Home Hotnews တၢ်ခးသံ နိၣ်က့ၣ်ကရူၢ် (ခ့ၣ်အဲၣ်ယူၣ်)သ၀ီသီသ၀ီ ဘံၣ်ဘၢခိၣ် စီၤဖါပယီၤ

တၢ်ခးသံ နိၣ်က့ၣ်ကရူၢ် (ခ့ၣ်အဲၣ်ယူၣ်)သ၀ီသီသ၀ီ ဘံၣ်ဘၢခိၣ် စီၤဖါပယီၤ

269
0

လါယူၤ ၂၃ သီႇ ၂၀၂၃ နံၣ်ႇ ခ့ၣ်အဲးစံၣ်

လၢကီးတရံးကလံၤစိး နိၣ်က့ၣ်သ၀ီကရူၢ်အပူၤ ဖဲမဟါလါယူၤ ၂၂ သီ ဟါခီအဆၢကတီၢ် ဖီၣ်စုက၀ဲၤလၢတၢ်သ့ၣ်ညါအီၤတဒူၣ် ဟဲခးသံ၀ဲ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ သ၀ီသီသ၀ီဘံၣ်ဘၢခိၣ် စီၤဖါပယီၤ အဂ့ၢ်န့ၣ် သ့ၣ်ညါဘၣ်န့ၣ်လီၤႉ

သ၀ီသီသ၀ီဘံၣ်ဘၢခိၣ် စီၤဖါပယီၤအံၤ ခ့ၣ်အဲၣ်ယူၣ်(သုးက့ ၇)စုတီၤဖီလာ် (၁၀၁)သုးရ့ၣ် တီၣ်ထီၣ်အီၤလၢ သ၀ီဘံၣ်ဘၢခိၣ်ဒီးဖဲမဟါဟါခီ ၈ နၣ်ရံၣ်ဃၣ်ဃၣ်အဆၢကတီၢ်န့ၣ် တၢ်ဟဲခးသံအီၤကဲထီၣ်၀ံၤလီၢ်ခံ ကညီဒီကလုာ်ပၢၤကီၢ်သုး(KNPF)ၦၤဘၣ်မူဘၣ်ဒါဟဲကသံသမိး၀ဲတၢ်အဂ့ၢ်န့ၣ် သ၀ီဖိတဖၣ် စံး၀ဲန့ၣ်လီၤႉ

အ၀ဲစံး၀ဲလၢ“ကဘၣ်ဖဲဟါခီ ၈ နၣ်ရံၣ်န့ၣ် ၦၤဟဲခးအီၤန့ၣ်(၄)ဂၤ ဟဲခးအီၤ(၄)ထံၣ်ႉၦၤလဲၤထီၣ်ခးအီၤလၢအဟံၣ်ပူၤလီၤႉ အကဲ၀ဲဒၣ်(သ၀ီသီ)သ၀ီ ဘံၣ်ဘၢခိၣ် စီၤဖါပယီၤမီၤနီၤႉ ခဲအံၤ(KNPF)ကညီပၢၤကီၢ်ဟဲသမံသမိးတၢ်ႉ ဖဲသ၀ီပူၤအံၤ(BGF)ႇ(PDF)ႇ(DKBA)ဒီး(KNU)ဖီၣ်စုက၀ဲၤကရူၢ်အိၣ်ခဲလၢာ်လီၤအဃိမ့ၢ်ဖဲလဲၣ်တဒူၣ်ခးသံ၀ဲလဲၣ်ဒုပတဲတဘၣ်ဘၣ်ႉၦၤသမံသမိးအဖၢမုၢ်လီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

သ၀ီသီသ၀ီလၢတၢ်ကဲထီၣ်သးအံၤအိၣ်၀ဲလၢခ့ၣ်အဲၣ်ယူၣ်(သုးက့ ၇) ၁၀၁ သုးရ့ၣ်ဟီၣ်က၀ီၤပူၤဘၣ်ဆၣ် လီၢ်က၀ီၤဖဲန့ၣ်အပူၤဖီၣ်စုက၀ဲၤကရူၢ်ကရၢတဖၣ်ဟးထီၣ်က့ၤ၀ဲတကးဒံးဘၣ်အမဲာ်ညါဒူသ၀ီလၢအဂၤလၢအဃ့ၢ်တၢ်ဒုး တဖၣ်စ့ၢ်ကီးဟဲစံၣ်အိၣ်ဖဲသ၀ီပူၤအံၤအိၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤႉ

တၢ်လဲၤခးသံ(သ၀ီသီ)သ၀ီဘံၣ်ဘၢခိၣ်၀ံၤလီၢ်ခံတၢ်က့ၤစိာ်ဃုာ်စ့ၢ်ကီး၀ဲစီၤဖါပယီၤအ(အ့ၣ်ခ့ၣ်–၄၇)ကျိဒီး စုကွံာ်မ့ၣ်ပိၢ်(၂)ဖျၢၣ်ႇသိလ့ၣ်ယီၢ်(ဆဲးကဲး)ခံခိၣ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ

လၢနိၣ်က့ၣ်ႇနိၣ်ဖးလဲၢ်ႇယီၣ်ကိာ်သ၀ီလီၢ်က၀ီၤ နိၣ်ဖးလဲၢ်ႇနိၣ်က့ၣ်သ၀ီကျဲဖးဒ့န့ၣ် ဖဲအပူၤကွံာ်(၂၀၂၂) လါအီးကထိဘၢၣ် ၂၇ သီ အခါစ့ၢ်ကီး တၢ်လဲၤဒွဲၣ်အူအီၣ်၀ဲကညီတၢ်မုာ်တၢ်ခုၣ်ကီၣ်ကး(KNU/KNLA-PC) နီၣ်ဂံၢ်(၇၇၇)သုးရ့ၣ်ခိၣ် စီၤ၀့ကၠီၤ အဟံၣ်ဒီးတၢ်သမံသမိးတြဲၤလီၢ်ကဲထီၣ်တ့ၢ်အသးဒံးန့ၣ်လီၤႉ