တၢ်ဃုထၢဘူးထီၣ်တပယူၥ်ဃီ ပယီၤသုးကရူၢ်တကပၤမၤထီဒါပှၤဟီၣ်ခိၣ်ဖိခွဲးယၥ်အါထီၣ်ရုၢ်ရုၢ်

လါအီးကထိဘၢၣ် ၉ သီ, ၂၀၂၅ နံၣ်, ခ့ၣ်အဲးစံၣ်

ကီၢ်ပယီၤဒီတဘ့ၣ်အပူၤ,ကီၢ်ဆၣ်ဟီၣ်ကဝီၤတၢ်လီၢ်သ့ၣ်တဖၣ်အပူၤဖဲပယီၤသုးကရူၢ်အိၣ်ဒီးတၢ်ရဲၣ်တၢ်ကျဲၤလၢကမၤတၢ်ဃုထၢအတီၢ်ပူၤအံၤပညိၣ်ပၥ်ပပနီၣ်ဝဲကမျၢၢ်သ့ၣ်တဖၣ်လိၤလိၤဒ်တၢ်ခးပနီၣ်ဒီးမၤဝဲကလံၤကျါကဘီယူၤတၢ်ဟဲတ့ၢ်လီၤမ့ၣ်ပိၢ်အိၣ်ဝဲရုၢ်ရုၢ်အဂ့ၢ်ဒီကလုၥ်တၢ်ဃူးတၢ်ဖိးအပဒိၣ်(NUG)တကပၤထုးထီၣ်ဖဲမဟါအနံၤန့ၣ်လီၤ.

ပယီၤသုးကရူၢ်အံၤစးထီၣ်လၢဟံးဆူၣ်န့ၢ်ထံကီၢ်တၢ်စိတၢ်ကမီၤတုၤလီၤလၢ ၂၀၂၅ နံၣ်, လါစဲးပထ့ဘၢၣ် အသီ ၃၀ အနံၤအံၤန့ၣ် မၤထီဒါဝဲပှၤဟီၣ်ခိၣ်ဖိခွဲးယၤတၢ်ကဲထီၣ်သး, မၤသံပှၤဒီဒူၣ်ဒီဂီၢ်တၢ်ကဲထီၣ်သးဒီး မၤဝဲကလံၤ ကျါ ကဘီယူၤတၢ်ဟဲခးလီၤတၢ်ဒီးတၢ်ထၢန့ၢ်ဆူၣ်ပှၤသုးဖိတၢ်ကဲထီၣ်သးသ့ၣ်တဖၣ်အံၤဒ်တၢ်ဃုထၢဘူးထီၣ်တပယူၥ် ဃီအသိးန့ၣ်ကဲထီၣ်အသးဟဲအိၣ်အါထီၣ်ဝဲအဂ့ၢ် NUG တကပၤစံးဝဲန့ၣ်လီၤ.

ဘၣ်ထွဲဒီးကမျၢၢ်ပှၤလီၢ်ကဝီၤဖိဘၣ်တူၢ်ဘၣ်ခီၣ်ဘၣ်ဝဲဒၣ်ပယီၤသုးကရူၢ်အတၢ်မၤထီဒါပှၤဟီၣ်ခိၣ်ဖိခွဲးယၤသ့ၣ်တဖၣ်အံၤန့ၣ်ဒ်သိးကမျၢၢ်သ့ၣ်တဖၣ်ကဒိးန့ၢ်ဘၣ်ဝဲတၢ်တီတၢ်တြၢ်အဂီၢ်ကတီၢ်အံၤတၢ်ဟူးဂဲၤန့ၢ်ဝဲတသ့ဒံးဘၣ်အဂ့ၢ် SHRF ပှၤကတိၤတၢ်ပၢ ယ့လဲၣ်ဟၢ စံးဝဲန့ၣ်လီၤ.

အဝဲစံးဝဲလၢ “ဘၣ်ထွဲဒီးကမျၢၢ်သ့ၣ်တဖၣ်ဘၣ်ကွၢ်ဆၢၣ်မဲၥ်ဘၣ်ဝဲတၢ်မၤထီဒါပှၤဟီၣ်ခိၣ်ဖိခွဲးယၥ်သ့ၣ်တဖၣ်အံၤန့ၣ်အ ဝဲသ့ၣ်ကဘၣ်လဲၤပၥ်ဂံၢ်ပၥ်ဘါမတဂၤလဲၣ်, ကဘၣ်လဲၤတဲပၠးမတဂၤလဲၣ်န့ၣ် အကျိၤအကျဲဒ်န့ၣ်တအိၣ်ဒံးဘၣ်. ပှၤက ကမျၢၢ်ကဒဲကဒဲလီၤမၤစၢၤလီၤက့ၤအသးန့ၣ်လီၤ. လၢပှၤဂ့ၢ်ဝီတၢ်ကရၢကရိတၢ်မၤစၢၤတဆီမၤစၢၤလိၥ်သးလဲၤခီဖျိဝဲ ဒၣ်ဒ်န့ၣ်လီၤ. ပှၤလၢကဟူးဂဲၤဂဲၤလိၥ်န့ၢ်အဝဲသ့ၣ်ကအိၣ်တၢ်တီတၢ်တြၢ်အဂီၢ်, အဝဲသ့ၣ်ကအိၣ်ဒီးတၢ်ဒီသဒၢအဂီၢ်န့ၣ် မုၢ်လၢ်တသ့ဒံးဘၣ်. အခဲအံၤအဝဲသ့ၣ်မ့ၢ်ဘၣ်ဒိဘၣ်ထံးန့ၣ်အဝဲသ့ၣ်ကဒဲကဒဲလီၤမၤစၢၤလီၤက့ၤသးသ့ဝဲဒ်န့ၣ်လီၤ.” အဂ့ၢ်စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.

လၢန့ၣ်အမဲၥ်ညါပယီၤသုးကရူၢ်အံၤစးထီၣ်လၢဟံးန့ၢ်ဆူၣ်တၢ်စိတၢ်ကမီၤဒီးတုၤလီၤလၢအခဲအံၤန့ၣ်မၤဝဲကလံၤကျါကဘီယူၤတၢ်ထီၣ်ဒုးအိၣ်ဝဲ ၃,၇၄၄ ဘျီဒ်အံၤအဃိပှၤဘၣ်သံဝဲခဲလၢၥ် ၄,၁၃၅ ဂၤလံအသိးအကျါပှၤတဆံဃိးနံၣ်ဆူဖီ လၥ်ဖိသၣ်ပၣ်ဃုၥ်ဝဲ ၅၆၀ ဂၤဃၣ်ဃၣ်အဂ့ၢ်သ့ၣ်ညါဘၣ်န့ၣ်လီၤ.

ဒ်န့ၣ်အသိးလၢကီၢ်ပယီၤဒီတဘ့ၣ်အပူၤစ့ၢ်ကီးတၢ်မၤလိကၠိ ၃၇၄ ဖျၢၣ်, တၢ်ဆါဟံၣ် ၁၂၉ ဖျၢၣ်, တၢ်ဘူၣ်တၢ်ဘါတၢ် သူၣ်ထီၣ် ၅၇၆ ဖျၢၣ် သ့ၣ်တဖၣ်အံၤဘၣ်ဟးဂီၤကွံၥ်ဝဲဒၣ်အဂ့ၢ် ဒီကလုၥ်တၢ်ဃူးတၢ်ဖိးအပဒိၣ် NUG ပှၤဂ့ၢ်ဝီခွဲးယၥ် ဝဲၤကျိၤအလံၥ်ထုးထီၣ်ဘိးဘၣ်ရၤလီၤပူၤအသိးသ့ၣ်ညါဘၣ်န့ၣ်လီၤ.

လၢန့ၣ်အမဲၥ်ညါပယီၤသုးကရူၢ်အံၤမၤသံပှၤကမျၢၢ်ဒီဒူၣ်ဒီထၢကဲထီၣ်အသးအိၣ်ဝဲတပယူၥ်ဃီအသိးတုၤတကီၢ်ခါခဲအံၤန့ၣ်ခီဖျိလၢသုးကရူၢ်တၢ်မၤသံမၤဝီတၢ်အဃိပှၤဘၣ်သံအိၣ်တုၤဝဲလၢ ၄,၇၆၄ ဂၤလံအသိးအကျါပှၤသးနံၣ်တဆံ ဃိးနံၣ်ဆူဖီလၥ်ဖိသၣ်ပၣ်ဃုၥ်ဝဲ ၅၃၈ ဂၤဒီးပှၤပိၥ်မုၣ် ၈၂၉ ဂၤပၣ်ဃုၥ်ဝဲန့ၣ်လီၤ.

တကတီၢ်ဃီပယီၤသုးကရူၢ်တကပၤဒ်သိးအတၢ်ဃုထၢမူးတၢ်ရဲၣ်တၢ်ကျဲၤကကဲထီၣ်လိၣ်ထီၣ်ဝဲအဂီၢ်ရဲၣ်ကျဲၤမၤဝဲတပယူၥ်ဃီအသိးလၢအတကပၤလၢတၢ်ကက့ၤထီၣ်ဒိၣ်စိကဒါက့ၤဝဲအတၢ်လီၢ်လၢအဘၣ်ပျၢ်စုပျၢ်ခီၣ်ကွံၥ်ဝဲသ့ၣ်တဖၣ်န့ၣ်ကတီၢ်အံမၤဆူၣ်ထီၣ်ဝဲဒၣ်ဒုးယၤတၢ်ဟူးတၢ်ဂဲၤရုၢ်ရုၢ်အဂ့ၢ်တၢ်ပၢၢ်ဆၢသုးပၥ်ဖှိၣ်သ့ၣ်တဖၣ်ပဲၥ်ထံနီၤဖးစံးဝဲန့ၣ်လီၤ.