Home တၢ်ကစီၣ် “မီၤစိရိၤတၢ်ပၢထံကီၢ်ႇ တဂ့ၤလၢကမျၢၢ်ဖိဂီၢ်”

“မီၤစိရိၤတၢ်ပၢထံကီၢ်ႇ တဂ့ၤလၢကမျၢၢ်ဖိဂီၢ်”

507
0
Photo: Internet

“မီၤစိရိၤတၢ်ပၢထံကီၢ်ႇ တဂ့ၤလၢကမျၢၢ်ဖိဂီၢ်”

၁.ကီၢ်ပံၤယီၤသုးမီၤစိရိၤ
ပတၢ်စံၣ်စိၤအိၣ်လီၤစိၤ
မ့ၢ်ၦၤသူၣ်က့ၣ်သးတလိၤ
ဒ် “သၣ်ကိၢ်ကွံ” တၢ်တဲစိၤ
သုးမီၤစိရိၤအဒူၣ်ထၢ
ဆိၣ်ကဲၤထံကီၢ်တၢ်ပၢၢ်ဆၢ

၂.ၦၤကညီအိၣ်ဆိးလီၢ်ကျဲ
သုးမီၤစိရိၤသးလီဝဲ
ဘှဲၣ်စ့စးခိဒါလီၤကျဲ
ဒ်ကန့ၢ်ကညီလီၢ်ကျဲ
“သ့ၣ်ခိၣ်ဆၢၣ်ကျၣ်ကညီဃ့ၢ်”
ကညီဖိဧၢ သ့ၣ်နီၣ်စ့ၢ်

၃.သုးမီၤစိရိၤတၢ်ကူၣ်အၢ
သူၣ်လီၤတၢ်က့ၣ်လၢအဟၢ
မၤသံလီၤတူ၁်ပဒူၣ်ထၢ
“အူနူၣ်” တၢ်တဲတလီၤဘၢ
ပမ့ၢ်ကညီဘၣ်သ့ၣ်ညါ
မ့ၢ်တသ့ၣ်ညါဘၣ်ဒိဆါ

၄.စံးပတု၁် တၢ်ခးဘၣ်ဆၣ်
နံၣ်တဆံတီၢ်ပူၤထံၣ်ဘၣ်
ဆှၢသုးဖိကျိချံပှ၁်သၣ်
ဂု၁်ဟံးဃ၁်သုး “တး” တဖၣ်
ပတု၁်တၢ်ခးတၢ်ကွၢ်စိ
ကမၤသံတူ၁်ကညီဖိ

၅.မီၤစိရိၤစိၤဂဲၤဘျီၣ်ဒိၣ်ကျဲ
ကလု၁်ဒူၣ်ဖိတၢ်ဘၣ်ထွဲ
တၢ်ဒုးစဲးပြဲးအိၣ်ထီၣ်ဝဲ
ထံရူၢ်ကီၢ်သဲးလိ၁်ကွဲဝဲ
သုးမီၤစိရိၤကျဲသနူ
မ့ၢ် “မီၤအိၣ်ယၢၤ”ကျဲသနူ

၆.ထံကီၢ်ဖိဖံးအီၣ်မၤအီ
တအဲၣ်တၢ်ယ၁်ချးချံၣ်ခးဘီ
အိၣ်မူတီလိၤတလံၣ်လီ
အိၣ်မူဖံးမၤကျဲမ့ၢ်တီ
ထံကီၢ်ပူၤတၢ်ဒုးကဲထီၣ်
လီၢ်ကဝီၤကမျၢၢ်ဘၣ်ဖှီၣ်

၇.ထံလီၢ်ကီၢ်ပူၤတၢ်အိၣ်သး
သုးခံဒူၣ်တုၤဒုးလိ၁်သး
တၢ်ဂ့ၢ်ကီအိၣ်ထီၣ်အါမး
ၦၤကမျၢၢ်ဘၣ်ဖှီၣ်ဘၣ်နး
ၦၤကမျၢၢ်ဒူသဝီဖိ
လိၣ်ဘၣ်ဂ့ၢ်ဝီၢ်အူအဆိ

၈.တနံၤအံၤပထံၣ်ဘၣ်လံ
ထံကီၢ်ကမျၢၢ်ၦဲၤမဲ၁်ထံ
တၢ်ဒုးတၢ်ယ၁်အမဲ၁်ထံ
ပျုၤပူၤအကျဲမ့ၢ်တၢ်သံ
မီၤစိရိၤတၢ်ပၢထံကီၢ်
တဂ့ၤလၢကမျၢၢ်ဖိဂီၢ်.

လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၂၇.၁၂.၂၁