Home တၢ်ကစီၣ် ခီဖျိပယီၤသုးခးလီၤကျိဖးဒိၣ်လၢကမဲၢ်ကိသ၀ီတကပၤအဃိ လီၢ်က၀ီၤဖိတဖၣ်ဘၣ်ဟးစံၣ်ပလဲာ်သး

ခီဖျိပယီၤသုးခးလီၤကျိဖးဒိၣ်လၢကမဲၢ်ကိသ၀ီတကပၤအဃိ လီၢ်က၀ီၤဖိတဖၣ်ဘၣ်ဟးစံၣ်ပလဲာ်သး

579
0
Photo_ စစ်ကောင်စီတပ် ပစ်ခတ်ခဲ့သော လက်နက်ကြီးကျည် ( ပုံဟောင်း)

လါဖ့ၤဘြူၤအါရံၤ ၂၁ သီႇ ၂၀၂၂ နံၣ်ႇ ခ့ၣ်အဲးစံၣ်

ဖဲမဟါလါဖ့ၤဘြူၤအါရံၤ ၂၀ သီ ဟါခီအဆၢကတီၢ် ခီဖျိပယီၤသုးခးလီၤကျိဖးဒိၣ်ဆူကီးတရံး၀့ၢ်ကလံၤထံး ကမဲၢ်ကိသ၀ီတကပၤအဃိ လီၢ်က၀ီၤသ၀ီဖိတဖၣ်ဘၣ်ဟးစံၣ်ပလဲာ်သးလၢမုၢ်နၤခီဒီး ခီဖျိကျိဖးဒိၣ်လီၤတဲာ်ပိၢ်ဖးထီၣ်အဃိဟံၣ်ဃီဟးဂူာ်ဟးဂီၤကွံာ်၀ဲတနီၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ

ဖဲအပူၤကွံာ်လါဖ့ၤဘြူၤအါရံၤ ၁၇ သီအနံၤ တၢ်ခးလိာ်သးကဲထီၣ်၀ဲဒၣ်လၢကညီဒီကလုုာ်တၢ်ထူၣ်ဖျဲးသုးမုၢ်ဒိၣ်-KNLA(သုးက့ ၆)ဒီးပယီၤသုးတဖၣ်အဘၢၣ်စၢၤ၀ံၤအလီၢ်ခံ ဖဲမဟါလါဖ့ၤဘြူၤအါရံၤ ၂၀ သီ ဟါခီအဆၢကတီၢ် ခီဖျိပယီၤသုးခးလီၤကျိဖးဒိၣ်တစှၤန့ၢ်အထံၣ်(၂၀)ဆူကမဲၢ်ကိသ၀ီတကပၤလၢတၢ်ဂ့ၢ်တအိၣ်နီတမံၤဘၣ်အဃိ လီၢ်က၀ီၤဖိတဖၣ်ဘၣ်ဟးစံၣ်ပလဲာ်သးလၢမုၢ်နၤခီဒီး ခီဖျိကျိဖးဒိၣ်အချံလီၤတဲာ်ပိၢ်ဖးထီၣ်အဃိ ဟံၣ်ဃီဟးဂူာ်ဟးဂီၤ၀ဲတနီၤအဂ့ၢ်န့ၣ် လီၢ်က၀ီၤသ၀ီဖိတဖၣ်စံး၀ဲန့ၣ်လီၤႉ

“ဖဲမဟါ ၈ နၣ်ရံၣ်ဃၣ်ဃၣ်န့ၣ်ခးလီၤ၀ဲကျိဖးဒိၣ်လၢကီးတရံး၀့ၢ်တကပၤလီၤႉ လၢသ၀ီပူၤန့ၣ်တၢ်ဒုးတကဲထီၣ်ဘၣ် ခီဖျိပယီၤသုးအိၣ်ဒံး၀ဲဖဲသ၀ီဃၢၤဒံးအဃိ လဲၤစံၣ်လၢသ၀ီချၢတဘူၣ်ဘၣ်ႉ ဘၣ်ဟးစံၣ်မံလၢသ၀ီပူၤလီၤႉ တဂီၤညါအံၤသ၀ီဖိအဟံၣ်အဃီဟးဂီၤ၀ဲအိၣ်တနီၤလီၤ”အဂ့ၢ်န့ၣ် ကမဲၤကိသ၀ီဖိတဂၤစံးဘၣ်ခ့ၣ်အဲးစံၣ်န့ၣ်လီၤႉ

လၢန့ၣ်အမဲာ်ညါဒ်တကီၢ်ခါတၢ်သးခဲအံၤအသိးန့ၣ်လီၢ်က၀ီၤသ၀ီဖိတဖၣ်ဘၣ်ဟးစံၣ်မံ၀ဲလၢမုၢ်နၤခီဒီး မ့မ့ၢ်မုၢ်ဆါခီန့ၣ်ဘၣ်လဲၤဖံးလဲၤမၤ၀ဲလၢတၢ်အိၣ်သးအဖီခိၣ်လီၤအဂ့ၢ်န့ၣ် ကမဲးကိသ၀ီဖိတဂၤဃီ၀ဲန့ၣ်စံးအါထီၣ်၀ဲန့ၣ်လီၤႉ

တၢ်ဒုးကဲထီၣ်လၢကီးတရံးကလံၤထံးလီၢ်က၀ီၤပူၤအခါ ခီဖျိပယီၤသုးခးလီၤကျိဖးဒိၣ်ဒီးဟဲခးလီၤတၢ်ဒီးကဘီယူၤအဃိ လီၢ်က၀ီၤသ၀ီဖိတဖၣ်ဘၣ်ဒိဘၣ်ထံးသံတစှၤန့ၢ်ဒံး(၅)ဂၤဘၣ်ဒီးလီၢ်က၀ီၤဖိ(၂၀၀၀)ဘျဲၣ်တက့ၤဘၣ်ဒံးလၢအဟံၣ်အဃီဘၣ်ဟးစံၣ်ပလဲာ်သးအဖၢမုၢ်ဒံးအဂ့ၢ်န့ၣ် ၦၤလၢအမၤစၢၤၦၤဃ့ၢ်မှံဟးဖျိးတဖၣ်စံး၀ဲန့ၣ်လီၤႉ