လါစဲးပထ့ဘၢၣ် ၂၄ သီ, ၂၀၂၄ နံၣ်, ခ့ၣ်အဲးစံၣ်
လၢတၢ်ကဒုးလီၤပှီၢ်သုးမီၤစိရိၤဒီးသူၣ်ထီၣ်ကီၢ်သူလ့ၤအဂီၢ် ကညီဒီကလုၥ်တၢ်ထူၣ်ဖျဲးသုးမုၣ်ဒိၣ် (KNLA) အသုးရိၣ်မဲခိၣ်ကျၢၢ်ခံ သုးခိၣ်ကျၢၢ်စိစီၤဘီကၠီၣ်ဟဲမၤဝဲတၢ်ထံၣ်လိၥ်သးဒီး သုးက့(၄) ဘျံးဒဝဲၢ်ကီၢ်ရ့ၣ်ပူၤ, ကီၢ်ဆၣ်ဒီးသုးရ့ၣ်ပှၤဘၣ်မူဘၣ်ဒါဃုၥ်ဒီးလီၢ်ကဝီၤကမျၢၢ်သ့ၣ်တဖၣ်အဂ့ၢ်သ့ၣ်ညါဘၣ်န့ၣ်လီၤ.
ဖဲတလါအံၤ ၁၈သီ တုၤ၂၁သီအနံၤန့ၣ် (KNLA)သုးရိၣ်မဲခိၣ်ကျၢၢ်ခံ သုးခိၣ်ကျၢၢ်စိ စီၤဘီၣ်ကၠီၣ်ဟဲ လဲၤအိၣ်သကိးဝဲ ဘျံးဒဝဲၢ်ကီၢ်ရ့ၣ်ပူၤ, ကီၢ်ဆၣ်,သုးရ့ၣ်ပှၤဘၣ်မူဘၣ်ဒါဃုၥ်ဒီးကမျၢၢ်လၢ သုးရ့ၣ်(၁၁)ဒီးသုးရ့ၣ်(၂၀၃)ဟီၣ်ကဝီၤအခါ ဖဲန့ၣ် ကီၢ်သူလ့ၤသုးမုၢ်ဒိၣ်(KTLA) ထံဆဲးမဲးယွၤသုးရ့ၣ်အပှၤဘၣ်မူဒါစ့ၢ်ကီးပၣ်ဃုၥ်ပၣ်ဂီၢ်ဝဲဒၣ်အဂ့ၢ်သ့ၣ်ညါဘၣ်လၢဘျံးဒဝဲၢ်ကီၢ်ရ့ၣ်အပှၤဘၣ်မူဘၣ်ဒါအိၣ်န့ၣ်လီၤ.
ဖဲသုးရိၣ်မဲခိၣ်ကျၢၢ်ခံ ဟဲလီၤထံၣ်လိၥ်သးဒီး ကီၣ်ဆၣ်,သုးရ့ၣ်ဒီးကမျၢၢ်အခါန့ၣ် KTLA ထံဆဲးမဲးယွၤသုးရ့ၣ် အပှၤဘၣ်မူဘၣ်ဒါစ့ၢ်ကီးဟးသကိးလဲၤသကိးတပူၤဃီဒီး သုးရိၣ်မဲခိၣ်ကျၢၢ်ခံ ဟံးစုနဲၣ်ကျဲ,ဟ့ၣ်ကူၣ်ဟ့ၣ်ဖး အဝဲသ့ၣ်ဒ်သိးကအိၣ်ဃူအိၣ်ဖိးဒီးပၥ်ဖှိၣ်မၤသကိးတၢ်အါထီၣ်လၢတၢ်ကဒုးလီၤပှီၢ်သုးမီၤစိရိၤအဂီၢ်အဂ့ၢ် ဘျံးဒဝဲကီၢ်ရ့ၣ်နဲၣ်ရွဲၣ်ပဒိၣ်အဲၣ်နၤစံးဘၣ်ဝဲ ခ့ၣ်အဲးစံၣ်-ကညီတၢ်ကစီၣ်ဒ်အံၤန့ၣ်လီၤ.
အဝဲစံးဝဲလၢ“ထံဆဲမဲးယွၤသုးရ့ၣ်အံၤလၢအပူၤကွံၥ်န့ၣ်မ့ၢ်ဝဲ သုးက့(၄)ထံဆဲးမဲးယွၤသုးကျိၤလီၤ.ဖဲသုးရိၣ်မဲခိၣ်ကျၢၢ်ခံဟဲအိၣ်သကိးကီၢ်ဆၣ်,သုးရ့ၣ်,ဒီးကမျၢၢ်အဆၢကတီၢ်အဝဲသ့ၣ်စ့ၢ်ကီးပၥ်ဖှိၣ်မၤသကိးဝဲဒၣ်န့ၣ်လီၤ.ဟးသကိးလဲၤသကိးတပူၤဃီဒီးဖဲန့ၣ် သုးရိၣ်မဲခိၣ်ကျၢၢ်ခံဟံးစုနဲၣ်ကျဲဒီးဟ့ၣ်ကူၣ်ဟ့ၣ်ဖးလၢကပၥ်ဖှိၣ်မၤသကိးတၢ်အါထီၣ်,ကအိၣ်ဃူအိၣ်ဖိးလၢတၢ်ကဒုးလီၤပှီၢ်ကွံၥ်ဝဲဒၣ်သုးမီၤစိရိၤအဂီၢ်န့ၣ်လီၤ. ဒီးလၢအဝဲသ့ၣ်တပၤအတၢ်ပၥ်သးန့ၣ်,ကမၤသကိးဝဲ ဒီးမၤသကိးတ့ၢ်ပၥ်ဝဲအိၣ်လံန့ၣ်လီၤ.ဘၣ်ဆၣ်သနၥ်က့ခဲအံၤ အဝဲသ့ၣ်လဲၤပၥ်စၢၤဒ်သိး အဝဲသ့ၣ်အိၣ်ပၥ်စၢၤထံဆဲးမဲးယွၤသုးရ့ၣ်အသိးန့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ ဖဲသုးရိၣ်မဲခိၣ်ကျၢၢ်ခံလဲၤထံၣ်လိၥ်သးဒီး ကီၢ်ဆၣ်,သုးရ့ၣ် ပှၤဘၣ်မူဘၣ်ဒါဒီးလီၢ်ကဝီၤကမျၢၢ်ဖိအခါန့ၣ် ဟ့ၣ်ဂံၢ်ဟ့ၣ်ဘါဝဲလၢ ကပၥ်ဖှိၣ်မၤသကိးတၢ်လၢတၢ်ပၢၢ်ဆၢအပူၤ,ကဘၣ်ဒုးလီၤပှီၢ်သကိးသုးမီၤစိရိၤ,ကသူၣ်ထီၣ်သကိးပဟံၣ်လၢအမ့ၢ်ကီၢ်သူလ့ၤဝံၤပကသူၣ်ထီၣ်သကိးသဝီအဂ့ၢ်န့ၣ် ဆီၣ်တခူဟ့ၣ်ဂံၢ်ဟ့ၣ်ဘါဝဲဒၣ်အဂ့ၢ် ပဒိၣ်စီၤအဲၣ်နၤတဲအါထီၣ်တဲဒၣ်စ့ၢ်ကီးန့ၣ်လီၤ.
လၢထံၣ်လိၥ်သးကိးဒီးကမျၢၢ်တၢ်ရဲၣ်တၢ်ကျဲၤဘျီဝဲန့ၣ် န့ၣ် ကညီဒီကလုၥ်တၢ်ထူၣ်ဖျဲးသုးမုၢ်ဒိၣ် သုးရိၣ်မဲခိၣ်ကျၢၢ်ခံ, ဘျံးဒဝဲၢ်ကီၢ်ရ့ၣ်နဲၣ်ရွဲၣ်, သုးက့(၄)သုးက့ခိၣ်,ကီၢ်ဆၣ်,သုးရ့ၣ်ခိၣ်နၢ်ဒိၣ်ထီသ့ၣ်တဖၣ်ဃုၥ်ဒီး(KTLA) ထံဆဲးမဲးယွၤသုးရ့ၣ်ပှၤဘၣ်မူဘၣ်ဒါတဖၣ်ပၣ်ဃုၥ်ပၣ်ဂီၢ်ဝဲဒၣ်အဂ့ၢ်သ့ၣ်ညါန့ၣ်လီၤ.
