Home တၢ်ကစီၣ် ပယီၤသုးဟဲက့ၤထီၣ်တုၤလၢမီခံသုးကလၢၤလံ

ပယီၤသုးဟဲက့ၤထီၣ်တုၤလၢမီခံသုးကလၢၤလံ

426
0
Photo-မောခီးစခန်းကို KNLA/KNDO တပ်ဖွဲ့များ တက်ရောက်သိမ်းပိုက်ရှင်းလင်းခဲ့စဉ် (Photo-KNDO)

လါအ့ဖြ့ၣ် ၆ သီႇ ၂၀၂၂ နံၣ်ႇ ခ့ၣ်အဲးစံၣ်

ဖဲအပူၤကွံာ်လါမးရှးန့ၣ် မီခံပယီၤသုးကလၢၤလၢကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)လဲၤထီၣ်မၤန့ၢ်ကွံာ် ၀ဲအံၤ ဖဲတနံၤအံၤလါအ့ဖြ့ၣ် ၆ သီ မုၢ်ထူၣ်အဆၢကတီၢ် ပယီၤသုးဟဲက့ၤထီၣ်တုၤကဒါလၢသုးကလၢၤအလီၢ်လံအဂ့ၢ်န့ၣ် ခ့ၣ်အဲၣ်ယူၣ်တကပၤစံး၀ဲန့ၣ်လီၤႉ

ဒ်သိးပယီၤသုးကက့ၤဆ့ၣ်နီၤအိၣ်ကဒါလၢမီခံသုးကလၢၤအံၤအဂီၢ်န့ၣ် စးထီၣ်လၢလါအ့ဖြ့ၣ် ၅ သီအနံၤန့ၣ် သုးကျိၤဂံၢ်ဘါအါအါဂီၢ်ဂီၢ်ဟဲထီၣ်၀ဲဒၣ်လၢဂီၤလ့ၤမီခံသုးကလၢၤတကပၤဒီး ခီဖျိလၢ(KNLA)သုးပာ်ဖှိၣ်အိၣ်ခိးခးအ၀ဲသ့ၣ်လၢတၢ်ဒ့ၣ်စၢၤကျဲဒီတဘိအဃိ ပယီၤသုးသံဘၣ်ဒိဘၣ်ထံး၀ဲအါအါဂီၢ်ဂီၢ်အဂ့ၢ်န့ၣ် ခ့ၣ်အဲၣ်ယူၣ်ကီးတရံးကီၢ််ဆၣ်နဲၣ်ရွဲၣ် ပဒိၣ်စီၤအဲၣ်ကီၢ်သီ စံး၀ဲန့ၣ်လီၤႉ

အ၀ဲစံး၀ဲလၢ“အ၀ဲသ့ၣ်ဟဲတုၤ၀ဲဒၣ်လၢသုးကလၢၤအံၤဖဲမုၢ်ထူၣ်အခါလီၤႉ ခဲအံၤအ၀ဲသ့ၣ်မ့ထီၣ်တုၤလၢတၢ်ဒီခိၣ်ဒုအိၣ်ဒၣ်ကဟးခးစိလီၤတၢ်ဒီးကျိဖးဒိၣ်ဒ်န့ၣ်လီၤႉ အ၀ဲသ့ၣ်ခဲလၢာ်သံဘၣ်ဒိဘၣ်ထံးကအိၣ်လၢအဂၤ(၂၀)ညါႉဘၣ်မနုၤအဃိလဲၣ်န့ၣ်ဖဲမုၢ်နၤန့ၣ်က့ၤလီၤဆှၢၦၤဆါသိလ့ၣ်ခံခိၣ်လၢဂီၤလ့ၤတကပၤလီၤႉသိလ့ၣ်တခိၣ်န့ၣ်အိၣ်ၦဲၤဂၤခီလဲၣ်န့ၣ်ပတသ့ၣ်ညါလီၤတံၢ်ဘၣ်ႉၦၤက့ၤဆှၢဖဲမုၢ်ဟါခါအကျါန့ၣ်ပၣ်ဃုာ်၀ဲသုးကျိၤခိၣ်ႇသုးဒ့ခိၣ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်န့ၣ်လီၤႉ

လၢပယီၤသုးကက့ၤဆ့ၣ်နီၤအိၣ်ကဒါလၢမီခံသုးကလၢၤအဂီၢ် ပယီၤသုးကျိၤလၢအဟဲနုာ်လီၤတဖၣ်အံၤ ခီဖျိဟီၣ်က၀ီၤ(KNLA)ႇ(KNDO)သုးပာ်ဖှိၣ်အိၣ်ခိးခးအ၀ဲသ့ၣ်တၢ်ဘၢၣ်စၢၤအဃိ ပယီၤသုးတကပၤသံဘၣ်ဒိဘၣ်ထံးအဂၤ(၂၀)ဘျဲၣ်အသိး (KNLA)ႇ(KNDO)သုးပာ်ဖှိၣ်တကပၤစ့ၢ်ကီးဘၣ်ဟ့ၣ်လီၤကွံာ်အသးသမူဘၣ်ဒိဘၣ်ထံးအိၣ်၀ဲတနီၤအဂ့ၢ်န့ၣ် (KNDO)တကပၤစံး၀ဲန့ၣ်လီၤႉ

မီခံပယီၤသုးကလၢၤအံၤဖဲအပူၤကွံာ်လါမးရှး ၂၁ သီအနံၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNDO)သုးက့ ၆ ဒီး ကညီဒီကလုာ်ဂၢၤသးကရၢ(KNDO)သုးပာ်ဖှိၣ်တဖၣ်လဲၤထီၣ်မၤန့ၢ်ရှဲလဲကွံာ်၀ဲဒီး မၤန့ၢ်၀ဲပယီၤသုးအကျိချံၦာ်သၣ်အါအါဂီၢ်ဂီၢ်ဒံးန့ၣ်လီၤႉ

“စးထီၣ်လၢၦၤလဲၤထီၣ်မၤရှဲကွံာ်သုးကလၢၤအံၤန့ၣ်မတၤတဂၤမးတအိၣ်ဘၣ်ႉ အသုးကလၢၤန့ၣ်ၦၤမၤပျီဃာ်ၦၤဒိးလီၤဃာ်ဒီးမ့ၣ်ပိၢ်စ့ၢ်မီၤနီၤႉအဃိန့ၣ်အဆိမိၣ်မ့ၢ်အ၀ဲသ့ၣ်အိၣ်မုာ်ဧါတမုာ်ဧါန့ၣ်ခဲမုၢ်ဟါမးပကသ့ၣ်ညါဘၣ်တၢ်အိၣ်သးတစဲးလီၤ”အဂ့ၢ်န့ၣ် ကီးတရံးကီၢ်ဆၣ် နဲၣ်ရွဲၣ် ပဒိၣ်စီၤအဲၣ်ကီၢ်သီစံးအါထီၣ်၀ဲန့ၣ်လီၤႉ

ကတီၢ်ခဲအံၤခီဖျိတၢ်ဒုးကဲထီၣ်လၢမၠၣ်၀တံၣ်ကလံၤထံးတီနီၢ်မုၢ်ထီၣ်တကပၤအဃိ သ၀ီကရူၢ်(၇)ကရူၢ်လီၢ်က၀ီၤကမျၢၢ်လၢအဘၣ်ဃ့ၢ်မှံဟးဖျိးအိၣ်၀ဲ(၁၁ႇ၄၃၄)ဂၤအဂ့ၢ်န့ၣ် ကရူၢ်လၢအမၤစၢၤတီနီၢ်မုၢ်ထီၣ်ၦၤဃ့ၢ်မှံဟးဖျိးတၢ်မၤနီၣ်စရီအပူၤပာ်ဖျါ၀ဲန့ၣ်လီၤႉ