၣ်သးအလီၢ်
