လါယူၤလံ ၁၃သီ, ၂၀၂၆နံၣ်, ခ့ၣ်အဲးစံၣ်.
(Kaw Thoo Lei Army-KTLA) ကီၢ်သူလ့ၤသုးမုၢ်ဒိၣ် ထုးထီၣ်ဝဲဒၣ် ခီၣ်ဖံၣ် Coffee အဘိၣ်လိၤတၢ်ပနီၣ်န့ၣ်ပၣ်ဃုၥ်ဝဲဒၣ်ဒီး ခ့ၣ်အဲၣ်ယူၣ်-ကညီဒီကလုၥ်စၢဖှိၣ်ကရၢ စုတီၤဖီလၥ် ဝဲၤကျိၤတဘိလၢအမ့ၢ် ကညီဆူၣ်ချ့မၤစၢၤဝဲၤကျိၤ(Karen Department of Health and Welfare-KDWH) အတၢ်စဲပနီၣ်န့ၣ်လီၤ.
လၢတၢ်န့ၣ်အဃိခီဖျိလၢ (Kaw Thoo Lei Army-KTLA)သူဝဲ တၢ်စဲပနီၣ်လၢ အတဘၣ်သဲစးတၢ်ဘျၢဒ်အံၤအဖီခိၣ် တၢ်ကထုးသံကွံၥ်က့ၤ ကညီဆူၣ်ချ့မၤစၢၤတၢ်စဲပနီၣ်လၢ(KTLA Coffee)ဘိၣ်လိၤအဂီၢ် လီၢ်ခၢၣ်သးကညီဆူၣ်ချ့မၤစၢၤဝဲၤကျိၤပှၤဘၣ်မူဘၣ်ဒါ စံးဝဲဒၣ်န့ၣ်လီၤ.
ဘၣ်ဃးဒီးတၢ်ဟံန့ၢ်သူဝဲ ကညီဆူၣ်ချ့မၤစၢၤဝဲၤကျိၤတၢ်စဲပနီၣ်လၢ အတဖိးဒီးသဲစးတၢ်ဘျၢဒ်အံၤန့ၣ် တၢ်ဟ့ၣ်သူအီၤတသ့ဘၣ်အဂ့ၢ်ဒီး ခီဖျိလၢတၢ်စဲပနီၣ်အံၤ တၢ်ပၥ်ပနီၣ်သူအီၤထဲလၢဆူၣ်ချ့မၤစၢၤဝဲၤကျိၤတခါ ဧိၤလီၤအဃိပှၤတဖုလၢ်လၢ်လၢဟံသူဝဲတၢ်စဲပနီၣ်ဒ်အံၤအသိးတဖၣ်ကထုးသံကွံၥ်က့ၤအီၤဒီးကဃုသူက့ၤဝဲတၢ်စဲပနီၣ်လၢအဂၤအဂ့ၢ် လီၢ်ခၢၣ်သးကညီဆူၣ်ချ့မၤစၢၤဝဲၤကျိၤ-KDHW အဝဲၤကျိၤခိၣ် ပဒိၣ်စီၤဒဲမၢၣ်ခ့ၣ် စံးဝဲဒၣ်ဒ်အံၤန့ၣ်လီၤ.
အဝဲစံးဝဲလၢ“တၢ်လၢ(Logo) န့ၣ်အိၣ်ဒီးအဂ့ၢ်အကျိၤအတၢ်ပၥ်ပနီၣ်ဒီး ပဝဲ ဒ်အမ့ၢ်ခ့ၣ်အဲးယူၣ်ဝဲၤကျိၤ(၁၂)ဘိအကျါတဘိအသိးန့ၣ် ပှၤလၢအဂၤတဖုဟံသူဝဲဒ်အံၤအဖီခိၣ် မ့ၢ်တၢ်လၢတဖိးမံဒီးသဲစးတၢ်ဘျၢဘၣ်န့ၣ်လီၤ.ပှၤအဟံသူ(Logo)အံၤယအဲၣ်ဒိးလၢကထုးသံကွံၥ်ဝဲဒီးပဟ့ၣ်သူအီၤတသ့ဘၣ်. ခီဖျိလၢ(Logo)ဝဲအံၤန့ၣ် တၢ်သူဝဲဒၣ်ထဲလၢဆူၣ်ချ့မၤစၢၤဝဲၤကျိၤအဂီၢ်န့ၣ်လီၤ. အဃိတၢ်ကဘၣ်ထုးသံကွံၥ်အီၤဒီးကဃုသူက့ၤဝဲတၢ်စဲပနီၣ်လၢအဂၤန့ၣ်လီၤ.”အဂ့ၢ်စံးဝဲဒၣ်န့ၣ်လီၤ.
လၢန့ၣ်အမဲၥ်ညါ ကညီဆူၣ်ချ့မၤစၢၤဝဲၤကျိၤအတၢ်စဲအနီၣ်အံၤ ဒ်သိးတၢ်စူးကါအီၤကသ့အဂီၢ် တၢ်ကဘၣ်ဆှၢထီၣ်အီၤဆူ ခ့ၣ်အဲၣ်ယူၣ်(EC)အိၣ်ဝံၤ တၢ်ပၥ်ပနီၣ်အီၤမ့ၢ်ဝံၤမးဒီးတၢ်သူအီၤသ့အဂ့ၢ်, ဒီးလၢတၢ်ဟံန့ၢ်သူတၢ်စဲပနီၣ်လၢတအိၣ်ဒီးတၢ်ပျဲဘၣ်အံၤမ့ၢ်တၢ်လၢအတဖိးဒီးသဲစးတၢ်ဘျၢဘၣ်အဂ့ၢ်အဝဲတဲအါထီၣ်ဝဲဒၣ်န့ၣ်လီၤ.
ကညီဆူၣ်ချ့မၤစၢၤဝဲၤကျိၤ(KDHW)တၢ်စဲပနီၣ်(logo)အံၤ တၢ်ဟ့ၣ်တၢ်ပျဲသ့ထဲလၢ တၢ်ဖံးတၢ်မၤဘၣ်ဃးဆူၣ်ချ့တၢ်ဟူးတၢ်ဂဲၤဒီး မ့မ့ၢ်လၢကီၢ်ရ့ၣ် ကီၢ်ဆၣ် ဒီးဆူၣ်ချ့ပှၤမၤတၢ်ဖိခဲလၢၥ်မ့ၢ်အဲၣ်ဒိးစူးကါဝဲ ကညီဆူၣ်ချ့မၤစၢၤဝဲၤကျိၤတၢ်စဲပနီၣ်(Logo)အံၤန့ၣ် မ့တမ့ၢ်လၢဆူၣ်ချ့တၢ်ဟ့ၣ်တၢ်သ့ၣ်ညါနၢ်ပၢၢ်ဘၣ်ဒီး ကဘၣ်ဃ့တၢ်ပျဲလၢဝဲၤကျိၤခိၣ်အိၣ်မ့ၢ်ဝံၤ,တၢ်မ့ၢ်ဟ့ၣ်အီၤတၢ်ပျဲမးသူဝဲသ့အဂ့ၢ် ကညီဆူၣ်ချ့မၤစၢၤဝဲၤကျိၤ(KDHW) ထုးထီၣ်ပၥ်ဖျါတ့ၢ်ဝဲဒၣ်ဖဲအပူၤကွံၥ် ၂၀၂၁နံၣ်, လါဖ့ၤဘြူၤအါရံၤ,၁၅သီ အနံၤအိၣ်ဝဲဒၣ်န့ၣ်လီၤ.