Home တၢ်ကစီၣ် ဖၣ်အၣ်ကီၢ်ရ့ၣ်ဒီးကညီဖီၣ်စုက၀ဲၤကရူၢ်ပာ်ဖှိၣ်မၤလၤကပီၤ၀ဲ(KNU)ကရၢခိၣ်လီၢ်လံၤသုးခိၣ်ကျၢၢ်စိစီၤမူၤတူစ့ဖိဒီးတၢ်ဒီသဒၢ၀ဲၤကျိၤခိၣ်လီၢ်လံၤစီၤရီကၠၢၣ်ခ့ၣ်

ဖၣ်အၣ်ကီၢ်ရ့ၣ်ဒီးကညီဖီၣ်စုက၀ဲၤကရူၢ်ပာ်ဖှိၣ်မၤလၤကပီၤ၀ဲ(KNU)ကရၢခိၣ်လီၢ်လံၤသုးခိၣ်ကျၢၢ်စိစီၤမူၤတူစ့ဖိဒီးတၢ်ဒီသဒၢ၀ဲၤကျိၤခိၣ်လီၢ်လံၤစီၤရီကၠၢၣ်ခ့ၣ်

187
0
Photo: (ပိုင်ကျုံ KYO)

လါမးရှး ၈သီႇ ၂၀၂၄နံၣ်ႇ ခ့ၣ်အဲးစံၣ်ႇ

ခ့ၣ်အဲၣ်ယူၣ်-ကညီဒီကလုာ်စၢဖှိၣ်ကရၢသုးက့(၇)ဖၣ်အၣ်ကီၢ်ရ့ၣ်တၢ်ကြဲၢ်ကီၢ်ဆၣ်ပံၢ်တခးသ၀ီဘျီၣ်ဒိၣ်အပူၤတၢ်မၤလၤကပီၤ၀ဲ(KNU)) ကရၢခိၣ်လီၢ်လံၤသုးခိၣ်ကျၢၢ်စိစီၤမူၤတူစ့ဖိဒီးတၢ်ဒီသဒၢခိၣ်စီၤရီကၠၢၣ်ခ့ၣ်ဖဲမဟါလါမးရှး(၇)သီအနံၤအဂ့ၢ်သ့ၣ်ညါဘၣ်န့ၣ်လီၤႉ

ခိၣ်နၢ်လီၢ်လံၤခံဂၤအံၤခီဖျိကီၢ်ရ့ၣ်ၦၤဘၣ်မူဘၣ်ဒါဒီးလီၢ်က၀ီၤဖိတဖၣ်ပာ်ပနီၣ်အီၤလၢတၢ်ပၢၢ်ဆၢမိၢ်ပၢ်လၢအဟ့ၣ်လီၤသးအနံၣ်ယံာ်တ့ၢ်လံသ့ၣ်တဖၣ်အဃိဒ်သိးကကဲထီၣ်တၢ်ကွၢ်လိလၢခံအဂီၢ်ဒီးကကဲထီၣ်တၢ်ပနီၣ်လၢအ၀ဲသ့ၣ်တဖၣ်အဂီၢ်တၢ်မၤန့ၢ်၀ဲတၢ်လၤကပီၤတၢ်ရဲၣ်တၢ်ကျဲၤအံၤလီၤအဂ့ၢ်ကီၢ်ရ့ၣ်ၦၤဘၣ်မူဘၣ်ဒါပဒိၣ်နီၢ်ရှံ၀ါစံး၀ဲဒ်အံၤန့ၣ်လီၤႉ

အ၀ဲစံး၀ဲလၢ“တၢ်ရဲၣ်တၢ်ကျဲၤဘျီ၀ဲအံၤဒုကဲ၀ဲကီၢ်ရ့ၣ်သုးက့(၇)ရဲၣ်ကျဲၤဘျီပမၤသကိး၀ဲတၢ်ဒီးကညီဖီၣ်စုက၀ဲၤကရူၢ်တဖၣ်မီၤနီၤႉပမၤလၤကပီၤ၀ဲခိၣ်နၢ်ခီန့ၣ်ခံဂၤႉဒီးအ၀ဲသ့ၣ်တဖၣ်န့ၣ်မ့ၢ်၀ဲပဖုမူၤတူစ့ဖိဒီးပဖုရီကၠၢၣ်ခ့ၣ်မီၤနီၤႉအ၀ဲသ့ၣ်န့ၣ်မ့ၢ်၀ဲပခိၣ်ပနၢ်လၢအိၣ်လၢပကီၢ်ရ့ၣ်ပူၤအဃိန့ၣ်ပမၤန့ၣ်တၢ်လၤကပီၤပဟ့ၣ်၀ဲဒၣ်တၢတခါန့ၣ်တၢ်လၤကပီၤအလံာ်ခံခါတခါန့ၣ်ခီဒုဖီကဒိၣ်မီၤနီၤႉမ့မ့ၢ်လၢ(KNA)န့ၣ်ဟ့ၣ်၀ဲဒၣ်တၢ်ဟ့ၣ်ကနၢၤလၢတိၢ်(စ့)မီၤနီၤမ့ၢ်ပၣ်ဆံးအါလဲၣ်ဒုတသ့ၣ်ညါဘၣ်ဒီးမ့မ့ၢ်(KNLA-PC)(DKBA)သ့ၣ်တဖၣ်န့ၣ်ခီန့ၣ်ဟ့ၣ်၀ဲလံာ်ဒၢမီၤနီၤႉပမၤန့ၢ်အ၀ဲသ့ၣ်တၢ်ရဲၣ်တၢ်ကျဲၤအံၤန့ၣ်ပတၢ်ပညိၣ်လီၤဆီဒုတအိၣ်
ဘၣ်အိၣ်ဒၣ်လၢပပာ်ပနီၣ်အ၀ဲသ့ၣ်ဒ်တၢ်ပၢၢ်ဆၢမိၢ်ပၢ်အဃိပသူၣ်အိၣ်သးအိၣ်ဒီးပမၤလၤကပီၤလီၤႉဒီးအဂၤတမံၤန့ၣ်ပတၢ်ပညိၣ်အိၣ်၀ဲလၢကကဲထီၣ်က့ၤ၀ဲတၢ်ဒိဂ့ၤတဲာ်ဘၣ်လၢအလီၤကွၢ်လိလၢခံအဂီၢ်မီၤဘၣ်မနုၤအဃိလဲၣ်န့ၣ်ပၦၤကညီန့ၣ်ပလုၢ်ပလၢ်အိၣ်လၢပအဲၣ်ပခိၣ်ပနၢ်ပပာ်လုၢ်ပာ်ၦ့ၤပာ်ကဲအီၤမီၤနီၤႉအဂၤတမံၤခီန့ၣ်လၢအ၀ဲသ့ၣ်အဂီၢ်ကကဲထီၣ်၀ဲတၢ်ပနီၣ်တခါစ့ၢ်မီၤနီၤႉ” အဂ့ၢ်စံးဘၣ်ခ့ၣ်အဲးစံၣ်တၢ်ကစီၣ်န့ၣ်လီၤႉ

Photo: (ပိုင်ကျုံ KYO)

လၢန့ၣ်အမဲာ်ညါဒ်တိာ်လီၤပာ်လီၤ၀ဲအသိးန့ၣ်တၢ်ရဲၣ်တၢ်ကျဲၤအံၤကဲထီၣ်လိၣ်ထီၣ်၀ဲဂ့ၤဂ့ၤဘၣ်ဘၣ်အသိးတၢ်ကီတၢ်ခဲတၢ်မၤတံာ်တာ်တအိၣ်နီတမံၤဘၣ်အဂ့ၢ်အ၀ဲစံးအါထီၣ်၀ဲန့ၣ်လီၤႉ

မဟါတၢ်မၤ၀ဲတၢ်ရဲၣ်တၢ်ကျဲၤအပူၤန့ၣ်(KNU)လီၢ်ခၢၣ်သးခိၣ်နၢ်တဖၣ်ဟဲပၣ်ဃုာ်ပၣ်ဂီၢ်၀ဲတချူးဘၣ်ဆၣ်ကီၢ်ရ့ၣ်ပတီၢ်ခိၣ်နၢ်ဒီးဖီၣ်စုက၀ဲၤကရူၢ်ကရၢလၢအလီၤဖးဒ်အမ့ၢ်ကညီဒီကလုာ်သုးမုၢ်ဒိၣ်(KNA) ကညီတၢ်မုာ်တၢ်ခုၣ်ကီၣ်ကး (KNLA-PC)(DKBA) ဒံၣ်မိၣ်ကရ့ၣ်စံၣ်တၢ်ဘၣ်ဘျူးကညီသုးမုၢ်ဒိၣ်ဃုာ်ဒီးလီၢ်က၀ီၤကမျၢၢ်အဂၤ(၂၀၀၀)ဘျဲၣ်ဟဲထီၣ်ပၣ်ဃုာ်ပၣ်ဂီၢ်မၤလၤကပီၤ၀ဲအဂ့ၢ်သ့ၣ်ညါဘၣ်န့ၣ်လီၤႉ

(KNU)ကရၢခိၣ်လီၢ်လံၤသုးခိၣ်ကျၢၢ်စိစီၤမူၤတူစ့ဖိအံၤအပူၤကွံာ်လါယနူၤအါရံၤ(၃၁)ကညီတၢ်ပၢၢ်ဆၢမုၢ်နံၤၦဲၤထီၣ်(၇၅)၀ီတ၀ီအခါဒိးန့ၢ်ဘၣ်၀ဲၦၤဟူးဂဲၤလၢတၢ်ပၢၢ်ဆၢအနံၣ်(၅၀)ဆူအဖီခိၣ်တၢ်လၤကပီၤအိၣ်၀ဲအသိးဖဲ(၂၀၂၃)နံၣ်လါအီးကၢး(၂၉)သီအနံၤအခါစ့ၢ်ကီးသုးက့(၆)၀ီၢ်ရီကီၢ်ဆၣ်လီၢ်က၀ီၤဖိတဖၣ်ဟ့ၣ်၀ဲအီၤလၢၦၤမၤတၢ်မုာ်တၢ်ခုၣ်တၢ်လၤကပီၤဃုာ်ဒီးဒူပျၢ်ယာ်ကီၢ်ရ့ၣ်ခိၣ်ပဒိၣ်စီၤရွ့ၤမီဖဲဖါပြးသ၀ီ(မ့ၤကလၤသ့ၣ်ပၣ်)သီခါဖၠၣ်ပူၤအဂ့ၢ်သ့ၣ်ညါဘၣ်န့ၣ်လီၤႉ

ဒ်န့ၣ်အသိး(KNU)ကရၢခိၣ်လီၢ်လံၤသုးခိၣ်ကျၢၢ်စိစီၤမူတူစ့ဖိအံၤဒိးန့ၢ်ဘၣ်စ့ၢ်ကီး၀ဲ(၀ၤနၣ်ကၠီၣ်ထ့ၣ်)ဘွဲးတၢ်လၤကပီၤလၢသုးကီၣ်ကးအခိၣ်ကျၢၢ်သုးခိၣ်ဒိၣ်ဂီၢ်ဂ့ၢ်မ့အီၤလဲၤအအိၣ်ဖဲ(၂၀၂၂)နံၣ်လါအ့ဖြ့ၣ်အပူၤအိၣ်စ့ၢ်ကီး၀ဲဒၣ်န့ၣ်လီၤႉ

Photo: (ပိုင်ကျုံ KYO)