လါယူၤ ၁၈ သီ, ၂၀၂၆ နံၣ်, ခ့ၣ်အဲးစံၣ်
လၢတလၢၤကီၢ်စဲၣ် ဝီၢ်ရ့ၣ်ဟီၣ်ကဝီၤ မိၣ်ကီၢ်သီပၣ်တံၣ်တၢ်ပၢဟီၣ်ကဝီၤအပူၤ ကမျၢၢ်ပှၤလီၢ် အိၣ်ကမှံဖိဒဲကဝီၤတၢ်လီၢ်တခါ လၢအဘၣ်တၢ်တ့ထီၣ်အီၤလၢယပၣ်ထံကီၢ်ပဒိၣ်စ့ပၥ်ကီၤအတၢ်ဆီၣ်ထွဲမၤစၢၤအံၤ ဖဲတဂီၤအံၤဂီၤခီဂီၤဂီၤအဆၢကတီၢ်န့ၣ် ပယီၤသုးကဘီယူၤလဲၤတ့ၢ်လီၤဝဲမ့ၣ်ပိၢ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
ဖဲတနံၤအံၤလါယူၤ ၁၈ သီ ဂီၤခီဂီၤဂီၤ ၁း၀၀ ဃၣ်ဃၣ်အဆၢကတီၢ် ပှၤလီၢ်အိၣ်ကမှံဖိလီၢ်လၢအိၣ်ဖဲခၠီနခွၣ်သဝီအံၤ ကဘီယူၤပညိၣ်လဲၤတ့ၢ်လီၤဝဲမ့ၣ်ပိၢ်(၂)ဖျၢၣ်န့ၣ်လီၤ. လၢတၢ်လဲၤတ့ၢ်လီၤမ့ၣ်ပိၢ်ဘျီဝဲအံၤန့ၣ် တၢ်သံတၢ်ဘၣ်ဒိ ဘၣ်ထံးမ့ တအိၣ်ဘၣ် ဘၣ်ဆၣ်ဟံၣ်ခိၣ်အဖျၢၣ်(၇၀)ဘျဲၣ်အကျါ ဟံၣ်ဟးဂီၤဝဲ(၄)ဖျၢၣ်အဂ့ၢ်န့ၣ် သ့ၣ်ညါဘၣ်န့ၣ်လီၤ.
ဘၣ်ဃးတၢ်ဂ့ၢ်ကဲထီၣ်သးအံၤ တၢ်ပၢၢ်ဆၢကရူၢ်အပှၤလၢအိၣ်ဘူးဖဲန့ၣ်တဂၤစံးဝဲလၢ“အဟဲခးလီၤတၢ်တဘျီအံၤလၢ ယပၣ် ဟံၣ်(၇၅)ဖျၢၣ် ပှၤဘၣ်ကီဘၣ်ခဲဒဲကဝီၤတၢ်လီၢ်. တၢ်လီၢ်န့ၣ်အကဲဝဲတလၢၤတၢ်လီၢ်. ပနၢ်ဟူလၢဟံၣ်န့ၣ်ဟးဂီၤ(၄)ဖျၢၣ်. ”အဂ့ၢ် န့ၣ် စံးဘၣ်ခ့ၣ်အဲးစံၣ်-ကညီတၢ်ကစီၣ်န့ၣ်လီၤ.
ဟီၣ်ကဝီၤဖဲန့ၣ်အပူၤ ဘၣ်ဃးသုးမီၤစိရိၤအကဘီယူၤတၢ်လီၤဘၣ်ယိၣ်အံၤလၢကမျၢၢ်အဂီၢ်တနံၤဘၣ်တနံၤတၢ်ဘၣ်ယိၣ်ဟဲ အိၣ်အါထီၣ်ထီၣ်ဝဲဒီးအပူၤကွံၥ်လါမ့ၤ ၂၇ သီအခါန့ၣ်စ့ၢ်ကီး ပယီၤသုးလဲၤတ့ၢ်လီၤမ့ၣ်ပိၢ်လၢ(ရေးဘီလူး)ဖီၣ်စုကဝဲၤကရူၢ် အသုးကလၢၤ တၢ်လီၢ်အဃိ ဖဲန့ၣ်သုးကရူၢ်အပှၤသံတစှၤန့ၢ်အဂၤ(၁၀)ကဲထီၣ်ဒံးဝဲအသိး အပူၤကွံၥ်လါယူၤ ၃ သီ လၢမိၣ်ကီၢ်သီပၣ်တံၣ် ဟီၣ်ကဝီၤအပူၤ ကဘီယူၤလဲၤတ့ၢ်လီၤမ့ၣ်ပိၢ်အဃိ ကမျၢၢ်သံကဒီးဝဲ(၁)ဂၤဒံးန့ၣ်လီၤ.
သုးမီၤစိရိၤအံၤ ဒုးယၤတၢ်သဘံၣ်သဘုၣ်ကဲထီၣ်တအိၣ် ပညိၣ်လဲၤခးလီၤတၢ်တလီၢ်လီၢ်လၢ ကမျၢၢ်ဒူသဝီတကးဒံးဘၣ် လၢၤဃုၥ်ဒီးပှၤလီၢ်အိၣ်ကမှံဒဲကဝီၤလီၢ်အဃိ လီၢ်ကဝီၤကမျၢၢ်တဖၣ်အိၣ်ဒီးပျံၤတၢ်ဖုးတၢ်ဘၣ်ယိၣ်ဘၣ်ဘှီ တၢ် ဟဲအါထီၣ် ဝဲဒၣ်န့ၣ်လီၤ.
ဒ်န့ၣ်အသိးခဲအံၤခီဖျိလၢကဘီယူၤအတၢ်လဲၤခးလီၤတၢ်တၢ်ဂ့ၢ်ပိၥ်ထွဲအံၤအဃိ ဝီၢ်ရ့ၣ်ဟီၣ်ကဝီၤဖဲန့ၣ်အပူၤ ဒူသဝီကမျၢၢ် ပှၤနီၣ်ဂံၢ်(၁၀၀၀)ဃၣ်ဃၣ် ဘၣ်ဃ့ၢ်ထီၣ်ဝဲအဂ့ၢ်န့ၣ် ဟီၣ်ကဝီၤတၢ်ကစီၣ်တဖၣ်ပၥ်ဖျါထီၣ်ဝဲဒၣ်အသိး သ့ၣ်ညါဘၣ်န့ၣ်လီၤ.