Home တၢ်ကစီၣ် တၢ်နု၁်လီၤခး(ကီၣ်ဘ့)ပၢၤကီၢ်တၢ်လီၢ်၀ံၤအလီၢ်ခံပယီၤသုးဖီၣ်န့ၢ်(NLD)ပၣ်တံၣ်ဖိဒီး(CDM)တနီၤ

တၢ်နု၁်လီၤခး(ကီၣ်ဘ့)ပၢၤကီၢ်တၢ်လီၢ်၀ံၤအလီၢ်ခံပယီၤသုးဖီၣ်န့ၢ်(NLD)ပၣ်တံၣ်ဖိဒီး(CDM)တနီၤ

258
0
Photo: CJ

လါယနူၤအါရံၤ ၂၄ သီႇ ၂၀၂၃ နံၣ်ႇ ခ့ၣ်အဲးစံၣ်

လၢကီးတရံးကီၢ်ဆၣ်အပူၤ တၢ်နုာ်လီၤခးဒွဲၣ်အူအီၣ်(ကီၣ်ဘ့)ပၢၤကီၢ်တၢ်လီၢ်ကဲထီၣ်သး၀ံၤအလီၢ်ခံ ပယီၤသုးဖီၣ်န့ၢ်၀ဲဒီကလုာ်ဒံၣ်မိၣ်ခြ့ၣ်စံၣ်(NLD)ပၣ်တံၣ်ဖိတနီၤဒီး(CDM)တနီၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ

ဖဲအပူၤကွံာ်လါယနူၤအါရံၤ ၁၆ သီ မုၢ်ထူၣ် ၁၂ နၣ်ရံၣ်ဘျဲၣ်အဆၢကတီၢ် တၢ်နုာ်လီၤဒွဲၣ်အူအီၣ် တၢ်တၤကျိၣ်တၤစ့လီၢ်ဒီးပၢၤကီၢ်တၢ်လီၢ်အခါန့ၣ် ကီၣ်ဘ့သ၀ီဖိသံဘၣ်ဒိဘၣ်ထံးအိၣ်၀ဲဒီး ဖဲန့ၣ်၀ံၤအလီၢ်ခံ ပယီၤသုးဖီၣ်န့ၢ်၀ဲ(NLD)ပၣ်တံၣ်ဖိတနီၤဒီး(CDM)တနီၤလၢသ၀ီပူၤအဖီခိၣ် ဘၣ်ယိၣ်လၢပယီၤသုးကဆဲးဖီၣ်တၢ်အဃိ လီၢ်က၀ီၤကမျၢၢ်ဟးစံၣ်ပလဲာ်သးအိၣ်၀ဲတနီၤအဂ့ၢ်န့ၣ် လီၢ်က၀ီၤကမျၢၢ်စံး၀ဲန့ၣ်လီၤႉ

အ၀ဲစံး၀ဲလၢ“တၢ်ဒုးကဲထီၣ်၀ံၤနီၢ်တနံၤန့ၣ်ပယီၤသုးနုာ်လီၤဟံးန့ၢ်လီၢ်လၢသ၀ီပူၤဖဲကီၣ်ဘ့တၢ်ဆါဟံၣ်ႇ ကီၣ်ဘ့ပၢၤကီၢ်၀ဲၤလီၢ်အံၤ၀ံၤပယီၤသုးအိၣ်ခိးသမံသမိးတၢ်လၢသ၀ီကျဲနုာ်လီၤဟးထီၣ်န့ၣ်မီၤနီၤႉမ့၀ံၤဖဲ (၁၇ႇ၁၈ႇ၁၉)သီအခါန့ၣ် ပယီၤသုးဖီၣ်န့ၢ်(NLD)ပၣ်တံၣ်ကရၢဖိအိၣ်(၄)ဂၤညါႉ မ့၀ံၤဖီၣ်န့ၢ်ကဒီး၀ဲ(CDM) ၁ ဂၤႉ လီလီစဲၤၦၤဖီၣ်ချုးန့ၢ်(၅)ဂၤမီၤနီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

ၦၤလၢပယီၤသုးဖီၣ်န့ၢ်၀ဲသ့ၣ်တဖၣ်ခဲအံၤအဟံၣ်ဖိဃီဖိဆဲးကျိး၀ဲတန့ၢ်ဘၣ်ဒီးဘၣ်ယိၣ်လၢပယီၤသုးကဆဲးဖီၣ်တၢ်အဃိၦၤလၢအနုာ်လီၤမၤစၢၤတ့ၢ်တၢ်ဖဲ(၂၀၂၀)တၢ်ဃုထၢအခါန့ၣ်တဖၣ်စ့ၢ်ကီးအ၀ဲသ့ၣ်ဟးစံၣ်ပလဲာ်သးလၢာ်လံအဂ့ၢ်န့ၣ် လီၢ်က၀ီၤကမျၢၢ်တဂၤဃီ၀ဲန့ၣ်စံးအါထီၣ်၀ဲန့ၣ်လီၤႉ

Photo: CJ

လၢကီးတရံး(ကြုၢ်တု)ဟီၣ်က၀ီၤအပူၤခီဖျိတၢ်ဒုးကဲထီၣ်ဒိၣ်ဒိၣ်မုၢ်မုၢ်လၢပယီၤသုးဒီးတၢ်ပၢၢ်ဆၢသုးပာ်ဖှိၣ်အဘၢၣ်စၢၤအဃိကညီကလုာ်ဒူၣ်ဒူသ၀ီတကးဒံးဘၣ်အမဲာ်ညါပအိၣ်ကလုာ်ဒူၣ်သ၀ီလၢအမ့ၢ်(အံၤဘဲ)ႇထံဖူကျီၤဒီးတလၢၤကလုာ်ဒူၣ်သ၀ီလၢအမ့ၢ်(ကီၣ်ဘ့)ႇကီးပီၣ်မ့သ၀ီႇကမၣ်ယဲၣ်လီၢ်က၀ီၤတကပၤန့ၣ်စ့ၢ်ကီး ပယီၤသုးဟးလူၤသမံသမိးဖီၣ်၀ဲၦၤမၤ(CDM)တဖၣ်တပယူာ်ဃီအဂ့ၢ်န့ၣ်လီၢ်က၀ီၤကမျၢၢ်စံး၀ဲန့ၣ်လီၤ

လီၢ်က၀ီၤဂံၢ်ခီၣ်ထံးကရၢဖိတဂၤစံး၀ဲ“တၢ်ဒုးမ့ကဲထီၣ်လံန့ၣ်ပယီၤသုးစးထီၣ်ဟးဖီၣ်၀ဲၦၤလၢအဘၣ်ထွဲဒီး(NLD)ပၣ်တံၣ်တဖၣ်လီၤႉၦၤလၢအမၤစၢၤတ့ၢ်ဃာ်(၂၀၂၀)တၢ်ဃုထၢလၢညါတဖၣ်န့ၣ်နါက့ပယီၤသုးဟးလူၤသံကွၢ်၀ဲအမံၤအသၣ်ႇဟးလူၤသံကွၢ်၀ဲလၢကျးပူၤႇလၢၦၤမၤမုၢ်ကျိၤ၀ဲၤကွာ်ဖိအအိၣ်ဒ်န့ၣ်မီၤနီၤႉ ခီဖျိၦၤဟ့ၣ်သုးမိၤစိရိၤတၢ်ကစီၣ်ဖိဒီးပယီၤသုးတဖၣ်ပာ်ဖှိၣ်ထီၣ်သးဟးဖီၣ်တၢ်အဃိၦၤမၤ(CSO)လၢဒူသ၀ီအဂီၢ်တဖၣ်နါက့ဘၣ်ဟးပလဲာ်သးစ့ၢ်လီၤ”အဂ့ၢ်န့ၣ် စံး၀ဲန့ၣ်လီၤႉ

ဖဲစှၤသီအတီၢ်ပူၤအံၤခီဖျိပယီၤသုး(၅၄၅/၅၄၆)လၢအိၣ်ဆီလီၤသးဖဲ(ကြုၢ်တု)တဖၣ်အံၤခးလီၤကျိဖးဒိၣ်ဆူ(ကြုၢ်တု)မုၢ်နုာ်တလၢၤဒူသ၀ီတဖၣ်အပူၤအဃိလီၢ်က၀ီၤကမျၢၢ်သံဘၣ်ဒိဘၣ်ထံးအိၣ်၀ဲဒီးဟံၣ်ဃီဟးဂီၤအိၣ်စ့ၢ်ကီး၀ဲအဂ့ၢ်န့ၣ် ကီၣ်လ့‚ကီၣ်ပီၣ်‚မ့ယွၤလီၢ်က၀ီၤကမျၢၢ်စံး၀ဲအသိးသ့ၣ်ညါဘၣ်န့ၣ်လီၤႉ