KIC News

လါအ့ြဖ့ၣ် ၂၉သီႇ၂၀၂၀နံၣ်ႇ ခ့ၣ်အဲးစံၣ် တနံၣ်အံၤ ၂၀၁၉=၂၀၂၀ တၢ်သိၣ်လိနံၣ်အံၤန့ၣ် ၦၤကၠိဖိလၢအနုာ်လီၤဒိးစဲး၀ဲ ၁၂ တီၤ ကီၢ်သူလ့ၤပဒိၣ် တၢ်ဒိးစဲးတဖၣ် ဖျိထီၣ်အမျးကယၤစှၤလီၤ၀ဲဒၣ်အဂ့ၢ်န့ၣ် ကညီကူၣ်သ့ဆဲးလၤ၀ဲၤကျိၤအနဲၣ်ရွဲၣ် ပဒိၣ်စီၤလီၤအဲၣ်မူစံး၀ဲန့ၣ်လီၤႉ အ၀ဲစံး၀ဲလၢ “ကၠိဖိဖျိထီၣ် မျးကယၤစှၤလီၤအဖီခိၣ်န့ၣ် ပပဲာ်ထံနီၤဖးအီၤတၢ်ဂ့ၢ်ဟဲကဲထီၣ်သ့တဘျုးမံၤမီၣ်ႉ တၢတမံၤန့ၣ် အအါကတၢၢ်န့ၣ် ပလံာ်မိၢ်ၦၢ်တလၢဘၣ်ႉ ခံခါတခါန့ၣ် ပလံာ်မိၢ်ၦၢ်လၢပနီၤလီၤသ့ၣ်တဖၣ်န့ၣ်ဒီး ကၠိသူ၀ဲတဖၣ်န့ၣ် တဒ်သိးလိာ်အသးခဲလၢာ်ဘၣ်ႉ...

လါအ့ြဖ့ၣ် ၂၉ သီႇ ၂၀၂၀ နံၣ်ႇ စီၤမၠၣ်အူသၣ် Covid-19 ဘၣ်ကူဘၣ်ဂာ်ကဲထီၣ်သးအကတီၢ် လီၢ်က၀ီၤကမျၢၢ်လၢအလီၤဘၣ်တၢ်ကီတၢ်ခဲအဖၣ်အဂီၢ် ဖဲလါအ့ြဖ့ၣ် ၂၇ သီအနံၤန့ၣ် တၢ်ဘၣ်ဘျုးဒံၣ်မိၣ်ြခ့ၣ်စံၣ်ကညီသုးမုၢ်ဒိၣ်(DKBA-NCA) ကရူၢ်အံၤ ဟ့ၣ်မၤစၢၤ၀ဲဂံၢ်ခီၣ်ထံး တၢ်အီၣ်တၢ်အီတဖၣ်ဒီး ကျိၣ်စ့တၢ်မၤစၢၤအဂ့ၢ်န့ၣ် သ့ၣ်ညါဘၣ်လီၤႉ ကၠၤအ့စ့ၣ်ကၠံကီၢ်ဆၣ် လ့ဖးထီသ၀ီပူၤ ဟံၣ်ခိၣ် ၄၀၀ ဖျၢၣ်ဘျဲၣ်အံၤ ဟံၣ်ခိၣ်တဖျၢၣ်အဂီၢ် ဆီၣ်ထွဲမၤစၢၤ၀ဲ ဟုသး...

လါအ့ြဖ့ၣ် ၂၈သီႇ ၂၀၂၀နံၣ်ႇ ခ့ၣ်အဲးစံၣ် ဒ်သိးဒီးသ့ၣ်မုၢ်၀ၣ်ဘိခိၣ်ဃၢၤန့ဆၢၣ်တဖၣ် အစၢၤသုတလီၤတူာ်တဂ့ၤအဂီၢ်ဒီး ဒ်သိး ကပူၤဖျဲးဒီးတၢ်မၤဟးဂီၤအကလုာ်ကလုာ်အဂီၢ် ဖဲလါအ့ြဖ့ၣ် ၂၅ သီအနံၤန့ၣ် လီၢ်က၀ီၤဒူဖိသ၀ီဖိႇ ကီၢ်ရ့ၣ်သ့ၣ်ၦၢ်ၦၤဘၣ်မူဘၣ်ဒါဒီး ကီၢ်ဆၣ်သ့ၣ်ၦၢ်ၦၤဘၣ်မူဘၣ်ဒါတဖၣ် ပာ်ဖှိၣ်ထီၣ်သးဒီးမၤ၀ဲတၢ်ကတီၤသကိးက့ၤ သ့ၣ်ဖးဒိၣ်တထူၣ်လၢအမ့ၢ် ကၠီၤက့ၣ်ထူၣ်လၢအသးနံၣ်အိၣ်၀ဲ အနံၣ် ၂၀၀ ဘျဲၣ်တထူၣ် လၢအအိၣ်ဖဲပံၣ်တခးသ၀ီ ႇ တၢ်ြကဲၢ်ကီၢ်ဆၣ်ႇဖၣ်အၣ်ကီၢ်ရ့ၣ်အံၤန့ၣ်လီၤႉ တၢ်ြကဲၢ်ကီၢ်ဆၣ် သ့ၣ်ၦၢ်၀ဲၤကျိၤၦၤမၤတၢ်ဖိ စီၤအဲၣ်ခုၣ်မူ...

လါအ့ြဖ့ၣ် ၂၇ သီႇ ၂၀၂၀ နံၣ်ႇ ခ့ၣ်အဲးစံၣ် ကီၢ်ပယီၤသုးအံၤ လုၢ်သ့ၣ်ခါပတာ်၀ဲဒၣ်ထံကီၢ်ဒီဘ့ၣ်တၢ်ပတုာ်တၢ်ခး =NCA ဒီး ဆဲးဒုးထီဒါဒံး ၀ဲကမျၢၢ်ထံဖိကီၢ်ဖိအဂ့ၢ်န့ၣ် ဃိၣ်လိာ်တၢ်မုာ်တၢ်ခုၣ်ကရၢၢ်ကမံးတံာ် ထုးထီၣ်ပာ်ဖျါ၀ဲဒီးစံး၀ဲလီၤႉ ခ့ၣ်အဲၣ်ယူၣ်–ကညီဒီကလုာ်စၢဖှိၣ်ကရၢ မုၢ်ြတီၢ် (ဖၣ်ပူၣ်)ကီၢ်ရ့ၣ် သုးက့ ၅ႇ လူၤသီကီၢ်ဆၣ်အပူၤန့ၣ် ဖဲအပူၤကွံာ် လါမးရှး ၃၁ သီအနံၤန့ၣ် စီၤသဲးမံလၢပယီၤသုးခးသံ၀ဲအံၤ တၢ်သ့ၣ်နီၣ်ဆၢက့ၤအဂီၢ်...

လါအ့ြဖ့ၣ် ၂၇ သီႇ ၂၀၂၀ နံၣ်ႇ စးအဲၣ်ဆူ ဖဲတၢ်ြတီဆၢ Covid-19 အကတီၢ် ဒ်သိးတၢ်ဆါအံၤသုတရၤလီၤသးတဂ့ၤအဂီၢ် တၢ်ြတီဃာ်၀ဲလီၢ်က၀ီၤကမျၢၢ်တဖၣ်အဟးထီၣ်နုာ်လီၤအိၣ်၀ဲဘၣ်ဆၣ် ဖဲကီးတရံး–ကၠဲးဒိကျဲအံၤန့ၣ် ကါတီၣ်သ့ၣ်တဖၣ် ဟးထီၣ်က့ၤလီၤအိၣ်ဒံး၀ဲကိးမုၢ်နၤဒဲးအဂ့ၢ်န့ၣ် လီၢ်က၀ီၤဖိတဖၣ် စံး၀ဲလီၤႉ လၢကျဲအ၀ဲန့ၣ် တကီၢ်ခါဆၢကတီၢ်ခဲအံၤ ခီဖျိလၢတၢ်ဆါတၢ်အိၣ်သးအဃိ တၢ်ပာ်ပနီၣ်၀ဲတၢ်ဟးထီၣ်က့ၤလီၤဒီး တၢ်သမံသမိးတဖၣ်အိၣ်၀ဲအကျါ ကါတီၣ်သ့ၣ်တဖၣ်ဟးထီၣ်က့ၤလီၤအိၣ်ဒံး၀ဲအဖီခိၣ်န့ၣ် လီၢ်က၀ီၤဖိတဖၣ် စံး၀ဲဒ်အံၤလီၤႉ ၦၤလၢအအိၣ်ဖဲ ကီးတရံး–ကၠဲးဒိကျဲဖးဒိၣ်ကပၤ လီၢ်က၀ီၤဖိလၢတအဲၣ်ဒိးပာ်ဖျါအမံၤတဂၤစံး၀ဲလၢ...

NCA အကျဲအံၤမ့ၢ်ကဆှၢၦၤဆူထံလီၢ်ကီၢ်ပူၤတၢ်မုာ်တၢ်ခုၣ်အဖီတၢၣ်အနီၢ်ကီၢ်ဧါ… တံနိ(သ၀ီတါ) တကီၢ်ခါဆၢကတီၢ်ခဲအံၤ ထံကီၢ်ကိးဘ့ၣ်ဒဲးထံၣ်ဘၣ်သဂၢၢ်၀ဲဒီး Covid-19 တၢ်သံသြတိ၁်တၢ်ဆါႇ ဒီးတုၤခဲအံၤန့ၣ် ၦၤလၢဒိးန့ၢ်ဘၣ်တၢ်ဆါလၢဟီၣ်ခိၣ်ဒီဘ့ၣ် အနီၣ်ဂံၢ်အိၣ်၀ဲတကကွဲၢ်ဘျဲၣ်ဒီး ၦၤသံလၢတၢ်ဆါအံၤအနီၣ်ဂံၢ်အိၣ်၀ဲခွံကလီၢ်ဃၣ်ဃၣ်လံန့ၣ်လီၤႉ လီၤဆီဒၣ်တၢ်ပဘၣ်စံးဘျုးကသံၣ်သရၣ် /မုၣ်ဒီး ၦၤမၤတၢ်လၢတၢ်ဆါဟံၣ်တဖၣ်အဒိၣ်အမုၢ်ႇ မ့ၢ်လၢအ၀ဲသ့ၣ်န့ၣ် ဟ့ၣ်လီၤအသးကူစါယါဘျါဂုာ်န့ၢ်ၦၤဆါတဖၣ် အသးသမူလၢတၢ်သံဒိၣ်အစုပူၤအဃိန့ၣ်လီၤႉ ကသံၣ်သရၣ်လၢအယါဘျါတၢ်သံသြတိ၁်တၢ်ဆါအံၤအကျါတနီၤန့ၣ်ႇ တၢ်ဆါအဃၢ်ဘၣ်ကူဘၣ်ဂာ်အီၤအဃိ ဘၣ်ဟ့ၣ်လီၤကွံာ်အသးသမူအိၣ်၀ဲ အဂၤလၢအဆံတဖၣ်လံစ့ၢ်ကီးလီၤႉ အ၀ဲသ့ၣ်မ့ၢ်“ၦၤဒူၦၤဃိၤ”လၢပကဘၣ်ပာ်ဒိၣ်မၤလၤကပီၤအီၤန့ၣ်လီၤႉ မ့ၢ်လၢဟီၣ်ခိၣ်ဒီဖျၢၣ်ထံကီၢ်ကိးဘ့ၣ်ဒဲး ထံၣ်ဘၣ်သဂၢၢ်၀ဲဒီး Covid-19 တၢ်သံသြတိ၁်တၢ်ဆါႇ...

လါအ့ြဖ့ၣ် ၂၀ သီႇ ၂၀၂၀ နံၣ်ႇ စီၤမၠၣ်အူသၣ် မိၣ်ကီၢ်စဲၣ် သထူၣ်ကီၢ်ဆၣ် ဒနူၣ်သ၀ီ ပဒိၣ်သ့ၣ်ၦၢ်၀ဲၤကျိၤအံၤ ဖဲတၤသူကစၢၢ်သ့ၣ်ၦၢ်(၀က်၀ံေတာင်) အကပိၤ က ပၤန့ၣ် ဒ်သိးတၢ်ကမၤဖျါထီၣ်၀ဲ ဒိဂ့ၤတဲာ်ဘၣ်တၢ်သူၣ်သ့ၣ်ၦၢ်အဂီၢ် ဟဲမၤရှဲလဲ၀ဲသ့ၣ်ၦၢ် ၂၀၀ အ့ကၢၣ် အဆၢကတီၢ် ခီဖျီဒဲွၣ်အူအီၣ်တၢ်အဃိ လီၢ်က၀ီၤဖိကျီးလီၢ်တဖၣ် မ့ၣ်အူဟဲအီၣ်ဃုာ်၀ဲဒၣ်ဒီး နံၣ်ယံာ်တၢ်ထူၣ်တၢ်ဘိကျီးလီၢ် ၄၀...

လါအ့ြဖ့ၣ် ၂၀ သီႇ ၂၀၂၀ နံၣ်ႇ ခ့ၣ်အဲးစံၣ် ဖဲလါအ့ြဖ့ၣ် ၁၇ သီ (ကီၢ်ပယီၤ နံၣ်ထီၣ် ၁ သီ)အနံၤန့ၣ် ကီၢ်ပယီၤအကီၢ်ခိၣ်ပျၢ်ဖျဲးကွံာ်၀ဲ ဖၣ်အၣ်ဃိာ်ပူၤ ၦၤဃိာ်ဖိခဲလၢာ် ၂၃၉ ဂၤအဂ့ၢ်န့ၣ် သ့ၣ်ညါဘၣ်လီၤႉ ထံကီၢ်ဒီဘ့ၣ် ဃိာ်ပူၤႇ တၢ်လီၢ်ကိးတီၤဒဲးစုာ်စုာ် ၦၤဃိာ်ဖိတဖၣ်ႇ ဃုာ်ဒီး ထံဂုၤကီၢ်ဂၤဖိ ၦၤဃိာ်ဖိတဖၣ်ခဲလၢာ်...

လါအ့ြဖ့ၣ် ၁၈ သီႇ ၂၀၂၀ နံၣ်ႇ စးအဲၣ်ဆူ တကီၢ်ခါ (Covid-19) တၢ်ဆါဘၣ်ကူဘၣ်ဂာ်အဆၢကတီၢ် ဒ်သိးတၢ်ဆါအံၤ တၢ်ဒီသဒၢြတီဆၢအီၤကန့ၢ်အဂီၢ် ဖဲမဟါကၢာ် (လါအ့ြဖ့ၣ် ၁၅ သီ)အနံၤန့ၣ် KNU– ကညီဒီကလုာ်စၢဖှိၣ်ကရၢ လီၢ်ခၢၣ်သး၀ဲၤလီၢ်ခိၣ်သ့ၣ် ဆှၢလီၤ၀ဲလံာ်တၢ်နဲၣ်လီၤဆူ ကီၢ်ရ့ၣ်ႇ ကီၢ်ဆၣ်ႇ ကရူၢ်ႇ ဒူသ၀ီလၢ ကလူၤပိာ်မၤထဲတွၢ်သိၣ်တၢ်သီလံာ်တဖၣ်န့ၣ်လီၤႉ ဟီၣ်ခိၣ်ဒီဘ့ၣ်တၢ်ဆါဘၣ်ကူဘၣ်ဂာ်လၢအဟဲကဲထီၣ်ဒံးအသးအကတီၢ်ဒီး...

လါအ့ြဖ့ၣ် ၁၅သီႇ ၂၀၂၀ နံၣ်ႇ စးအဲၣ်ဆူ ကီၢ်ပယီၤပဒိၣ်ဒီး သုးမုၢ်ဒိ ဘိးဘၣ်ရၤလီၤ၀ဲ ရခၢၣ်သုးမုၢ်ဒိၣ် (AA)အံၤလၢ ၦၤပူထီၣ်လီထီၣ်တၢ်ကရူၢ်အံၤဒီး လဲၤထီၣ်ဒုး၀ဲ ရခၢၣ်တၢ်ဂ့ၢ်အံၤ လီၤဂာ်ဒ်သိး မ့ၢ်တၢ်ဟ့ၣ်ပလီၢ်ဆူ ကလုာ်ဒူၣ်တၢ်ပၢၢ်ဆၢကရူၢ်အဂၤတဖၣ်အဂီၢ် စ့ၢ်ကီးလီၤအဂ့ၢ်န့ၣ် ဖဲလါအ့ြဖ့ၣ် ၁၄သီအနံၤ ဟီၣ်ခိၣ်ဒီဘ့ၣ်ကညီကရၢ –IKO ထုးထီၣ်၀ဲလံာ်တၢ်ပာ်ဖျါဒီး စံး၀ဲဒၣ်န့ၣ်လီၤႉ ရခၢၣ်သုးမုၢ်ဒိၣ် (AA) အံၤ...