Home တၢ်ကစီၣ် ၀့ၢ်တကူၣ်–မီၣ်လမၠဲၣ်ကျဲ တၢ်မၤပိၢ်ဖးထီၣ်ကဒီးကမဲၤစဲၣ်သ၀ီဃၢၤတိၤတဘိအဂ့ၢ် ကမျၢၢ်စံး၀ဲ

၀့ၢ်တကူၣ်–မီၣ်လမၠဲၣ်ကျဲ တၢ်မၤပိၢ်ဖးထီၣ်ကဒီးကမဲၤစဲၣ်သ၀ီဃၢၤတိၤတဘိအဂ့ၢ် ကမျၢၢ်စံး၀ဲ

144
0
Photo: CJ

လါအီကူာ် ၂ သီ, ၂၀၂၄ နံၣ်, ခ့ၣ်အဲးစံၣ်

ခ့ၣ်အဲၣ်ယူၣ် ဒူသထူၣ်ကီၢ်ရ့ၣ်(သုးက့ ၁)သထူၣ်ကီၢ်ဆၣ် ၀့ၢ်တကူၣ်–မီၣ်လမၠဲၣ်ကျဲ ဖဲမနၤမုၢ်နၤခီန့ၣ် တၢ်မၤပိၢ်ဖးထီၣ်ကဒီးကမဲၤစဲၣ်သ၀ီဃၢၤတိၤတဘိအဂ့ၢ်န့ၣ် လီၢ်က၀ီၤကမျၢၢ်စံး၀ဲအသိးသ့ၣ်ညါဘၣ်န့ၣ်လီၤႉ

ဖဲမဟါလါအီကူာ် ၁ သီ ၁၂ နၣ်ရံၣ်ဘျဲၣ်အဆၢကတီၢ် ကမဲၤစဲၣ်တိၤဆံးဆံးဖိတဘိလၢအိၣ်၀့ၢ်တကူၣ်–မီၣ်လမၠဲၣ် ကျဲအံၤ တၢ်မၤပိၢ်ဖးထီၣ်၀ဲဒီးတိၤဟးဂီၤလီၤၦီၢ်၀ဲဒီတဘိအဃိ သိလ့ၣ်လ့ၢ်ထီၣ်လ့ၢ်လိၤ တသ့လၢၤဘၣ်အဂ့ၢ်န့ၣ် လီၢ်က၀ီၤကမျၢၢ် လၢအိၣ်ဘူးဖဲန့ၣ်သ့ၣ်တဖၣ်စံး၀ဲန့ၣ်လီၤႉ

ဘၣ်ဃးဒီးတၢ်ကဲထီၣ်သးအံၤလီၢ်က၀ီၤကမျၢၢ်လၢအိၣ်ဖဲန့ၣ်တဂၤစံး၀ဲလၢ“တၢ်ကဲထီၣ်သးဒုအမ့ၢ်လီၤတံၢ်လီၤႉ တိၤတဘိန့ၣ်တမ့ၢ်တိၤဒိၣ်တိၤထီဘၣ်,မ့ၢ်ဒၣ်တိၤဆံးဆံးဖိလီၤႉတၢ်ကဲထီၣ်သးလီၤတံၢ်လီၤဆဲးခီန့ၣ်တသ့ၣ်ညါဒံးဘၣ်ႉ မ့ၢ် စီၤသူစီၤ၀ါလဲၤမၤလဲၣ်န့ၣ်တသ့ၣ်ညါဒံးဘၣ်”အဂ့ၢ်န့ၣ် စံးဘၣ်ခ့ၣ်အဲးစံၣ်–ကညီတၢ်ကစီၣ်န့ၣ်လီၤႉ

Photo: CJ

ဘၣ်ဃးတိၤဟးဂီၤလီၤပှီၢ်တၢ်ဂ့ၢ်ဘျီ၀ဲအံၤဒ်သိးကသ့ၣ်ညါဘၣ်အါထီၣ်တၢ်အိၣ်သးလၢလၢပှဲၤပှဲၤအဂီၢ် ပခ့ၣ်အဲးစံၣ်–ကညီ တၢ်ကစီၣ်ဆဲးကျိးကီၢ်ရ့ၣ်ပှၤဘၣ်မူဘၣ်ဒါဘၣ်ဆၣ် ဆဲးကျိးတန့ၢ်၀ဲဘၣ်န့ၣ်လီၤ.

ကမဲၤစဲၣ်သ၀ီဃၢၤတိၤလၢဘၣ်တၢ်မၤဟးဂီၤအီၤခဲအံၤန့ၣ် အိၣ်ဘူး၀ဲဒၣ်ဒီး(မစီ)တိၤ လၢအပူၤကွံာ်ဘၣ်တၢ်မၤပိၢ်ဖးထီၣ် ၀ဲဒၣ်ဖဲအပူၤကွံာ်လါမ့ၤ ၂၃ သီအနံၤအံၤအဂ့ၢ်န့ၣ် သ့ၣ်ညါဘၣ်န့ၣ်လီၤႉ

သထူၣ်ကီၢ်ဆၣ်ပူၤ စးထီၣ်လါမ့ၤတုၤလၢခဲအံၤန့ၣ် တိၤဟးဂီၤလီၢ်ၦီၢ်၀ဲလၢတၢ်ထုးမ့ၣ်ပိၢ်အံၤအဃိ အိၣ်လံ၀ဲ ၅ ဘိလၢအမ့ၢ် ဘိၣ်ခါကွ့တိၤႇတီၤကလ့တိၤႇတပျဲကျိတိၤႇမစီတိၤဒီးခဲအံၤကမဲၤစဲၣ်တိၤသ့ၣ်တဖၣ်အဂ့ၢ်န့ၣ် သ့ၣ်ညါဘၣ်န့ၣ် လီၤႉ