သၢသီအတီၢ်ပူၤ တၢ်နု၁်လီၤခးပယီၤသုးကလၢၤ(၃)ဖျၢၣ် ပယီၤသုးသံ(၅)ဂၤႇဘၣ်ဒိတဂၤအဂ့ၢ် KNU ထုးထီၣ်ပာ်ဖျါ

လါယူၤ ၈ သီႇ ၂၀၂၃ နံၣ်ႇ ခ့ၣ်အဲးစံၣ်

လၢခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ(သုးက့ ၅)တၢ်ပၢဟီၣ်က၀ီၤအပူၤ ကညီဒီကလုာ်တၢ်ထူၣ်ဖျဲးသုးမုၢ်ဒိၣ် (KNLA)နုာ်လီၤခး၀ဲပယီၤသုးကလၢၤ(၃)ဖျၢၣ်ဒီးဖဲန့ၣ်ပယီၤသုးသံ(၅)ဂၤႇဘၣ်ဒိ၀ဲတဂၤအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်တၢ်ကစီၣ်ထုးထီၣ်ပာ်ဖျါ၀ဲဖဲတနံၤအံၤလါယူၤ ၈ သီအနံၤန့ၣ်လီၤႉ

တလါအံၤလါယူၤထီၣ် ၁ သီတုၤလၢ ၃ သီ လၢသၢသီအတီၢ်ပူၤ ကညီဒီကလု၁်တၢ်ထူၣ်ဖျဲးသုးမုၢ်ဒိၣ်(KNLA) သုးက့(၅) အၦၤနုာ်လီၤခး၀ဲမီဖိကျိသုးကလၢၤႇခီပူးႇဘံၣ်ဆၣ်ခံသုးကလၢၤ(၃)ဖျၢၣ်အံၤအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲန့ၣ်လီၤႉ

တၢ်လဲၤထီၣ်ခးပယီၤသုးကလၢၤဘျီ၀ဲအံၤပယီၤသုးတကပၤသံဘၣ်ဒိဘၣ်ထံးအိၣ်၀ဲဒီးမ့မ့ၢ်လၢကညီဒီကလုာ်တၢ်ထူၣ်ဖျဲးသုးမုၢ်ဒိၣ်(KNLA)တကပၤခီန့ၣ်တၢ်သံတၢ်ဘၣ်ဒိဘၣ်ထံးတအိၣ်၀ဲဘၣ်အဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်တၢ်ကစီၣ် စံး၀ဲန့ၣ်လီၤႉ

လၢခ့ၣ်အဲၣ်ယူၣ်(သုးက့ ၅)ဟီၣ်က၀ီၤအပူၤ တၢ်ဒုးကဲထီၣ်၀ဲလၢ(KNLA)ဒီးပယီၤသုးႇသုးခိးကီၢ်ဆၢ(BGF)အဘၢၣ်စၢၤခဲ အံၤခဲအံၤန့ၣ်လီၤႉ ဒ်န့ၣ်အသိးဖဲအပူၤကွံာ်လါမ့ၤတလါအတီၢ်ပူၤစ့ၢ်ကီး ပယီၤသုးဒီး(KNLA)အဘၢၣ်စၢၤ တၢ်ဒုးကဲထီၣ်၀ဲ အဘျီ(၂၀၀)ဒီးဖဲန့ၣ်ပယီၤသုးတကပၤသံ၀ဲ(၁၂၂)ဂၤဒီးဘၣ်ဒိ၀ဲ(၄၈)ဂၤအဂ့ၢ်န့ၣ် ခ့ၣ်အဲၣ်ယူၣ် မုၢ်တြီၢ်တၢ်ကစီၣ် ထုးထီၣ်ပာ်ဖျါ၀ဲအသိးသ့ၣ်ညါဘၣ်န့ၣ်လီၤႉ