လါမးရှး ၁ သီ, ၂၀၂၅ နံၣ်, ခ့ၣ်အဲးစံၣ်
ကမၤမိၢ်ပယီၤသုးကလၢၤလၢအိၣ်ဆီလီၤသးဖဲခ့ၣ်အဲၣ်ယူၣ် မုၢ်တြီၢ်ကီၢ်ရ့ၣ်(သုးက့ ၅)ဟီၣ်က၀ီၤပူၤအံၤ ခးလီၤကျိဖးဒိၣ်ဒီး ကဘီယူၤ(Y-12) စ့ၢ်ကီးဟဲခးလီၤတၢ်အဃိ ဒူသထူၣ်ကီၢ်ရ့ၣ်ပူၤ ဖၣ်အၣ်ကီၢ်ဆၣ် ဖၣ်ပီၢ်သ၀ီပူၤ သီခါဖၠၣ်တၢ်သူၣ်ထီၣ် ဃုၥ်ဒီးကမျၢၢ်ဟံၣ်တၢ်သူၣ်ထီၣ်ဟးဂူၥ်ဟးဂီၤ၀ဲအါမးအဂ့ၢ်န့ၣ် သ့ၣ်ညါဘၣ်န့ၣ်လီၤ.
ဒ်လီၢ်က၀ီၤပှၤဘၣ်မူဘၣ်ဒါစံး၀ဲအသိးန့ၣ် စးထီၣ်ဖဲလါဖ့ၤဘြူၤအါရံၤ ၁၄ သီတုၤ ၂၈ သီ လၢခံနွံအတီၢ်ပူၤအံၤ ကမၤမိၢ်သုးကလၢၤ ခးလီၤ(၁၂၀ မမ)ကျိဖးဒိၣ် (၅၈)ဖျၢၣ်,(၈၁ မမ)ကျိဖးဒိၣ်(၅)ဖျၢၣ်,(Y-12)ကဘီယူၤတ့ၢ်လီၤ၀ဲ မ့ၣ်ပိၢ်(၁၁)ဖျၢၣ်ဆူ ဖၣ်အၣ်ကီၢ်ဆၣ် ၀ဲပၠၣ်ကရူၢ်ဒီးမဲၢ်ကနးခံကရူၢ် ဒူသ၀ီပူၤ အဂ့ၢ်န့ၣ် သ့ၣ်ညါဘၣ်န့ၣ်လီၤ.
လၢတၢ်န့ၣ်အဃိ စးထီၣ်ဖဲန့ၣ် ၀ဲပၠၣ်ကရူၢ်ပူၤ ဖါပီၢ်သ၀ီပူၤ သီခါဖၠၣ်တၢ်သူၣ်ထီၣ်,ကမျၢၢ်အဟံၣ်အဃီအူအီၣ်ဟးဂီၤ ကအိၣ်၀ဲလၢတ၀း ဃၣ်ဃၣ်လံ ဒီး ဒ်န့ၣ်အသိးခီဖျိလၢကျိဖးဒိၣ်ဒီးကဘီယူၤအံၤအဃိ ကရူၢ်(၂)ဘ့ၣ်အံၤအပူၤ သ၀ီ(၁၁)ဖျၢၣ် လီၢ်က၀ီၤ ကမျၢၢ်အဂၤ(၇၀၀၀)ဘျဲၣ်ဘၣ်ဃ့ၢ်ထီၣ်၀ဲအဂ့ၢ်န့ၣ် သ့ၣ်ညါဘၣ်န့ၣ်လီၤ.
ကမၤမိၢ်ပယီၤသုးကလၢၤအံၤနၢ်ဟူ၀ဲလၢပှၤကလဲၤထီၣ်ခးအ၀ဲသ့ၣ်အဃိ အ၀ဲသ့ၣ်က့ၤခးလီၤကဒါကျိဖးဒိၣ်တပယူၥ်ဃီဒီး ဒ်န့ၣ်အသိးဖဲတနံၤအံၤလါမးရှး ၁ သီ ဂီၤခီအဆၢကတီၢ်စ့ၢ်ကီး ပယီၤသုးကဘီယူၤလဲၤခးလီၤကဒီးတၢ်လၢသ၀ီဖဲန့ၣ် သ့ၣ်တဖၣ်ပူၤအဃိ ဖါပီၢ်သီခါဖၠၣ်ဟးဂီၤကဒီး၀ဲအဂ့ၢ်န့ၣ် သုးက့(၁) သုးက့ခိၣ် သုးခိၣ်ကျၢၢ်ဖိ စီၤစိမၠ့ၣ်ထွ့ စံး၀ဲန့ၣ်လီၤ.
အ၀ဲစံး၀ဲလၢ“တဂီၤညါအံၤပယီၤသုးကဘီယူၤဟဲခးလီၤကဒီးတၢ်လံ.ယပှၤတဲကျၢယၤလၢဖါပီၢ်သီခါဖၠၣ်အူအီၣ်တက့ကဒီးလံ. ခးလီၤဃီၤ၀ဲဖါပီၢ်ကစၢၢ်,ထံကျိပူၤန့ၣ်တၢ်ဆၢကတီၢ်ဘူးကတံၥ်တၥ်လၢတနၣ်ရံၣ်ဃၣ်ဃၣ်ညါ.အခးလီၤ၀ဲနါက့ပှၤကညီတအိၣ်လၢၤဘၣ်.ပှၤစံၣ်ထီၣ်ဃၥ်လၢၤလံ.လၢကတၢၢ်တံၥ်တကပၤနါက့ကဘီယူၤဟဲခးလီၤတၢ်မၢ်မၢ်လီၤ”အဂ့ၢ်န့ၣ် စံးဘၣ် ခ့ၣ်အဲးစံၣ်-ကညီတၢ်ကစီၣ်ဖဲတဂီၤအံၤန့ၣ်လီၤ.
ဒ်န့ၣ်အသိးစှၤသီအတီၢ်ပူၤအံၤ ကတၢၢ်တံၥ်ပယီၤသုးကလၢၤလၢအိၣ်ဆီလီၤသးစီၤစုၤယံၤ၀ဲဒီးကမၤမိၢ်၀့ၢ် ထဲ(၂၁)တၢၣ်အံၤစ့ၢ်ကီး ဟီၣ်က၀ီၤတၢ်ပၢၢ်ဆၢသုးပၥ်ဖှိၣ်ကရူၢ်လဲၤက၀ီၤခး၀ဲအဃိ ပယီၤသုးလၢအိၣ်ကမၤမိၢ်သ့ၣ်တဖၣ်အံၤ ခးလီၤကျိဖးဒိၣ်, ကဘီယူၤဟဲက့ၤခးလီၤကဒါတၢ်ဟဲအါထီၣ်၀ဲကိးမုၢ်နံၤဒဲးအဂ့ၢ်န့ၣ် ဂံၢ်ခီၣ်ထံးပှၤဟ့ၣ်တၢ်ကစီၣ်ဖိစံး၀ဲအသိး သ့ၣ်ညါဘၣ် န့ၣ်လီၤ.
တကီၢ်ခါခဲအံၤလၢခ့ၣ်အဲၣ်ယူၣ်(သုးက့)ကိးဘ့ၣ်ဒဲးဃၣ်ဃၣ်အပူၤ ဒုးယၤတၢ်ဟူးတၢ်ဂဲၤဆူၣ်ထီၣ်၀ဲအဖီခိၣ် သုးမီၤစိရိၤအံၤ ခးလီၤကျိဖးဒိၣ်အမဲၥ်ညါသူ၀ဲဒၣ်ကဘီယူၤ ပညိၣ်ခးလီၤကဒါတၢ်ဆူ ကမျၢၢ်ဒူသ၀ီ, တၢ်ဘူၣ်တၢ်ဘါတၢ်သူၣ်ထီၣ် ,ကၠိတၢ်သူၣ်ထီၣ် ဟဲအါထီၣ်၀ဲဖျိဖျိဖျါဖျါန့ၣ်လီၤ.
