လါယနူၤအါရံၤ ၂၄ သီ, ၂၀၂၅ နံၣ်, ခ့ၣ်အဲးစံၣ်
ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ ဒူသထူၣ်ကီၢ်ရ့ၣ်(သုးက့ ၁)ဖၣ်အၣ်ကီၢ်ဆၣ် ကၠီတလူၢ်သ၀ီအပူၤ စးထီၣ်ဖဲတလါ အံၤထီၣ်န့ၣ် ဘူးဒးတၢ်ဂုၤထီၣ်ပသီထီၣ်ကညီသုးမုၢ်ဒိၣ်(DKBA)လဲၤဆီလီၤတြဲၤ၀ံၤခိးထၢစ့လၢသိလ့ၣ်လ့ၢ်ထီၣ်လ့ၢ်လိၤတဖၣ် အအိၣ်အဃိ ကဲထီၣ်တၢ်တံၥ်တၥ်တၢ်ကီတၢ်ခဲလၢကမျၢၢ်လ့ၢ်ထီလ့ၢ်လိၤတဖၣ်အဂီၢ်အဂ့ၢ်န့ၣ် ကမျၢၢ်တဖၣ်စံး၀ဲန့ၣ်လီၤ.
ဖဲတလါအံၤလါယနူၤအါရံၤ ၁၀ သီအနံၤန့ၣ် (DKBA)သုးခိၣ်စီၤခၠ့ၣ်သါတီခိၣ်ရိၣ်မဲဟဲဆီလီၤအတြဲၤလၢနီဖးဒိၣ်ကရူၢ် ကၠီတလူၢ် သ၀ီပူၤဒီး ဟ့ၣ်ထီၣ်တၢ်ဂ့ၢ်ခိၣ်တီလၢသီခါယူၤဘူၣ်၀ံၤ သိလ့ၣ်လၢအလ့ၢ်ထီၣ်လိၤမ့ၢ်ဂ့ၤ,လဲၤပှ့ၤတၢ်လၢ၀့ၢ်ပူၤတဖၣ်မ့ၢ်ဂ့ၤ ထၢ၀ဲတခိၣ်န့ၣ်အစှၤကတၢၢ်(၂၀၀၀)တုၤ လၢ(၁၀၀၀၀)ကၠး ဒိးသန့ၤထီၣ်သးလၢတီၣ်တၢ် ဖိတၢ်လံၤအဂ့ၢ်န့ၣ် လီၢ်က၀ီၤပှၤ ဘၣ်မူဘၣ်ဒါဒီးကမျၢၢ်တဖၣ် စံး၀ဲအသိး သ့ၣ်ညါဘၣ်န့ၣ်လီၤ.
အပူၤကွံၥ်ကၠီတလူၢ်သ၀ီပူၤတၢ်ဆီလီၤတြဲၤခိးထၢစ့တအိၣ်၀ဲဘၣ်အသိးတကီၢ်ခါခဲအံၤလၢတၢ်ဆီလီၤတြဲၤဒ်အံၤအဖီခိၣ် လၢကလ့ၢ် ထီၣ်လ့ၢ်လိၤ,ကလဲၤက့ၤဖံးမၤတၢ်အဂီၢ်ကဲထီၣ်တၢ်ကီတၢ်ခဲ,တၢ်တံၥ်တၥ်အသိး ဘၣ်ပျံၤစ့ၢ်ကီးလၢတၢ်ဘံၣ်တၢ်ဘၢ တကပၤ အဂ့ၢ်န့ၣ် ကမျၢၢ်လၢအိၣ်ဘူးဖဲန့ၣ်တဂၤစံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
အ၀ဲစံး၀ဲလၢ“(DKBA)ဆီလီၤတြဲၤခိးထၢစ့ခဲအံၤန့ၣ်ပှၤတီခိၣ်ရိၣ်မဲတၢ်န့ၣ်ခၠ့ၣ်သါလီၤ.လၢညါန့ၣ်တအိၣ်နီဘျီဘၣ်.ဆီလီၤ၀ဲခဲအံၤပှၤလ့ၢ်လိၤက့ၤထီၣ်န့ၣ်အသံဒိးသံကွၢ်,သမံသမိးတၢ်အိၣ်စ့ၢ်မီၤ.တၢ်သမံသမိးအိၣ်ဒ်အံၤဘျီတၢ်လဲၤတၢ်က့ၤနါက့ဘၣ်ပျံၤဘၣ်ဖုးတၢ်စ့ၢ်မီၤနီၤ.သ၀ီဖိခီလ့ၢ်လိၤက့ၤထီၣ်မၢ်မၢ်လီၤ.လၢညါန့ၣ်တအိၣ်နီတဘျီဘၣ်.အဃိကမျၢၢ်နါက့တၢ်ဘၣ်အီၤတမုၥ်စ့ၢ်ဘၣ်.ပှၤတဲကါလ့ၢ်လိၤက့ၤထီၣ်န့ၣ်ဃ့အီၣ်၀ဲတခိၣ်န့ၣ်(၁၀၀၀),(၂၀၀၀),(၅၀၀၀),တုၤလၢ(၁၀၀၀၀)ညါ.ဒူသ၀ီဖိလ့ၢ်ထီၣ်လ့ၢ်လိၤန့ၣ်တၢ်ကီတၢ်ခဲအိၣ်စ့ၢ်,မ့၀ံၤဘၣ်ပျံၤဘၣ်ထုးတၢ်အိၣ်စ့ၢ်”အဂ့ၢ်န့ၣ် စံး၀ဲန့ၣ်လီၤ.
လၢန့ၣ်အမဲၥ်ညါဆီလီၤတြဲၤခိးထၢစ့လၢသ၀ီပူၤအဖီခိၣ်အံၤလီၢ်က၀ီၤကမျၢၢ်တနီၤခီဖျိတအဲၣ်ဒိးတဘၣ်သး၀ဲဘၣ်အိၣ်အဃိ ဖဲလါယနူၤအါရံၤ ၁၂ သီ မုၢ်နၤခီအဆၢကတီၢ်န့ၣ် တၢ်လဲၤမၤဂီၤကွံၥ်အသ့ၣ်ထူၣ်လၢအဆီလီၤပၥ်ကဲ၀ဲလၢတြဲၤအံၤကဲထီၣ် တဘျီလံအဂ့ၢ်န့ၣ် လီၢ်က၀ီၤကမျၢၢ်တဂၤဃီ၀ဲန့ၣ်စံးအါထီၣ်၀ဲန့ၣ်လီၤ.
တကီၢ်ခါသီခါလၢတၢ်မၤဘူၣ်ထီၣ်အီၤတပါအံၤလၢကဟဲလါယနူၤအါရံၤ ၂၈ သီ, ၂၉ သီအံၤ တၢ်ကကုၢ်ထီၣ်၀ဲ အိၣ်အဖီခိၣ် တၢ်ရဲၣ်တၢ်ကျဲၤမ့၀ံၤန့ၣ် တြဲၤလၢတၢ်ဆီလီၤ၀ဲလၢသ၀ီပူၤအံၤကထုးကွံၥ်၀ဲအဂ့ၢ်န့ၣ် (DKBA)ပှၤဘၣ်မူဘၣ်ဒါစံး၀ဲအိၣ် ဘၣ်ဆၣ်ဘၣ်အိၣ်ခိးကွၢ်တၢ်အိၣ်သးလၢကဟဲအဂ့ၢ်န့ၣ် ကမျၢၢ်တဖၣ်စံး၀ဲန့ၣ်လီၤ.
တကးဒံးဘၣ်လၢန့ၣ်အမဲၥ်ညါဘၣ်ဃးတၢ်ဆီလီၤတြဲၤတၢ်ဂ့ၢ်အံၤမ့ၢ်ဒၣ်တၢ်ဟံန့ၢ်၀ဲတၢ်ဘံၣ်တၢ်ဘၢလၢတၢ်ဘူၣ်ပူၤအဂီၢ်အဂ့ၢ် (DKBA)စံး၀ဲဘၣ်ဆၣ်တြဲၤလၢတၢ်ခိးထၢစ့လၢကမျၢၢ်လ့ၢ်ထီၣ်လ့ၢ်လိၤအအိၣ်အံၤတဘၣ်ထွဲလိၥ်အသးဒီးသီခါတၢ်ဘူၣ်အံၤဘၣ်အဂ့ၢ်န့ၣ် ကမျၢၢ်လၢအိၣ်ဘူးဖဲန့ၣ်တဖၣ် စံး၀ဲန့ၣ်လီၤ.အဃိဘၣ်ဃးတၢ်ဂ့ၢ်အံၤလၢကပၥ်ဂၢၢ်ပၥ်ကျၢၤအီၤအဂီၢ် ပခ့ၣ်အဲးစံၣ်-ကညီတၢ်ကစီၣ် ဆဲးကျိး(DKBA)သုးခိၣ်ဘိၤဘံၣ်ဘၣ်ဆၣ်ဆဲးကျိးတန့ၢ်ဘၣ်န့ၣ်လီၤ.
ဒ်န့ၣ်အသိးအပူၤကွံၥ်လါစဲးပထ့ဘၢၣ်အခါ သုးကလၢၤတၢ်လီၢ်လၢ(DKBA)လဲၤဆီလီၤ၀ဲလၢ ၀ၣ်တရဲၢ်ကၠိမဲၥ်ညါလၢ အတအိၣ်ဒီး ကမျၢၢ်,လီၢ်က၀ီၤ(ခ့ၣ်အဲၣ်ယူၣ်)တၢ်အဲၣ်ဒိးဘၣ်အံၤစ့ၢ်ကီး ဖဲတၢ်လဲၤကွံၥ်အီၤဒီးမ့ၣ်ပိၢ်၀ံၤလီၢ်ခံန့ၣ် အ၀ဲသ့ၣ်သုးယံၤထီၣ်အလီၢ် လဲၤဆီလီၤက့ၤအသးလၢကၠီတလူၢ်သ၀ီဃၢၤအဂ့ၢ်န့ၣ် သ့ၣ်ညါဘၣ်လၢလီၢ်က၀ီၤကမျၢၢ် အအိၣ်န့ၣ်လီၤ.
