Home တၢ်ကစီၣ် ခီဖျိကျိဖးဒိၣ်အဃိတုၤလၢခဲအံၤတးပီသ၀ီဖိတဖၣ်တကူးဘၣ်နံၣ်သိႇပဲတဖၣ်ဒံးဘၣ်

ခီဖျိကျိဖးဒိၣ်အဃိတုၤလၢခဲအံၤတးပီသ၀ီဖိတဖၣ်တကူးဘၣ်နံၣ်သိႇပဲတဖၣ်ဒံးဘၣ်

205
0
Photo-KNU

လါဖ့ၤဘြူၤအါရံၤ ၃ သီႇ ၂၀၂၄ နံၣ်ႇ ခ့ၣ်အဲးစံၣ်

လၢခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢ ဒူသထူၣ်ကီၢ်ရ့ၣ် ဘံလ့ကီၢ်ဆၣ်အပူၤ ခီဖျိပယီၤသုးခးလီၤကျိဖးဒိၣ်, ကဘီယူၤစ့ၢ်ကီးဟဲခးလီၤတၢ်တလီၢ်လီၢ်အဃိ တကီၢ်ခါခဲအံၤတးပီသ၀ီလၢအစံၣ်ထီၣ်တဖၣ် တကူးဘၣ်အနံၣ်သိ,ပဲ သ့ၣ်တဖၣ်ဒံးဘၣ်အဂ့ၢ်န့ၣ် သ၀ီၦၤဘၣ်မူဘၣ်ဒါတဖၣ်စံး၀ဲအသိးသ့ၣ်ညါဘၣ်န့ၣ်လီၤႉ

ခီဖျိပယီၤသုးခးလီၤကျိဖးဒိၣ်အဃိ ဖဲအပူၤကွံာ်(၂၀၂၃)လါဒံၣ်စ့ဘၢၣ် ၁၃ သီအနံၤန့ၣ် တးပီသ၀ီဖိတဖၣ် ဘၣ်ဃ့ၢ်ထီၣ်၀ဲသ၀ီဒီတဖျၢၣ်ညါဒီးတုၤလၢခဲအံၤခီဖျိပယီၤသုးခးလီၤဒံးကျိဖးဒိၣ်၊ကဘီယူၤစ့ၢ်ကီး ဟဲခးလီၤတၢ်ကအိၣ် လၢကိးမုၢ်နံၤဒဲးဃၣ်ဃၣ်ညါအဃိသ၀ီဖိတဖၣ်တကူးဘၣ်နံၣ်သိ,ပဲသ့ၣ်တဖၣ်ဒံးဘၣ်အဂ့ၢ်န့ၣ် တးပီသ၀ီၦၤဘၣ်မူဘၣ်ဒါ တဂၤ စံး၀ဲဒ်အံၤန့ၣ်လီၤႉ

အ၀ဲစံး၀ဲလၢ“နက့ၤကူးဘူၣ်လၢၤ၀ဲလဲၣ်ကဘီယူၤဟဲခးလီၤတၢ်ဖဲတၢ်ပျီပူၤန့ၣ်ကတၢၢ်တၢၢ်လီၤႉတၢ်ဖိတၢ်လံၤစ့ၢ်ကီးဟးဂီၤဒီဒူၣ်ႉနက့ၤကူးဘူၣ်၀ဲလဲၣ်ႉလၢဘံလ့(အမတ)နါက့ခးလီၤႇလၢကမၤမိၢ်တကပၤနါက့ခးစိတၢ်ကိးမုၢ်နံၤလီၤႉ ဒီးလၢကဘီယူၤ ဟဲခးလီၤပၠးတၢ်ဘျီၦၤသ၀ီဖိနါက့ဘၣ်ဟးအိၣ်လၢတၢ်ကပိၤကပၤလဲလဲလီၤႉမၤ၀ဲတဘူၣ်နီလိၣ်ဘၣ်ႉပဲသ့ၣ်မတၤ၀ါတကဲတကီလၢၤႇနံၣ်သိသ့ၣ်မတၤ၀ါတကဲတကီလၢၤလဲၤထဲးခီဒၢးလဲၤထဲးတဘူၣ်ႉထဲအကစၢ်ဟးအိၣ်ဒီးအီၣ်န့ၣ်မးဘၣ်အီၣ်၀ဲၦၢ်တဃဲးလီၤ”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

လၢန့ၣ်အမဲာ်ညါခီဖျိပယီၤသုးခးလီၤကျိဖးဒိၣ်တလီၢ်လီၢ်အဃိၦၤသ၀ီဖိတဖၣ်အံၤက့ၤကူးပဲက့ၤမၤအီၣ်တၢ်တဘူၣ်နီတဂၤဘၣ်ဒီးတကးဒံးဘၣ်စှၤသီအတီၢ်ပူၤအံၤခီဖျိတၢ်စူၤအဃိပဲသ့ၣ်တဖၣ်ဘၣ်စီၣ်ဟးဂီၤ၀ဲဒၣ်အိၣ်အဂ့ၢ်န့ၣ် သ၀ီဖိလၢအဂၤတဂၤစ့ၢ်ကီး စံး၀ဲဒ်အံၤန့ၣ်လီၤႉ

Photo-KNU

အ၀ဲစံး၀ဲလၢ“ၦၤကူးတဘူၣ်နီတဂၤဘၣ်ၦၤမၤတၢ်တဘူၣ်နီမံၤဘၣ်ႉနမၤပဲခံနာ်သၢနာ်နမ့ကူးန့ၣ်န့ၢ်စ့တဘျုးဘးညါႉ ကူးတချုးဘၣ်ႉၦၤက့ၤကူးတဘူၣ်နီဂၤဘၣ်ၦၤပျံၤတၢ်ၦၤစံၣ်ညါႉယဲဒၣ်န့ၣ်ယမၤအီၣ်တၢ်တကဲလၢၤဘၣ်ပစံၣ်ထီၣ်ဘျီ ပဖိတဖၣ်ဘၣ်စံၣ်ပိာ်ပခံခဲလၢာ်န့ၣ်ႉပဲနါက့မူခိၣ်စူၤဘၣ်စီၣ်ဘၣ်အၢဘၣ်သ့နသူတသ့လၢၤဘၣ်ႉယဖိခွါမၤအီၣ်ပဲလိ တနာ်ခံနာ်စ့ၢ်ႇအီၣ်ဘၣ်လၢၤသ့ဧါက့ၤမးတသ့လၢၤန့ၣ်”အဂ့ၢ်န့ၣ် စံး၀ဲန့ၣ်လီၤႉ

တးပီသ၀ီဖိတဖၣ်အါဒၣ်တက့ၢ်န့ၣ်သူၣ်အီၣ်ဖျးအီၣ်ဖံးအီၣ်မၤအီၣ်၀ဲစံာ်ႇခုးႇပဲႇနံၣ်သိႇရီဘၢၣ်ဒီးသ၀ီအံၤ ဟံၣ်ခိၣ်အိၣ်၀ဲ(၃၄၀)ဖျၢၣ်ဒီးၦၤကညီနီၣ်ဂံၢ်န့ၣ်အိၣ်ခဲလၢာ်(၁၉၈၄)ဂၤန့ၣ် သ့ၣ်ညါဘၣ်န့ၣ်လီၤႉ
တးပီသ၀ီဖိသ့ၣ်တဖၣ်အံၤခီဖျိအ၀ဲသ့ၣ်ဃ့ၢ်ထီၣ်ကအိၣ်လၢတလါဘျဲၣ်လံအဃိ တကီၢ်ခါခဲအံၤ အ၀ဲသ့ၣ်ထံၣ်ဘၣ်တၢ်ကီတၢ်ခဲလၢအီၣ်အီအိၣ်ဆိးတကပၤဒီး စးထီၣ်လၢအ၀ဲသ့ၣ်စံၣ်ထီၣ်တုၤလၢခဲအံၤန့ၣ် ၦၤလဲၤမၤစၢၤအ၀ဲသ့ၣ်ဟုသးအိၣ်ထဲတဘျီဧိၤဒံးလီၤအဂ့ၢ်န့ၣ် သ၀ီဖိတဖၣ်စံး၀ဲန့ၣ်လီၤႉ

ဒ်န့ၣ်အသိးဖဲအပူၤကွံာ်လါဖ့ၤဘြူၤအါရံၤ ၁ သီ ဟါခီအဆၢကတီၢ်စ့ၢ်ကီး သုးကီၣ်ကးအကဘီယူၤဟဲတ့ၢ်လီၤ တၢ်ဘိၣ်လၢတးပီပယီၤသုးကလၢၤပူၤဒီးဖဲအဟဲတ့ၢ်လီၤတၢ်ဘိၣ်အခါခးလီၤဃုာ်စ့ၢ်ကီး၀ဲကျိဖိအါအါဂီၢ်ဂီၢ်အဂ့ၢ်န့ၣ် သ့ၣ်ညါဘၣ်န့ၣ်လီၤႉ