“လ့က့ၣ်ကီၤ”

“လ့က့ၣ်ကီၤ”

၁.ကညီဒီကလု၁်ကရၢ
သူၣ်ထီၣ်ဝ့ၢ်သီကပၢဆှၢ
တၢ်လီၢ်မံၤကိး “လ့က့ၣ်ကီၤ”
မ့ၢ် “ဒူပျ၁်ယ၁်” ဟီၣ်ကဝီၤ

၂.တၢ်သူၣ်ထီၣ်အတၢ်ဆီၣ်ထွဲ
ဖုၣ်ခီၣ် N.P.O ကိးဝဲ (Nippon Foundation ,Japan)
မ့ၢ် O.D.A ဟ့ၣ်တၢ်ပျဲ (United Nations, Official Development Assistance)
ခံဝးတၢလွံၢ် သူၣ်ထီၣ်ဝဲ (Building Foundation started- 2014)

၃.လ့က့ၣ်ကီၤအဂ့ၢ်ဟဲဝဲ
တၢ်ပတု၁်တၢ်ခးတၢ်ပျဲ (Nationwide Ceasefire Agreement -2012)
K.N.U အၢၣ်လီၤတူၢ်လိ၁်
“သ့ၣ်စ့ၣ်” USDP တၢ်တိ၁်

၄.တၢ်ဆီၣ်ထွဲအဂၤတဖၣ်
UN ဒီး TBC ပၣ်
ကမျၢၢ်တၢ်လိၣ်အိၣ်ဒံးအါ
“သူလ့ၤခီပနံၣ်သ့ၣ်ညါ (ကညီဖိခီပနံၣ်လၢကီၢ်ပံၤယီၤပူၤ)

၅.ၦၤဟဲက့ၤအိၣ်ဆိးတဖၣ်
တမ့ၢ်ထဲကညီဖိဘၣ်
လီၢ်အိၣ်တမှံၤႇ ဒဲကဝီၤ (IDP)
ကီၢ်ပူၤႇ ကီၢ်ဆၢဟဲအါတီၤ

၆.တၢ်ကီတၢ်ခဲဘၣ်သဂၢၢ်
ထံတဂ့ၤႇ နိတအိၣ်သၢၣ်
တၢ်ကူၣ်လဲၤဖံးမၤအဂီၢ်
မ့ၢ်ဟံၣ်ဃီတၢ်လိၣ်နီၢ်နီၢ်

၇.မီၤစိရိၤဟံးပၢထံကီၢ် (၁.၂.၂ဝ၂၁)
C.D.M ဟူးဂဲၤပူထီၣ် (Civil Disobedience Movement)
P.D.F ကရၢဟူးဂဲၤ (People’s Defence Force)
ၦၤထူလံၤ ကီၢ်စဲၣ်ပူၤလဲၤ (Ethnic’s States)

၈.စ.က. စသုးမီၤစိရိၤ
ထီဘိမ့ၢ်ၦၤသးတလိၤ
မၤသံႇ ခးသံကမျၢၢ်ဖိ
ထံဖိကီၢ်ဖိဘၣ်လီၤဒိ

၉.လီၤဆီဒၣ်တၢ်ကညီဖိ
အါနံၣ်အါလါဘၣ်ခီဖျိ
ပိ၁်မုၣ်ပိ၁်မၢၤဒီးဖိသၣ်
လုၢ်ၦ့ၤတအိၣ်ဘၣ်သံၦၢ်

၁ဝ.ကၠီၣ်တဲၣ်ပဒိၣ်သးကညီၤ
တူၢ်လိ၁်ကွၢ်ထွဲကယ၁်အီၤ
ဒီပုၢ်ဝဲကမျၢၢ်သးဘိ
ပဘၣ်တၢ်ဆီၣ်တံၢ်ထီဘိ

၁၁.ဒီပုၢ်ဝဲၢ်ကညီတဖၣ်
ယသးကညီၤသုဘၣ်ဆၣ်
ယမၤစၢၤသုတသ့ဘၣ်
ထဲတမံၤဘါထုကဖၣ်

၁၂.ဒီပုၢ်ဝဲၢ်ယသိၣ်ဒူစိ (KNU, KNDO, KPF, DKBA, KNLA)
ထံကီၢ်ဂီၢ် နအဲၣ်ထီဘိ
ကမျၢၢ်ဖိထံၣ်သ့ၣ်ညါက့ၤ
နဘျုးနဖှိၣ်တၢ်မၤဂ့ၤ.

လၢတၢ်အဲၣ်ကကွဲၢ်ကဘီ
စီၤကီၢ်ဖျါစ့ (တီနီၢ်ဖိ)
၃ဝ.၁၂.၂၁