Home တၢ်ကစီၣ် မ့ၣ်ပိၢ်ပိၢ်ဖးထီၣ်လၢလူၢ်ပျဲၢ်ကူၣ်သ့၀ဲၤဒၢးအကပၤ

မ့ၣ်ပိၢ်ပိၢ်ဖးထီၣ်လၢလူၢ်ပျဲၢ်ကူၣ်သ့၀ဲၤဒၢးအကပၤ

1033
0

လါမ့ၤ ၄ သီႇ ၂၀၂၁ နံၣ်ႇ ခ့ၣ်အဲးစံၣ်

ဖဲတနံၤအံၤ(လါမ့ၤ ၄ သီ)ဂီၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ ကညီကီၢ်စဲၣ် လူၢ်ပျဲၢ်၀့ၢ် ကူၣ်သ့၀ဲၤဒၢးအကပၤတခါအဂ့ၢ်န့ၣ် ၦၤအိၣ်လၢ၀့ၢ်ပူၤတဖၣ်စံး၀ဲန့ၣ်လီၤႉ

ၦၤအိၣ်လၢ၀့ၢ်ပူၤလၢတအဲၣ်ဒိးပာ်ဖျါအမံၤတဂၤ စံး၀ဲ“ဖဲမုၢ်နၤခီ ၂ နၣ်ရံၣ်တခီအဆၢကတီၢ် မ့ၣ်ပိၢ်ပိၢ်ဖးထီၣ်လၢ လူၢ်ပျဲၢ်ဖၠါအမဲာ်ညါ ကူၣ်သ့၀ဲၤဒၢးအကရၢၢ်ကပၤလီၤႉ ကဲ၀ဲမ့ၣ်ပိၣ်လၢတၢ်တ့န့ၢ်လၢစုလီၤႉ ခီဖျိမ့ၣ်ပိၢ်ပိၢ်ဖးထီၣ်အဃိ အိၣ်ဒၣ်ထဲလၢယွၤသ့ၣ်ဖးလီၤႉ ၦၤဘၣ်ဒိဘၣ်ထံးဒုတအိၣ်ဘၣ်”အဂ့ၢ်န့ၣ် စံး၀ဲန့ၣ်လီၤႉ

ဖဲမ့ၣ်ပိၢ်ပိၢ်ဖးထီၣ်၀ံၤအလီၢ်ခံ ဂီၤခီ ၃ နၣ်ရံၣ်ဘျဲၣ်အဆၢကတီၢ် သုးမီၤစိရိၤ အပၢၤကီၢ်သုးတဖၣ်ဟဲတုၤသမံသမိး၀ဲတၢ်ဒီး တကီၢ်ခါတၢ်လီၢ်လၢမ့ၣ်ပိၢ်ပိၢ်ဖးထီၣ်အခိၣ်အဃၢၤန့ၣ် ပၢၤကီၢ်သုးတဖၣ်ဆီလီၤ၀ဲတၢ်ဘံၣ်တၢ်ဘၢလီၤအဂ့ၢ်န့ၣ် ၦၤအိၣ်လၢ၀့ၢ်ပူၤတဂၤဃီအ၀ဲန့ၣ် စံး၀ဲန့ၣ်လီၤႉ