လါမးရှး ၁၆ သီ, ၂၀၂၆ နံၣ်, ခ့ၣ်အဲးစံၣ်
(KTLA)ဆၣ်ကဆီသုးတြိၤခိၣ်သုးခိၣ်အဲၣ်ခွံလၢအမံၤဟူသၣ်ဖျါလၢအတဂ့ၤဘၣ်အံၤ မ့ၢ်ပှၤတဂၤလၢအယိးကဒါဘီလၢ တၢ်ပၢၢ်ဆၢ အပူၤ တကးဒံးဘၣ်က့ၤပၥ် ဖှိၣ်မၤသကိးတၢ်ဒီးသုးမီၤစိရိၤလၢ(နအဖ)စိၤအခါလံၤလံၤ လံအဂ့ၢ်န့ၣ် ခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ် ထုးထီၣ်ပၥ်ဖျါဝဲစံးဝဲ ဖဲတနံၤအံၤဟါခီအံၤန့ၣ်လီၤ.
ဒ်လံၥ်တၢ်ဘိးဘၣ်ရၤလီၤပူၤစံးဝဲအသိးန့ၣ် သုးခိၣ်အဲၣ်ခွံအံၤစးထီၣ်လၢ(၂၀၂၁)သုးဟံန့ၢ်တၢ်စိတၢ် ကမီၤဝံၤလီၢ်ခံန့ၣ် ဟးကရၢကရိ ဝဲလီၢ်ကဝီၤကညီကမျၢၢ်ဒီးပှၤ(PDF)ဖိသ့ၣ်တဖၣ်အမဲၥ်ညါဖဲ(၂၀၂၄)ဒီး(၂၀၂၆)ဖဲတၢ် ဒုးဆူၣ် ထီၣ်အကတီၢ်အံၤန့ၣ်ခိးခးဟုၣ်ဝဲ (သုးက့ ၄)အပှၤဒီးတၢ်ပၢၢ်ဆၢကရူၢ်ကရၢအတၢ်လီၢ်တၢ်ကျဲ,အပှၤသုးဖိ ဒီး သိလ့ၣ်လၢအတီၣ်ဝဲ တၢ်အီၣ်တၢ်အီ,ကသံၣ်ကသီ သ့ၣ်တဖၣ်အိၣ်ထီၣ်ဝဲတလီၢ်လီၢ်အဂ့ၢ်န့ၣ် ခ့ၣ်အဲၣ်ယူၣ် စံးဝဲန့ၣ်လီၤ.
ဒီးအဝဲသ့ၣ်ကရူၢ်အံၤမ့စံးလီၤအသးလၢအပၢၢ်ဆၢထီဒါဝဲသုးမီၤစိရိၤအံၤဘၣ်ဆၣ် လၢတၢ်ပၢၢ်ဆၢထီဒါသုးမီၤစိရိၤတၢ်ဟူးတၢ်ဂဲၤ အပူၤအတၢ်ပၥ်ဖှိၣ်မၤသကိးတၢ်ဒီးတၢ်ပၢၢ်ဆၢကရူၢ်တအိၣ်နီတဖုဘၣ်အမဲၥ်ညါ မ့မ့ၢ်တခီခိးခးဟုၣ်,မၤသံဟုၣ် ဝဲတၢ်ပၢၢ်ဆၢကရူၢ် ကရၢအပှၤအဂ့ၢ်န့ၣ် စံးဝဲန့ၣ်လီၤ.
ဟီၣ်ကဝီၤတၢ်ပၢၢ်ဆၢကရူၢ်ကရၢအပှၤသုးဖိအမဲၥ်ညါမၤသံဃုၥ်စ့ၢ်ကီးဝဲလီၢ်ကဝီၤကမျၢၢ်ထံဖိကီၢ်ဖိ,ဒွဲၣ်အူအီၣ်ဝဲကမျၢၢ်အဟံၣ်အဃီတကးဒံးဘၣ်ဟံဆူၣ်ဟံဆိးဝဲမုၢ်ကျိၤဝဲၤကွၥ်တၢ်မၤကစၢ်လၢအတၢ်ဘၣ်ထွဲတအိၣ်ဒီးဒုယၤထံရူၢ်ကီၢ်သဲးသ့ၣ်တဖၣ်အံၤအကျိၣ်အစ့အါအါဂီၢ်ဂီၢ်စ့ၢ်ကီးအဂ့ၢ်န့ၣ် ခ့ၣ်အဲၣ်ယူၣ် စံးဝဲန့ၣ်လီၤ.
လၢတၢ်န့ၣ်အဃိ သုးခိၣ်အဲၣ်ခွံလၢအမၤတံၥ်တၥ်ဝဲတၢ်ပၢၢ်ဆၢကရူၢ်ကရၢဒီးထံဖိကီၢ်ဖိကမျၢၢ်အံၤအတၢ်ဖံးတၢ်မၤတၢ်ဟူးတၢ်ဂဲၤ တဖၣ်လုၢ်သ့ၣ်ခါပတၥ်ဝဲပှၤဂ့ၢ်ဝီခွဲးယၥ်အိၣ်ဖျါဝဲဖျိဖျိဖျါဖျါ ဒီး လၢအတၢ်ဖံးတၢ်မၤသ့ၣ်တဖၣ်အံၤအဖီခိၣ်ကဲထီၣ်ဝဲတၢ်တိစၢၤမၤစၢၤ လၢ သုးမီၤစိရိၤအဂီၢ်ဒီးဒုးထီထီၣ်ဝဲသုးမီၤစိရိၤအသးသမူအဃိ ခ့ၣ်အဲၣ်ယူၣ် ဘျံးဒဝဲၢ်ကီၢ်ရ့ၣ် ထီဒါပဲၥ်အၢပဲၥ်သီဝဲတဲၥ်တဲၥ်ဖျုဖျု အဂ့ၢ်န့ၣ် လံၥ်တၢ်ပၥ်ဖျါအပူၤစံးဝဲ န့ၣ်လီၤ.
လၢန့ၣ်အမဲၥ်ညါသုးခိၣ်အဲၣ်ခွံ ဒီး အပှၤမၤသကိးတၢ်တဖၣ်အံၤမၤတၢ်ထီဒါကမျၢၢ်ဒီးတၢ်ဘၣ်ထွဲအိၣ်စ့ၢ်ကီးလၢသုးမီၤစိရိၤအဒုး ယၤရဲၣ် ကျဲၤဖီလၥ်တကးဒံးဘၣ်ထီဒါဝဲတၢ်ပၢၢ်ဆၢကရူၢ်ကရၢတုၤလၢခဲအံၤတစုအဃိ ကမျၢၢ်ထံဖိကီၢ်ဖိဒီးတၢ်ပၢၢ်ဆၢကရူၢ် ကရၢ လၢအိၣ်တနီသရံၣ်ကီၢ်ခီဟီၣ်ကဝီၤပူၤတဖၣ်အခၢၣ်စး ခ့ၣ်အဲၣ် ယူၣ် ဘျံးဒဝဲၢ်ကီၢ်ရ့ၣ်(သုးက့ ၄)ဘိးဘၣ်ရၤလီၤဒီးပၥ်ပနီၣ် အဝဲသ့ၣ် လၢ သုးမီၤစိရိၤအသိၣ်မှံၤသုးကရူၢ်တဖုအဂ့ၢ်န့ၣ် စံးဝဲန့ၣ်လီၤ.
တချုးလၢခ့ၣ်အဲၣ်ယူၣ်ဘျံးဒဝဲၢ်ကီၢ်ရ့ၣ်ထုးထီၣ်ပၥ်ဖျါလံၥ်တဘ့ၣ်အံၤဒံးဘၣ်အခါအဘူးကတၢၢ်ဖဲမဟါလါမးရှး ၁၄ သီအနံၤန့ၣ် လၢကစၢၢ်ဒိၣ်ကီၢ်ဆၣ် ပီချိဟီၣ်ကဝီၤအပူၤ တၢ်ပၢၢ်ဆၢသိၣ်မှံၤအပှၤတဖၣ်ဖဲအအိၣ်ဟဲက့ၤလီၤလၢ မိဒီၣ်သုးကလၢၤအခါ ခီဖျိ (KTLA)သုးခိၣ်အဲၣ်ခွံအပှၤခိးခးဝဲအဃိသံဝဲ(၆)ဂၤဒီးဘၣ်ဒိဘၣ်ထံးဝဲ(၃)ဂၤန့ၣ်လီၤ.
တကးဒံးဘၣ်တချုးတၢ်ကဲထီၣ်သးအံၤဒံးဘၣ်ဖဲအပူၤကွံၥ်တလါအံၤလါမးရှး ၄ သီဒီး ၇ သီအနံၤစ့ၢ်ကီး ခီဖျိလၢ(KTLA) သုးခိၣ်အဲၣ်ခွံအပှၤ ခိးခးဝဲဒီး ဖီၣ်မၤသံဝဲဆှုၣ်မဲၥ်ကဲၤမဲၥ်အံၤအဃိ (KNLA)သုးရ့ၣ်-၁၂ အပှၤသံ(၂)ဂၤဒီးဘၣ်ဒိဘၣ်ထံး (၅)ဂၤကဲ ထီၣ်ဒံးဝဲဒၣ်န့ၣ်လီၤ.
