ရၤမတံဝ့ၢ်ပူၤ တၢ်ဆါလီၤအီၣ်သးတၢ်မၤခိၣ်တဖၣ် တၢ်ဟံးန့ၢ်အရ့တအိၣ်ဘၣ်အဖီခိၣ် တၢ်ပဲၥ်ထံနီၤဖးအိၣ် ထီၣ်

လါအီကူၥ် ၁၉သီ, ၂၀၂၆နံၣ်, ခ့ၣ်အဲးစံၣ်,

ကီၢ်ကၠီၣ်တဲၣ် ကညီကီၢ်စဲၣ်-ကီၢ်ဆၢ ရၤမတံဝ့ၢ်ပူၤ ဆါလီၤအီၣ်နီၢ်ခိက့ၢ်ဂီၤတဖၣ် တၢ်ဖီၣ် ဒီးဟံးန့ၢ်ဝဲအရ့အိၣ်ဘၣ်ဆၣ်, တၢ်မၤအခိၣ်တဖၣ်တၢ်ဟံးန့ၢ်အရ့တအိၣ်ဘၣ်အဖီခိၣ် တၢ်ပဲၥ်ထံနီၤဖးအိၣ်ထီၣ်ဝဲ အဂ့ၢ်, သ့ၣ်ညါဘၣ်န့ၣ်လီၤ.

ရၤမတံဝ့ၢ် ပယီၤသုးသ့ၣ်တဖၣ်အံၤအပူၤကွံၥ် လါအီကူၥ်(၁၃)သီဟါခီအနံၤအပူၤ နုၥ်လီၤမၤဝဲတၢ်သမံသမိးလၢ ကဝီၤဒ့ နီၣ်ဂံၢ်(၄) တၢ်ဆါလီၤနီၢ်ခိက့ၢ်ဂီၤတၢ်ဖံးတၢ်မၤ အလီၢ်တတီၤဒီး ဖီၣ်ဝဲပှၤမၤတၢ်ဖိပိၥ်မုၥ်(၃၂)ဂၤဃုၥ်ဒီး ပိၥ်ခွါ(၄)ဂၤ ဝံၤအ လီၢ်ခံ, မဟါလါအီကူၥ်(၁၈)သီအနံၤအပူၤထုးထီၣ်ဝဲတၢ်ကလုၢ်လၢ တၢ်ကဒၢနုၥ်လီၤပှၤသ့ၣ်တဖၣ်အံၤလၢ ဃိၥ်ပူၤ အိၣ် ဝဲအဂ့ၢ်, ဝ့ၢ်ပူၤဂံၢ်ခီၣ်ထံးတၢ်ကစီၣ်သန့တဖၣ်ပၥ်ဖျါထီၣ်ဝဲဒၣ်န့ၣ်လီၤ.

ပယီၤသုးအတၢ်ဖံးတၢ်မၤအံၤအဖီခိၣ်, ရၤမတံဝ့ၢ်လီၢ်ကဝီၤကမျၢၢ်တဂၤစံးဝဲလၢ “မ့တဲလၢတၢ်တဲအလၢၥ်န့ၣ် အဝဲသ့ၣ်မၤကြီတၢ်လဲလဲန့ၣ်လီၤ. ဖီၣ်လၢပှၤဆါလီၤအီၣ်သးဖိသၣ်မုၣ်ဖိတဖၣ်န့ၢ်ဒုသ့ဝဲလဲၣ်. နီၢ်နီၢ်တၢ်ကြၢးဖီၣ်လၢ အကစၢ်လၢအိးထီၣ်တၢ်ဒီးကဲတၢ်အခိၣ်တဖၣ်န့ၣ်လီၤ. မ့ၢ်ဖီၣ်ထဲပှၤမၤတၢ်ဖိတဖၣ် န့ၣ်ရၤမတံဝ့ၢ်ပူၤဖီၣ်တလၢၥ် လၢၤ ဘၣ်.”အဂ့ၢ်စံးဝဲန့ၣ်လီၤ.

ရၤမတံဝ့ၢ်အံၤ မ့ၢ်ဝဲကီၢ်ဆၢဝ့ၢ်တၢ်လီၢ်တတီၤဒီး ကမျၢၢ်တၢ်ဟးထီၣ်က့ၤလီၤအါဝဲဝ့ၢ်တဖျၢၣ်အမဲၥ်ညါ, အမံၤဒိၣ်ဝဲလၢ တဖိးမံသဲစး တၢ်လံၣ်အီၣ်လီအီၣ်ကျိၣ်စ့တၢ်ဖံးတၢ်မၤ, တၢ်သူကသံၣ်မူၤဘှီး, တၢ်ဆါအီၣ်ပှၤကူပှၤကညီ, ဒီး တၢ်မၤက မၣ် ကွီၢ်မ့ၣ်သဲစး အါဝဲအလီၢ်တတီၤအဂ့ၢ်, သ့ၣ်ညါဘၣ်န့ၣ်လီၤ.

သုးကရူၢ်အံၤလၢတၢ်ကဖီၣ်ဂၢၢ်က့ၤဝဲရၤမတံဝ့ၢ်ပူၤ (HIV)တၢ်ဆါအတၢ်ဘၣ်ကူဘၣ်ဂၥ်ရၤလီၤအသးအဂီၢ်, အပူၤ ကွံၥ် လါအီ ကူၥ်(၁၀)သီအနံၤအပူၤ ဘိးဘၣ်ပၥ်ဖျါတ့ၢ်လၢ ကဟံးထီၣ်ဖီၣ်ထီၣ်ဝဲ ပှၤမၤတၢ်ဆါလီၤအီၣ်နီၢ်ခိၣ်က့ၢ်ဂီၤ တၢ် ဖံးတၢ်မၤတဖၣ်အိၣ်ဝဲအဂ့ၢ်,သ့ၣ်ညါဘၣ်န့ၣ်လီၤ.

ဘၣ်ဆၣ်, တၢ်ဆါလီၤအီၣ်နီၢ်ခိက့ၢ်ဂီၤတၢ်ဖံးတၢ်မၤလီၢ် ဒီးတၢ်မုၥ်လၤသးဖှံလီၢ်သ့ၣ်တဖၣ်အံၤ အတၢ်ဘၣ် ထွဲအိၣ်ဝဲဒီး သုး ကရူၢ်ခိၣ်နၢ်, တရူးပှၤဒိၣ်ကျိၣ်ဒိၣ်စ့ ဒီး ဖီၣ်စုကဝဲၤကရူၢ်ကရၢခိၣ်နၢ်တဖၣ်အဃိ တၢ်ဖီၣ်ဝဲဒၣ်ထဲ ပှၤဖံးမၤတၢ်ဖိတဖၣ်လီၤအဖီခိၣ်, သုးကရူၢ်အတၢ်မၤအံၤမ့ၢ်ဒၣ် တၢ်လီၤနံၤဘၣ်ဖၣ်လဲလီၤအဂ့ၢ်, ဝ့ၢ်လီၢ်ကဝီၤက မျၢၢ်တဖၣ်ပဲၥ်ထံနီၤဖးစံးကတိၤဝဲလၢ စိၣ်ရှၢၣ်မံၣ်ဒံၣ်ယၢၣ် အပူၤအိၣ်ဝဲအါမံၤ န့ၣ်လီၤ.

တကတီၢ်ဃီ, ဒ်ဟီၣ်ကဝီၤတၢ်ကစီၣ်သန့တဖၣ်ပၥ်ဖျါထီၣ်ဝဲအသိးန့ၣ်, ရၤမတံဝ့ၢ်အံၤ တၢ်ဆါလီၤနီၢ်ခိက့ၢ်ဂီၤ တၢ်လီၢ် လိၤလိၤအိၣ် ဝဲအတီၤ(၆၀)ဘျဲၣ်ဒီး, တၢ်ဆါလီၤနီၢ်ခိက့ၢ်ဂီၤလီၢ်လၢပၥ်မၤအသးဒ် တၢ်အိၣ်ဆူၣ်အိၣ်ချ့တၢ်စံၢ် ပှၤကညီ အလီၢ်အိၣ်ဝဲ (၄၀) ဒီး တၢ်ပၥ်မုၥ်ပၥ်လၤ(KTV)အလီၢ်အိၣ်ဝဲ (၁၆)ဖျၢၣ်အဂ့ၢ်, သ့ၣ်ညါဘၣ်န့ၣ်လီၤ.

ဒ်န့ၣ်အသိး, တၢ်လီၢ်သ့ၣ်တဖၣ်အံၤပူၤ, အါတက့ၢ်သူၣ်စၢ်သး ဘီၣ်လၢအိၣ်ဟဲဝဲလၢ တၢ်လီၢ် ယံၤ,လုၢ်အီၣ်လုၢ်အီဟံၣ်ဖိ ဃီဖိ, ဃုဖံးဃုမၤ ဒိးန့ၢ်တၢ်ဖံးတၢ်မၤခွဲးယၥ်စှၤသ့ၣ်တဖၣ်နုၥ်လီၤဖံးမၤဝဲတၢ်အဂ့ၢ်, ဝ့ၢ်လီၢ် ကဝီၤကမျၢၢ် တဖၣ်စံးဝဲ န့ၣ် လီၤ.